تازه خبرونه
په افغانستان کې ملګري ملتونه له ملکي تلفاتو اندېښمن شوي
د افغانستان د پېچلې جګړې دروند پیټي د ولسي افغانانو پر اوږه پروت دی؛ خو د ملګرو ملتونو د تازه رپوت په لړ کې ویل شوي، چې د روان کال په لومړیو شپږ میاشتو کې یو زر و شپږ سوه دوه شپیته ولسي وګړي وژل شوي او درې زره شپږ سوه نور ټپیان دي.
په افغانستان کې د ملګرو ملتونو ځانګړی استازی تادا میچی یاماموتووایي، روانه جګړه په افغانستان کې د خلکو ژوند اخلي او خلک یې له رنځ او کړاو سره مخ کړي دي. دغه جګړه باید ژر تر ژره پای ومومي.
ملګري ملتونه د دغې مرګ و ژوبلې ډېره برخه پر وسلوالو طالبانو او داعش جګړه مارو ور اچوي، چې اووه شپیته په سلو کې یې په ځانمرګو بریدونو، په سړکونو د ماینونو د چاودنو او نورو بریدونو کې خلکو ته اوښتې ده.
په راپور کې طالبان د خلکو د ۴۳ سلنې وژنې مسوول او داعش د ۵ سلنې هغه ګڼل شوي دي.
ویل کیږي؛ په وژل شويو او ټپیانو کې د ماشومانو شمېر ډېر دی.
د رپوت له مخې څلور سوه شپږ دېرش ماشومان وژل شوي او څوارلس سوه یو څلوېښت ټپیان شوي، چې د تېر کال په پرتله یو فیصد لوړوالی ښيي.
کلیپ: د بشري حقونو د خپلواک کمیسیون ویاند محمد بلال صدیقي دغه شمې د بشري حقونو لپاره دردوونکي بولي او وایي، چې ښکېلې خواوې باید د ملکي وګړیو په ژغورنه کې ډېره هڅه وکړي.
د یوناما په رپوټ کې راغلي، چې د افغان ځواکونو په عملیاتو کې د ولسي وګړیو مرګ و ژوبله د پام وړ کمه شوې ده.
د یوناما په رپوټ کې راغلي، چې د روان کال په لومړیو شپږ میاشتو کې د افغان ځواکونو په عملیاتو کې درې سوه اووه ویشت ولسي وګړي وژل شوي او ۶۱۸ ټپیان دي، چې د تېر کال د همدې مودې د تلفاتو په پرتله یو ویشت په سلو کې کمی ښيي.
یوناما وايي، چې په هوايي بریدونو کې بیا د ولسي وګړیو د تلفاتو فیصدي دري څلوېښت په سلو کې زیاته شوې ده.
د ملګرو ملتونو رپوټ کاږي، چې د روان کال په لومړیو شپږ میاشتو کې پېنځه نوي ولسي وګړي وژل شوي او یو سل و اووه دېرش ټپیان دي.
دغه مرګ ژوبله تر ډيره د وسلوالو مخالفینو په ځانمرګو بریدونو او د افغان او نړیوالو ځواکونو په هوايي بریدونو کې رامنځته شوې ده.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی22 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل