Connect with us

تازه خبرونه

حکومت د برښنايي تذکرو وېش ته کلک هوډ نلري- لالی حمیدزی

خپور شوی

د

(Last Updated On: لړم ۲, ۱۴۰۱)

vlcsnap-2017-02-06-18h14m42s234

د ولسي جرګې د کورني امنیت کمیسیون غړي وايي، چې حکومت د برښنايي تذکرو د وېش لپاره کلک هوډ نلري او یو شمېر کړۍ د دغو تذکرو وېش ته لیواله هم نه دي.

د ولسي جرګې د کورني امنیت کمیسیون غړي محمد نعیم لالي حمیدزي له آریانا نیوز سره په خبرو کې په ډاګه کړې، چې حکومت د برښنايي تذکرو د وېش مخنیوی کړی او په ارګ کې ځينې کړۍ نه غواړي، چې تذکرې ووېشل شي.

د لالي حمیدزي په وینا؛ د برښنایي تذکرو په وېش کې یو څو ستونزې شته؛ لومړی دا، چې تړونونو ستونزه لرله، دوه یم دا، چې بشپړ ظرفیتونه باید جوړ شوي وای او په ټوله کې ستره ستونزه په ارګ کې یو شمېر کړۍ دي، چې د وېش خنډ ګرځي او دا کار یې اندېښنې هم راپاروي.

د برښنا يي تذکرو د ادارې ريیس همایون محتاط وايي، چې د وېش لپاره یې  ټولې تیارۍ نیول شوي او د چارواکو هدایت ته سترګې په لاردي.

د نوموړي په وینا؛ دمګړۍ ۷ میلیونخام کارتونه هم ورته لرو.

ویل کیږي، چې له دې مخکې شپاړس میلیون کاغذی تذکرې وېشل شوې دي.

مسوولین وايي، چې که د برښنايي تذکرو وېش پیل شي؛ په اووه کلونو کې به ټولو افغانانو ته ووېشل شي.

ویل کیږي، چې د دغو تذکرو له وېش سره به د ټاکنو شفافیت هم ډاډمنیدلی شي.

خبریال: رفیع صدیقي

Advertisement

تازه خبرونه

له افغانستان سره پر ټوله پوله اغزن تار نه‌غځیږي – ایران

Published

on

(Last Updated On: غویی ۱۸, ۱۴۰۳)

یوه ایراني پوځي چارواکي ویلي، چې له افغانستان سره د ایران پر ټوله پوله اغزن تار نه‌غځوي، بلکې یوازې په زیانمنونکیو برخو کې به فزيکي خنډونه رامنځته کړي.

د ایران پوځ په ډاګه کړې، چې له څلور مټره کانکریټي دیوال، اغزن تار او کټارو سره د پولې د تړلو پلان به په درې کلونو کې پلي شي.

د ایسنا خبری آژانس د راپور له مخې؛ د ایران پولیسو مرستیال قومندان قاسم رضایي د ختیځو پولو د بندولو د پلان په اړه ویلي: په ځینو شمال لویدیځو او ختیځو سرحدونو کې د پولو له بلې خوا ګواښونه شته، چې مونږ ورسره مقابله کوو.

هغه زیاته کړې؛ د نشه‌یي توکو قاچاق، انساني قاچاق او ان د ترهګرو نفوذ له دې پولو څخه ترسره کېږي. له همدې کبله پرېیکړه شوې، چې دا سرحدونه په ښه توګه اداره او وڅارل شي.

د یو بل خبر له مخې؛ د ایران کورنیو چارو وزیر اعلان کړی، چې په تېر کال کې څه باندې یو میلیون او ۳۰۰ زره بهرني وګړي خپلو هېوادونو ته ستانه شوي دي.

احمد وحیدي زیاته کړې، چې غیر قانوني وګړي باید له ایران څخه ووځي او دغه هېواد نوي وګړي نه مني.

Continue Reading

تازه خبرونه

له افغانستان سره د روغتیا نړیوالې ټولنې همکاري اړینه ده – عبدالسلام حنفی

Published

on

(Last Updated On: غویی ۱۷, ۱۴۰۳)

د ریاست الوزراء اداري مرستیال په کابل کې د روغتیا نړیوالې ټولنې له یوه لوړپوړي چارواکي سره په کتنه کې د لریو پرتو سیمو د کلینیکونو د جوړولو او د څانګوالو یا متخصصینو د روزنې په ګډون په بېلابېلو برخو کې د دې ټولنې د همکاریو غوښتنه وکړه.

د ریاست الوزراء د رسنیو له دفتره په خپره شوې خبرپاڼه کې راغلي، چې په دې کتنه کې عبدالسلام حنفي د اسلامي امارت له واکمنۍ سره د مخدره توکو له توليد او قاچاق سره د مبارزې په ګډون په ټول هېواد کې پر نشه‌یی توکو د روږدو کسانو د راټولولو او درملنې، د اداری فساد د له منځه وړلو او د امنیت د خوندي کولو پرمختګونو ته په نغوته کې له دې ټولنې وغوښتل، چې د افغانستان څوکۍ دې د اسلامي امارت استازي ته وسپاري او د مدیترانې سیمې د اجرائیوي بورډ او رهبرۍ په غونډو کې د افغانستان غړیتوب بېرته خوندي کړي.

عبدالسلام حنفي دغه راز د کوکنارو د کښت د بدیل برابرولو او له سیلاب ځپلیو سره د مرستې په برخه کې د نړیوالو بنسټونو د همکارۍ غوښتنه وکړه.

دغه راز نوموړي د پولیو پر له منځه وړلو د ټینګار تر څنګ د روغتیا له نړیوالې ټولنې وغوښتل، چې د پولیو د تشخیص لابراتوارونه فعال او واکسین ورکړي، د سرطان د درملنې مرکز جوړ کړي، په ماشومانو کې د خوارځواکۍ مخه ونیسي او د پاکو اوبو د زمینې په برابرولو کې همکاري وکړي.

د اسلامي امارت د اداري مرستيالۍ د خبرپاڼې له مخې، د روغتيا نړيوالې ټولنې د ختيځې مديترانې سيمې مشرې حنان حسن بلخي په دې غونډه کې ويلي، چې د دې ټولنې لپاره روغتيايي موضوع غير سیاسي او د دې ټولنې یو له لومړیتوبونو څخه ده.

نوموړې په بېلابېلو برخو کې د اسلامي امارت لاسته راوړنو ته نغوته وکړه او هیله څرګندوي، چې د روغتیا او پوهنې په برخه کې به د افغانانو لپاره ښه شرایط برابر شي.

میرمن بلخي وایي؛ د روغتيا نړيوالې ټولنې له نورو نړيوالو ټولنو او اروپايي ټولنې سره په ګډه درې کلنه پروژه لري، چې د افغانستان په بېلابېلو ولايتونو کې د روغتيايي مرکزونو جوړول هم په کې شته.

نوموړې دغه راز د پوليو پر وړاندې د مبارزې په برخه کې د اسلامي امارت له هلو ځلو قدردانی وکړ او زياتوي، چې د افغان بزګرانو لپاره د بديل معيشت د برابرولو په اړه به له نړيوالې روغتيايي ټولنې او نورو اړوندو ادارو سره خبرې وکړي.

دا په داسې حال کې ده، چې دې پلاوي په تېرو دوه کلونو کې د عامې روغتیا وزارت د لاسته راوړنو، د افغان روغتیايي پرسونل د ظرفیت لوړولو، د ولسوالۍ کچې روغتونونو د جوړېدو، د روغتیایي سیسټم د پیاوړتیا، دوامداره همکارۍ، د ساري ناروغیو د کنټرول او غوره همغږۍ په اړه د عامې روغتیا له چارسمبالي سره هم بحث او خبرې کړې دي.

Continue Reading

تازه خبرونه

د اسلامي همکاریو ټولنې سرمشریزې په افغانستان کې د نجونو پر زده‌کړو ټینګار څرګند کړ

Published

on

(Last Updated On: غویی ۱۷, ۱۴۰۳)

په ګمبیا کې د یکشنبې پر ورځ د اسلامي همکاریو ټولنې د پېنځلسمې سرمشریزې ګډونوالو د افغانستان له اسلامي امارت وغوښتل، چې د افغان نجونو او ښځو د زدهکړو او کار کولو حق ته درناوی وکړي.

د دې غونډې په پای کې دوی د زده‌کړو او کار حق د افغان نجونو او ښځو له اساسي حقونو څخه وباله او په دې اړه یې د اسلامي امارت له چارواکو سره د نورو ډېرو بحثونو غوښتنه وکړه.

دغه راز د غونډې ګډونوالو په افغانستان کې د هر اړخیزې حکومتولۍ او تلپاتې سولې او ثبات د خوندي کولو لپاره د قومي ډلو، نشه‌یي توکو، تروریزم او ټولنیزو ستونزو مخنیوي ته د هڅو پر اړتیا ټینګار څرګند کړ.

د اسلامي همکاریو ټولنې د ۵۷ غړیو هېوادونو استازو په دغه کنفرانس کې، چې د تلپاتې پراختیا لپاره د خبرو له لارې د یووالي او پیوستون پیاوړتیا تر سرلیک لاندې جوړه شوې وه، ګډون کړی و.

 د یادونې ده، چې په دې غونډه کې د اسلامي امارت یوه پلاوي ګډون درلود.

Continue Reading

Trending

Copyright © 2022 Ariana News. All rights reserved!