تازه خبرونه
ينس: د افغانستان امنيتي حالات څارو
د ناټو عمومي منشي د افغانستان له ستونزو ډک امنیتي حالت د څارلو خبر ورکوي. ینس ستولتنبرګ څرګندويچې په افغانستان کې د ناټو حضور د وسله والو طالبانو او نورو ترهګرو ډلو د تاوتریخوالي له کبله دی.
هغهډاډ څرګند کړ چې د امریکا نوی ولسمشر او حکومت به یې له افغانستان سره خپلو همکاریو ته دوام ورکړي.
د ناټو د بهرنیو چارو وزیرانو د غونډې له پیل مخکې د دغه سازمان ريیس ینسستولتنبرګ د افغانستان د حالاتو نازک او ستونزمن انځور وړاندې کړ. ده وویل چې ناټو ځکه په افغانستان کې ده چې طالبان او نور سخت دریځي تاوتریخوالي ته لمن وهي.
د ناټو عمومي منشي ینس ستولتنبرګ وايي: “مونږ هېڅکله هم د افغانستان ماموریت اسانه نه دی ګڼلی او په دې پوهېدو چې دا یو سخت ماموریت دی او تاوتریخوالی به دوام مومي. مونږ به د طالبانو او نورو سخت دریځو له بریدونو خوندي نه وو. له همدې کبله مونږ د افغان ځواکونو ملاتړ کوو. دا هم جوته ده چې افغان ځواکونه قوي مورال لري.”
ده وویل چې په وارسا او بروکسل کې له افغانستان سره لهژمنه شوو مرستو دا ښکاره شوه چې نړیوال د افغانستان ملاتړ ته دوام ورکوي. ده د افغانستان په هکله د امریکا د نوي ولسمشر د ناڅرګند دریځ په هکله وویل: “د بروکسل په راتلونکې غونډه کې به د امریکا لهنوي ولسمشر ډونالد ټرمپ سره د افغانستان په مسایلو خبرې وکړم. د افغانستان ماموریت د ناټو تر ټولو ستر ماموریت دی. ټرمپ ولسمشر غني ته په ټليفوني خبرو کې ډاډ ورکړی چې له افغانستان سره به خپلو همکاریو ته دوام ورکوي.”
ټاکل شوې چې د ناټو عمومي منشي به د چارشنبې په ورځ د افغانستان د بهرنیو چارو له سرپرست وزیر سره وګوري. د ناټو عمومي منشي ویلي چې د افغانستان شرایطو ته په کتو به امریکا او ناټو لا ډېر نږدې شي او کارونه به همغږي کړي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه18 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه18 hours ago
ترکمنستان د ټاپي پروژې بشپړولو ته ژمن دی – امانوف
-
لوبی15 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل