تازه خبرونه
په هېواد کې د شاتو تولید لس په سلو کې ډېر شوی دی
د کرنې او مالدارۍ وزارت مسولین وايي چې د شاتو مچیو فني ساتنه او کورنیو شاتو ته د خلکو د علاقي زیاتېدل د دې لامل شوي چې د شاتو د مچیو فارمونه ډېر او د شاتو تولید زیات شي.
که څه هم په کور د ننه د شاتو تولید ډېر شوی، خو د بسته بندۍ، د کیفیت د کنټرول او ازمویلو له پاره د مناسبو ماشینونو نشتوالی د دې لامل شوي چې بهر ته یې په صادراتو کې ستونزې را پیدا شي.
د کرنې او مالدارۍ مسولین وايي چې په دوه زره دوولسم مېلادي کال په هېواد کې زر ټنه شات تولید شوي وو چې په دوه زره پنځلسم میلادي کال کې یو زر نهه سوه ټنه تولید شوي وو. مسولین وايي چې په دوه زره شپاړسم کال کې بیا د وړم کال په پرتله لس په سلو کې زیاتوالی راغلی دی. د کرنې وزارت مسولین څرګندوي چې دوی په هېواد کې د شاتو د مچیو له فارم لرونکو سره مرسته کوي او هغوی ته د پرمختګ او ودې لارې چارې ښيي.
د کرنې وزارت ویاند لطفالله راشد وايي: “د کرنې وزارت له لوري دې ته پاملرنه ډېره شوې چې د شاتو د مچيو ساتنه ډېره کړي، دا هڅه کېږي چې په دې برخه کې ډېرو بزګرو ته روزنه ورکړل شي.”
د افغانستان شات که څه هم د ښه کیفیت لرونکي دي، خو د تقلب د مخنیوي له پاره د ماشینونو نشتوالی، د ساتنې له پاره د مناسبو لوښو کمښت او په بسته بندۍ کې ستونزې، هغه څه دي چې په بهر کې يې د پيرودونکو پام نه دی خپل کړی.
د شاتو د مچیو د پروژې تخنیکي مدیر غلام سنایي ساتي وايي: “دلته بايد د کيفيت د کنټرول يو لابراتوار فعال کړل شي، څو موږ وکولای شو چې شات بهرنيو هېوادونو ته هم صادر کړو.”
په افغانستان کې د شاتو د مچیو له فارمونو سره د فرانسې د همکاریو د دفتر له خوا مالي ملاتړ کېږي. مسولین وايي چې له دوه زره پنځم کال راهیسې یې په دغه برخه کې پنځه سوه زره امریکايي ډالر لګولي دي.
په کابل کې د فرانسې د همکاریو د دفتر ريیس محمد ادریس رووف وايي: “خلک بايد عادت وکړي او وپوهېږي چې موږ په خپل هېواد کې ډېر ښه شات لرو، نظر دې چې دوی بې کيفيته بهرني شات واخلي.”
د افغانستان هوا او چاپېریال د شاتو د مچیو د ساتنې او ودې له پاره مناسب ګڼل کېږي. همدا اوس په افغانستان کې د شاتو د مچیو دوه سوه اووه دېرش زره کورنۍ ساتل کېږي چې اووه زره کسان یې په ساتنه بوخت دي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه17 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه17 hours ago
په عراق کې به همجنسبازان پر۱۵ کاله بند شي –پارلمان
-
لوبی14 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل