تازه خبرونه
افغانستان کې د اوباما اته کلن سياست ارزول کېږي
د امریکا د کانګرېس یوه غړي ویلي،اوس د دې وخت راغلی چې په افغانستان کې د اوباما د اته کلن سیاست بیا ارزونه پیل شي.
د کانګرېس غړي جان برتن ویلي چې د امریکا نوی حکومت به په افغانستان کې په پوځي او سیاسي برخو کې ګټور ګامونه اوچت کړي. په همدې حال کې د امریکا د دفاع وزیر وايي چې د افغانستان وضعیت د اوباما د دورې د پیل په وخت له اوسني حالت څخه ناوړه و.
د امریکا د ولسمشر بارک اوباما چې کاري دوره یې پای ته رسېدونکې ده، تمه لرله چې د کار له پای ته رسېدو سره به له افغانستان څخه خپل سرتېري ور ټول کړي او جګړې ته به پای ورکړي، خو وضعیت اوس د هغه د تمې خلاف دی. زرګونه امریکايي سرتېري لاهم په افغانستان کې پراته دي او په جګړه کې ښکېل دي.
د امریکا د کانګرېس یوه غړي ډن برتن له اریانا نیوز سره په خبرو کې وویل چې اوس هغه وخت راغلی چې په افغانستان کې د امریکا په تګلاره له سره غور وشي.
د امريکا د کانګرېس غړی ډن برتن وايي: “فکر کوم چې د افغانستان په هکله زمونږ سیاست ډېر مهم دی. اړتیا ده چې مونږ اوس د افغانستان په هکله د اوباما اته کلن ماموریت او سیاست و ارزوو. مونږ به ټول هغه څه وکړو چې وکولای شو افغانستان د یوه ازاد او خپلواک هېواد په توګه وساتو. امریکايي سرتېري له افغان سرتېرو سره اوږه په اوږه مخ کې ځي.”
په امریکا کې پوځي کارپوهان هم د افغانستان په اوسني وضعیت ناخوښ دي. دوی هم د افغانستان په هکله د امریکا په تګلاروله سره د غور غوښتنه کوي.
پوځي کارپوه هونل فیلز وايي: “د افغانستان حالات باید و ارزول شي، د دغه هېواد حالات خپله د دې غوښتنه کوي چې باید شرایط یې ور ازول شي. دا باید ومومو چې آيا په افغانستان کې د حل لاره شته او که نه. مونږ باید په افغانستان کې مثبت بدلونونه ووینو.”
د امریکا د دفاع وزیر بیا په خپل یوه لیک کې په ډاګه کړې چې کله په ۲۰۰۹میلادي کال کې اوباما واک ته ورسېد، نو د افغانستان شرایط ډېر ترینګلي وو، له همدې کبله يې د القاعدې او نورو سخت دریځو د ځپلو له پاره ډېر سرتېري ولېږل.
د امریکا د دفاع وزیر شتون کارټر وايي : “هیله مې دا ده چې راتلونکی حکومت به له افغانستان سره د پرمختګ اړیکېوپالي، ځکه چې افغانان د امریکا مرستو ته د څو کلونو له پاره اړتیا لري.”
دا څرګندونې په داسې حال کېږي چې په افغانستان کې د ناټو او امریکايي ځواکونو عمومي قومندان جنرال نیکولسن په دسمبر کې په ډاګه کړې وه چې افغان ځواکونه د خپل هېواد په ۶۴سلنهخلکو واک لري.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه21 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه22 hours ago
په عراق کې به همجنسبازان پر۱۵ کاله بند شي –پارلمان
-
لوبی19 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل