تازه خبرونه
افغانستان د اسیا د پانګونې بانک غړیتوب اخلي
د افغانستان او چین د سوداګرۍشورا سلاکار وایي د افغانستان غړیتوب په دې بانک کې اړین دی. په همدې حال کې د مالیې وزارت وايي هڅه کوي چې افغانستان د اسیا د پانګونېد بانک غړیتوب ترلاسه کړي.
د مالیې وزارت همدا راز وایي په یاد وزارت کې د افغانستان غړیتوب اخیستل د اقتصادي ودې په برخه کې مهم ګام دی.
د مالیې وزیر غواړي د نړیوال اقتصادي سازمان په کلنۍ غونډهکې ګډون وکړي. د مالیې وزارت ویاند وایي چې دوی به د افغانستان د اقتصادي ودې له پاره په دې غونډه کې ګډون وکړي. همداراز د مالیې وزیر د افغانستان د لویو پروژو او اقتصادي اړیکو په اړه چین ته خپل سفر کې له چینایي چارواکو سره خبرې کړې دي.
د مالیې وزارت ویاند اجمل عبدالرحیمزی وايي: “د سفر هدف یې دا دی ترڅو په یاد هېواد کې د نړیوال اقتصادي سازمان په کلنۍغونډهکې ګډون وکړي او همدارنګه تر ټولو مهمه موضوع دا ده چې د افغانستان د مالیې وزیر به د خپل سفر په ترڅ کې د اسیا د پانګونې اوزیربناېي بانک یا AIIB د رییس سره خبرې وکړي ترڅو په یاد بانک کې افغانسان غړیتوب واخلي.”
په همدې حال کې د افغانستان او چین د سوداګریزو شورا سلاکار وایي چین د افغانستان د اقتصاد په برخه کې مهم رول لوبوي او افغان حکومت باید دا اړیکي وساتي.
د افغانستان او چین د سوداګریز شورا سلاکاراصف طوطاخېل وايي: “په نړیوالو اقتصادي بنسټونو کې د افغانستان غړیتوب ګټوره ده او افغانستان له هر فرصت څخه باید ګتور کار واخلي.”
د اقتصادي همکارۍ سازمان یا ایکو اوه غړي لري چې افغانستان يې هم یو له غړو څخه دیاو سږکال د مالیې وزیر دافغانستان په استازیتوب په کلنۍ غونډه کې غواړي ګډون وکړي.
تمه ده چې په دغه غونډه کې به د چین او افغانستان ترمنځ د اقتصادي همکارۍ د پیاوړتیا، د کاسا زر او ټاپي پروژې په څېر د ځینو نورو مهمو اقتصادي پروژو پر سر د بحث ترڅنګ د اسیا د پانګونې او زېربنا په بانک کې د افغانستان د غړیتوب موضوع هم مطرح شي.
خبرياله: نبیله حفیظي
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه23 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه23 hours ago
ترکمنستان د ټاپي پروژې بشپړولو ته ژمن دی – امانوف
-
لوبی20 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل