تازه خبرونه
ټرمپ د اسلامي توندلاريتوب په وړاندې مبارزه کړي
د امریکا نوی ولسمشر وایي چې نړۍ به د اسلامي توندلاریتوب په وړاندې یو موټی کړي. ډونالد ټرمپ ټینګار کوي چې امریکا به د بنسټ پالنې د رېښو د وچولو له پاره نوي اېتلافونه جوړ کړي.
له بلې خوا ولسمشرۍ ماڼۍ وایي، ټرمپ د افغانستان په هکله د نوو پروګرامونو په تړاو روښانه خبرې نه دي کړې. په همدې حال کې شنونکي وایي چې د امریکا ولسمشر تر اوسه په نړۍ کې د ترهګرۍ پر وړاندې مبارزه کې خپل سیاست معلوم کړی نه دی.
ډونالدټرمپ چې تازه یې د امریکا د ولسمشر په توګه دنده پیل کړې په راتلونکي کې د سترو پرېکړو یادونه کوي. له اسلامي توندلارۍ سره یې مبارزه مهمه خبره ده. افغانستان له همداسې یوې پدیدې کړېږي. اټکل کېږي چې د ټرمپ دغه دریځ به د افغانستان پر وضعیت مستقیم اغېز ولري.
د امريکا ولسمشر ډونالډ ټرمپ وايي: “مونږ پخواني اېتلافونه بېرته پیاوړي کوو، نوي اېتلافونه جوړوو او متمدنه نړۍ د اسلامي توندلارۍ پر وړاندې یو موټی کوو او مونږ به یې ریښې له ځمکې وباسو.”
د افغانستان جګړه د امریکا د تاریخ اوږده جګړه ده ټرمپ به دا جګړه څه ډول پر مخ وړي. دوه اونۍ مخکې ټرمپ له ولسمشرغني سره د ترهګرۍ پر وړاندې د ګډې مبارزې په تړاو خبرې کړې وې.
د ولسمشر د ویاند مرستیالسیدظفر هاشمي وايي: “د ولسمشر ټرمپ بیانيه ټوله د دوی د حکومت د عمومي تګلارې د پېژندنې په اړه وه، د نړيوالو موضوعاتو په اړه چې امريکا په کې دخيله ده خبرې ونه شوې چې افغانستان هم يو له دې موضوعاتو دی، کومې خبرې چې ډونالډ ټرمپ دوې اونۍ له ولسشمر غني سره لرلې، د ګواښونو، اړيکو او دواړو هېوادونو د ګډو ګټو په اړه يې وکړې چې له ترورېزم او ترهګرۍ سره مبارزه په کې شامله وه.”
افغانستان کې د جګړو شدت تر اوسه نه دی کم شوي خو اړتیا لیدل کېږي چې د ترهګرۍ پر وړاندې کلک ګامونه پورته شي.
د پوهنتون استاد ډاکتر فیضمحمد ځلاند وايي: “سره له دې چې د ټرمپ سياست دومره روښانه نه دی، خو هيله داده چې هغه له دې جغرافيې څخه افراطي ډلې له منځه يوسي، هغه کولای شي د يوه روښانه سياست په لرلو سره له افغانستان سره د دايمي سولې په ترلاسه کولو کې لويه مرسته وکړي، هماغه ډول چې ډېرې سترګې د دې کار لاره څاري.”
د اویا کلن ډونالد ټرمپ بریا ټوله نړۍ او افغانستان حیران کړل. له ولسمشرغني سره څو ورځې مخکې نوموړي خبرو کې له افغانستان سره د ستراتیژیک ملګري په توګه د امریکا د ګډ کار ډاډ ورکړی و.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه18 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه19 hours ago
په عراق کې به همجنسبازان پر۱۵ کاله بند شي –پارلمان
-
لوبی16 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل