تازه خبرونه
په زابل کې د ملي رادیو تلویزیون خبریال ناڅرګندو وسلوالو وژلی
په زابل کې د دغه ولایت د ملي راديو تلويزيون خبريال د ناپېژاندو وسلوالو له لوري پرډزو وژل شوى دى.
د افغانستان د رسنیو ملاتړ ادارې(نی) اعلام کړې، چې د یکشنبې په ماښام د ملي رادیو تلویزیون پر خبریال یعقوب شرافت په داسې حال کې ډزې شوي، چې نوموړی په خپل موتر کې د کور پر لوري روان و.
د (نی) په خبرپاڼه کې راغلي، چې ۲۲ کلن شرافت له دوه کلونو راهیسې خبریالي پیل کړې وه او په زابل ولایت کې یې ملي رادیو تلویزیون ته کار کاوه.
ویل کیږي، چې له یو شمېر نورو سیمه ییزو رسنیو سره یې هم همکاري لرله.
د زابل امنيه قومندان جنرال ميرويس نورزي، رسنیو ته په ډاګه کړې، چې پرون ماښام له لمانځه وروسته شاوخوا شپږ بجې د کلات درساله کلي په اړوند سیمه کې ناپېژاندو وسلوالو د زابل د ملي راديو تلويزون پر خبريال يعقوب شرافت ډزېکړي، چې له کبله يې نوموړي په روغتون کې ساه ورکړې او برید کوونکي په تېښته بریالي شوي دي.
د ځایي پولیسو په وینا؛ د برید کوونکي په اړه څېړنې روانې دي او تر اوسه پېژندل شوی نه دی.
کورنیو چارو وزارت د یوې اعلامیې په خپرولو ویلي، چې د خبریال یعقوب شرافت وژنه یوه ضایعه ده او د زابل امنیتي مسوولینو ته سپارښتنه شوې، چې د پېښې په اړه سمه پلټنه وکړي او عاملان یې د قانون منګولو ته وسپاري.
افغانستان د بیان آزادۍ په ډګر کې د نسبي ۱۵ کلن پرمختګ او د رسنیو او خبریالانو په اړه د تاوتریخوالي شاهد پاتې شوی دی.
د افغانستان د خبریالانو مرکز وایي، د روان کال په تېرو شپږ میاشتو کې د یعقوب شرافت په ګډون درې خبریالانو خپل خوږ ژوند له لاسه ورکړی دی.
یعقوب شرافت واده کړی و او یوه، دولس میاشتنۍ لور ترې پاتې شوه.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه24 hours ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی21 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل