تازه خبرونه
د ورستو افغانیو د راټولولو له اعلان سره سم افغانۍ پنځوس پوله راټیټه شوې
د شهزاده سرای د صرافانو ټولنه وايي، د افغانستان بانک د ورستو افغانیو د راټولولو له اعلان سره سم افغانۍ پنځوس پوله د نورو بهیرنیواسعارو په وړاندې خپل ارزښت له لاسه ورکړی دی.
د شهزاده سرای د صرافا نو ټولنې ویاند حاجي ځیرک وايي، د افغانستان بانک باید د افغانۍ د ارزښت ساتني لپاره باید د ورستو افغانیو د بند یدو پرځای له نورو منظمو پلانونو کار واخلي.
د حاجې ځیرک د څرګندونو له مخې؛ د افغانستان بانک له اعلانه دوه اوونۍ تېرې شوي؛ خو د افغانۍ ارزښت ۵۰ پوله راټیټ شوی دی.
د هغه په وینا؛ د افغانۍ د راټیټیدو یوازنی لامل د بانک اعلان دی.
د اقتصادي چارو کارپوه تاج محمد تلاش هم د افغانستان بانک له لوري د ورستو افغانیو د بندولو اعلان د اسعارو له سیاست سره په ټکر کې بولي او وایي، چې دا کار کولی شي د افغانۍ ارزښت په بازارکې نور هم زیانمن کړي.
نوموړی زیاتوي، افغانستان بانک باید له نورو طریقو دا کار کړی وای.
د نوموړي په وینا؛ په بانک کې د نامسلکې کسانو شتون د افغانۍ په وړاندې ستونزي رامنځته کولی شي.
د افغانستان بانک مرستیال قسیم رحیمي وايي، له دې کار څخه مو موخه د افغانیو د ساتنې لپاره د خلکو هڅول دي.
هغه زیاتوي، زړې او ورستې افغانۍ په هر وخت کي چلند لري؛ خو دا کمپاین د افغانیو د نامناسبه ساتنې لپاره پیل شوی دی.
د نوموړي په وینا؛ مونږ هغه نوټونه، چي رنګ شوي وي، لیکل پرې وي او یا يې رنګ خراب شوی وي هغه به د نوي کال له پیل وروسته له چلنده وایستل شي.
هغه دا هم څرګنده کړې، چې د افغانیو د ساتني او نظارت لپاره مو هم پروګرمونه جوړ کړي دي.
د افغانستان بانک هر کال نږدي درې میلیارد ورستې افغانۍ سوځوي او نوې هغه بازار ته وړاندې کوي؛ خو اوس مو هم بازارو نه له ورستو افغانیو ډک دي.
خبریال: اسلم حجاب
تازه خبرونه
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
د افغانستان په اړه د نړیوال بانک د نوي راپور له مخې؛ په دغه هېواد کې د کوکنارو پر کښت له بندیز سره کروندګرو یو اعشاریه ۳ میلیارډ ډالر عاید له لاسه ورکړي، چې د ناخالصو تولیداتو نږدې ۸ سلنه جوړوي.
دغه بنسټ ویلي، چې په تېرو دوه کلونو کې د افغانستان ناخالص کورنی تولید ۲۶ سلنه کم شوی، چې ورسره د دغه هېواد اقتصادي راتلونکې ناڅرګند شوی دی.
په راپور کې راغلي، چې په خصوصي سکټور کې جوړښتي نیمګړتیاوو او د نړیوالو مرستو کموالي په افغانستان کې د اقتصادي پرمختګ مخه نیولې ده.
نړیوال بانک ویلي، چې د افغانستان نیمايي نفوس په بېوزلۍ کې ژوند کوي او ۱۵ میلیون وګړي د خوړو له نه خوندیتوب سره مخ دي.
د نړیوال بانک د افغانستان څانګې مشرې میلنډا ګوډ ویلي؛ د یوه باثباته راتلونکي افغانستان لپاره باید پر جنسیتي ناوړه پالیسۍ، په روغتیایي او تعلیمي برخو کې پانګونې او د کرنې او کانونو په سکټورونو کې د فرصتونو رامنځته کولو راوڅرخیږي.
نړیوال بانک وایي؛ د افغانستان د سوداګرۍ د کسر زیاتوالی د دغه هېواد د اقتصاد لپاره بله ننګونه ده. د دغه بانک د راپور له مخې؛ په ۲۰۲۳ کال کې د افغانستان واردات ۲۳ سلنه یا ۷ اعشاریه ۸ میلیارډ ډالرو ته رسېدلي دي.
تازه خبرونه
اسلامي امارت د اسلامي همکاریو ټولنې په غونډه کې د خپل پلاوي له ګډون خبر ورکړ
د بهرنیو چارو وزارت نن یکشنبه د غویي شپالسمه څرګنده کړې، چې د اسلامي امارت یوه پلاوي د ګمبیا هېواد د پلازمېنې بانجول پر کوربتوب د اسلامي همکاریو ټولنې په نننۍ ناسته کې ګډون کړی دی.
د اسلامي هېوادونو د همکاریو ټولنې د مشرانو پېنځلسمه دوه ورځنۍ غونډه پرون (شنبه د غویی پېنځلسمه) پیل شوې ده.
د بهرنیو چارو وزارت څرګنده کړې، چې د اسلامي همکاریو ټولنې په غونډه کې د دې وزارت د نړیوالو ټولنو د څانګې ویاند او رییس د اسلامي امارت پر استازیتوب ګډون کړی دی.
د بهرنیو چارو وزارت په خبرپاڼه کې راغلي، چې د اسلامي امارت پلاوی به په عمومي غونډه کې د ګډون ترڅنګ د اسلامي همکاریو ټولنې له لوړ پوړیو چارواکو او د دې ټولنې د غړیو هېوادونو له استازو سره هم وګوري او په بېلابېلو موضوعاتو به ورسره خبرې وکړي.
تازه خبرونه
اسلامي امارت له اسرائیلو سره د ترکیې د سوداګرۍ له ځنډولو هرکلی وکړ
د بهرنیو چارو سرپرست وزیر امیر خان متقي پر غزې د اسرائیلو د بریدونو له کبله د ترکیې له هغې هڅې هرکلی وکړ، چې له اسرائیلو سره یې سوداګري ودروله.
د بهرنیو چارو وزارت د خبرپاڼې له مخې؛ نن یکشنبه ( د غویی شپالسمه) د ریاست الوزراء سیاسي مرستیال مولوي عبدالکبیر په کابل کې د ترکیې د سفارت له چارسمبالي جنک اونال سره په کتنه کې د اسرائیلو پر وړاندې د انقرې له وروستۍ هڅې ستاینه وکړه.
په دې کتنه کې پر دوه اړخیزو اړیکو سربېره د افغانستان د وروستیو مثبتو پرمختګونو او هېواد ته د سیاسي او اقتصادي پلاویو پر سفرونو هم خبرې وشوې.
د بهرنیو چارو وزارت سرپرست دغه راز د لاجورد له لارې له ترکیې سره د افغانستان د سوداګرۍ د پیل او د دغو دواړو هېوادونو د ګډو نندارتونونو پر پرانیستلو هم خبرې وکړې.
د بهرنیو چارو وزارت د خبرپاڼې له مخې؛ په کابل کې د ترکیې سفارت چارسمبالي ویلي؛ هېواد یې په افغانستان کې له وروستیو پرمختګونو خوښ دی او څرګندوي، چې د ترکیې او افغانستان ترمنځ د اړیکو د پراختیا لپاره باید ګډې هڅې وشي.
هغه زیاته کړې، چې په راتلونکیو څو ورځو کې به ترکش ایرلاین کابل ته خپلې الوتنې پیل کړي.
-
سیمه ییز خبرونه4 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه4 days ago
له اسلامي امارت سره په تعامل کې مو ملي ګټې رانغښتي- امریکا
-
تازه خبرونه12 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه