تازه خبرونه
په هېواد کې د ۴۰ ولسوالیو خلک خپلې پرېکړې د طالبانو په محاکمو کې کوي
د هېواد له ۴۰ څخه په زیاتو ولسوالیو کې خلک د وسلوالو طالبانو په محاکمو کې خپلې پرېکړې کوي.
د آریانا نیوز موندنې ښيي، چې په عدلي او قضايي ارګانونو کې اداري فساد، خلک اړ کړي ، چې خپلې قضیې د طالبانو په محاکمو کې حل کړي.
د هېواد په یو شمېر سیمو او ولسوالیو کې د ملي وحدت حکومت د عدلي او قضايي ارګانونو تر څنګ د وسلوالو طالبانو محکمې هم فعالې دي.
د آریانا نیوز څېړنه په نهه ولایتونو کې تر شوې او ښیي، چې له څلوېښت ډېرې داسې ولسوالۍ شته، چې وسلوال طالبان په کې خپلې محکمې لري او د سیمې خلک خپلې قضیې په کې فیصله کوي.
هلمند، زابل او روزګان هغه ولایتونه دي، چې د وسلوالو طالبانو د محاکمو شمېر په کې ډېر دی.
د هلمند له مرکز لښکرګاه او ګرشک ولسوالۍ پرته د دغه ولایت په ټولو ولسوالیو کې وسلوال خپلې محکمې لري.
د زابل د لس ولسوالیو څخه اته او د روزګان له مرکز ترینکوټ پرته په ټولو اووه ولسوالیو کې وسلوال طالبان خپل عدلي او قضايي سیستم لري.
د کندز په دشت ارچي، چاردره او قلعه زال او د ښار په څنډو کې هم وسلوال طالبان خپلې محکمې لري او د فراه په بکواه، خاک سفید، د سرپل په کوهستاناتو او لغمان ولسوالیو او د غور ولایت په پېنځه ولسوالیو کې وسلوال طالبان د خلکو قضیې فیصله کوي.
د افغانستان په ختیځ کې د ننګرهار په درې ولسوالیو کې وسلوال طالبان د خلکو قضیې فیصله کوي او د دغه ولایت په اووه نورو ولسوالیو کې د اوونۍ یوازې یوه ورځ قاضیان د خلکو د لانجو فیصله کولو لپاره دنده تر سره کوي.
د لغمان په پېنځه ولسوالیو کې دولتي قضايي ارګانونه نه دي فعال؛ نو، ځکه زیاتره خلک اړ ديؤ، چې د وسلوالو طالبانو محاکمو ته ورشي.
په ځينو سیمو کې سیمه ییز پولیس او قومي مشران هم د خلکو قضیې حل کوي.
د بشري حقونو خپلواک کمیسیون استازې لطیفه سلطاني هم په دې اړه اندېښنه څرګندوي او وايي، چې په زیاترو ناامنو سیمو کې وسلوال طالبان صحرايي محکمې هم جوړوي.
د پلازمېنې کابل په ګاونډ ولایت وردګو کې وسلوالو طالبانو څه موده وړاندې یو محصل په دار وځړاوه او په جوزجان کې یوه ښځه پر ډزو ووژل شوه او په غور کې وسلوالو کسانو یوه میرمن سنګسار کړه، چې دغو قضیو په رسنیو کې پراخ غبرګون هم درلود.
خبریال : باعث حیات
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه19 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه19 hours ago
ترکمنستان د ټاپي پروژې بشپړولو ته ژمن دی – امانوف
-
لوبی17 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل