تازه خبرونه
ترمپ د افغانستان لپاره نوې تګلاره په ډاګه کړه
د امریکا د متحده ایالاتو ولسمشر دونالد ترمپ پر سیمه ییز وخت د سې شنبې پر ورځ( دزمري ۳۱) سهار مهال د افغانستان لپاره د خپل هېواد نوې تګلاره اعلام کړه.
دونالد ټرمپ د امریکا لومړنی ولسمشر دی، چې په ښکاره له ترهګرو څخه د پاکستان د ملاتړ په وړاندې غږیږي.
د امریکا ولسمشر دونالد ترمپ وایي، پاکستان تل ترهګرو ته امن پناه ځایونه ورکړي. مونږ باید د ترهګرو د بیا ځلي ظهور او خوندي ځالو مخه ونیسو، چې امریکا ته ګواښ پیښولی شي. مونږ نور په پاکستان کې د ترهګرو، طالبانو او نورو ډلو لپاره د پناه ځایونو د برابرولو په تړاو غلي نه شو پاتې کیدای، چې سیمې او نورې نړۍ ته ګواښ پیښوي.
پاکستان دغه راز هغو سازمانونو ته پناه ورکړې، چې هره ورځ زمونږ خلک وژني. مونږ پاکستان ته میلیاردونه دالر ورکړي، له دې سره پر یوه وخت هغوی هغو ترهګرو ته ځای ورکوي، چې مونږ ور سره جنګیږو.
مونږ د افغانستان د ثبات لپاره د هند له مهمو مرستو مننه کوو، مونږ له هغوي غواړو، چې د افغانستان په تړاو ډېرې مرستې وکړي، په ځانګړې توګه د اقتصادي او پراختیایی مرستو په ډګر کې.
نوموړي د نوې تګلارې په اړه په خبرو کې څرګنده کړه، چې دښمنان باید د امریکا له پلانه خبر نشي.
هغه وویل؛ مونږ نه غواړو، چې په افغانستان کې د قدرت خلا رامنځته شي او جنګ غوښتونکې ډلې واک و ځواک ته ورسیږي.
ترمپ افغانستان ته د سرتېر و د رالیږلو له جزئیاتو ورکولو ډډه وکړه؛ خو دا یې وویل، چې د افغانستان حالات به زمونږ د تګلارې اړوند سرتېري ټاکي او کړنې به مو تر سره کیږي.
نوموړي زیاته کړې، چې امریکا به د افغانستان له ملت، دولت او دفاعي ځواکونو څخه خپل ملاتړ روان ساتي؛ خو دا ملاتړ به نامحدود نه وي؛ ځکه امریکا ملت جوړونه نه کوي.
د ده په وینا؛ امریکا به ټولې ترورستي ډلې خپله موخه وګرزوي.
دا په داسې حال کې ده، چې له ترهګرو څخه د پاکستان ملاتړ د افغانستان او پاکستان پر اړیکو ناوړه اغېز کړی او جګپوړیو افغان چارواکو پاکستان ته له سفر کولو ډډه کړې ده.
افغان ولسمشر اشرف غني د ترمپ ورستی پرېکړه وستایله. هغه، چې کندهار ولایت ته په سفر تلی وایي، چې امریکا به له دې وروسته له زماني قید پرته خپلې مرستې له افغانستان سره روانې ساتي.
ولسمشر اشرف غني زیاته کړې؛ پاکستان د امریکا د نوې تګلارې له اعلام وروسته اړ دی، چې د سولې خبرو ته حاضر شي تو د دغه هېواد خلک خپل حکومت اړ کړي، چې سوله وکړي.
د اشرف غني په وینا؛ له دې وروسته به سولـه له طالبانو سره نه، له ګاونډیانو سره کیږي.
دغه راز د ملي وحدت حکومت اجرائیه رییس عبدالله عبدالله دغه تګلاره له ترهګرو سره د مقابلې په لار کې د سیمې له هېوادونو سره د خبرو لپاره بل فرصت بولي او وایي، چې د ترهګرو ملاتړي هېوادونه باید د ترهګرو له ملاتړ لاس واخلي.
وسلوالو طالبانو د امريکا د ولسمشر دونلد ترمپ نوې تګلاره د جگړې د غزولو په معنا بللې او گواښ يې کړی، چې د وروستي امريکايي پوځي تر شتونه به جگړه روانه ساتي.
تازه خبرونه
له افغانستان سره پر ټوله پوله اغزن تار نهغځیږي – ایران
یوه ایراني پوځي چارواکي ویلي، چې له افغانستان سره د ایران پر ټوله پوله اغزن تار نهغځوي، بلکې یوازې په زیانمنونکیو برخو کې به فزيکي خنډونه رامنځته کړي.
د ایران پوځ په ډاګه کړې، چې له څلور مټره کانکریټي دیوال، اغزن تار او کټارو سره د پولې د تړلو پلان به په درې کلونو کې پلي شي.
د ایسنا خبری آژانس د راپور له مخې؛ د ایران پولیسو مرستیال قومندان قاسم رضایي د ختیځو پولو د بندولو د پلان په اړه ویلي: په ځینو شمال لویدیځو او ختیځو سرحدونو کې د پولو له بلې خوا ګواښونه شته، چې مونږ ورسره مقابله کوو.
هغه زیاته کړې؛ د نشهیي توکو قاچاق، انساني قاچاق او ان د ترهګرو نفوذ له دې پولو څخه ترسره کېږي. له همدې کبله پرېیکړه شوې، چې دا سرحدونه په ښه توګه اداره او وڅارل شي.
د یو بل خبر له مخې؛ د ایران کورنیو چارو وزیر اعلان کړی، چې په تېر کال کې څه باندې یو میلیون او ۳۰۰ زره بهرني وګړي خپلو هېوادونو ته ستانه شوي دي.
احمد وحیدي زیاته کړې، چې غیر قانوني وګړي باید له ایران څخه ووځي او دغه هېواد نوي وګړي نه مني.
تازه خبرونه
له افغانستان سره د روغتیا نړیوالې ټولنې همکاري اړینه ده – عبدالسلام حنفی
د ریاست الوزراء اداري مرستیال په کابل کې د روغتیا نړیوالې ټولنې له یوه لوړپوړي چارواکي سره په کتنه کې د لریو پرتو سیمو د کلینیکونو د جوړولو او د څانګوالو یا متخصصینو د روزنې په ګډون په بېلابېلو برخو کې د دې ټولنې د همکاریو غوښتنه وکړه.
د ریاست الوزراء د رسنیو له دفتره په خپره شوې خبرپاڼه کې راغلي، چې په دې کتنه کې عبدالسلام حنفي د اسلامي امارت له واکمنۍ سره د مخدره توکو له توليد او قاچاق سره د مبارزې په ګډون په ټول هېواد کې پر نشهیی توکو د روږدو کسانو د راټولولو او درملنې، د اداری فساد د له منځه وړلو او د امنیت د خوندي کولو پرمختګونو ته په نغوته کې له دې ټولنې وغوښتل، چې د افغانستان څوکۍ دې د اسلامي امارت استازي ته وسپاري او د مدیترانې سیمې د اجرائیوي بورډ او رهبرۍ په غونډو کې د افغانستان غړیتوب بېرته خوندي کړي.
عبدالسلام حنفي دغه راز د کوکنارو د کښت د بدیل برابرولو او له سیلاب ځپلیو سره د مرستې په برخه کې د نړیوالو بنسټونو د همکارۍ غوښتنه وکړه.
دغه راز نوموړي د پولیو پر له منځه وړلو د ټینګار تر څنګ د روغتیا له نړیوالې ټولنې وغوښتل، چې د پولیو د تشخیص لابراتوارونه فعال او واکسین ورکړي، د سرطان د درملنې مرکز جوړ کړي، په ماشومانو کې د خوارځواکۍ مخه ونیسي او د پاکو اوبو د زمینې په برابرولو کې همکاري وکړي.
د اسلامي امارت د اداري مرستيالۍ د خبرپاڼې له مخې، د روغتيا نړيوالې ټولنې د ختيځې مديترانې سيمې مشرې حنان حسن بلخي په دې غونډه کې ويلي، چې د دې ټولنې لپاره روغتيايي موضوع غير سیاسي او د دې ټولنې یو له لومړیتوبونو څخه ده.
نوموړې په بېلابېلو برخو کې د اسلامي امارت لاسته راوړنو ته نغوته وکړه او هیله څرګندوي، چې د روغتیا او پوهنې په برخه کې به د افغانانو لپاره ښه شرایط برابر شي.
میرمن بلخي وایي؛ د روغتيا نړيوالې ټولنې له نورو نړيوالو ټولنو او اروپايي ټولنې سره په ګډه درې کلنه پروژه لري، چې د افغانستان په بېلابېلو ولايتونو کې د روغتيايي مرکزونو جوړول هم په کې شته.
نوموړې دغه راز د پوليو پر وړاندې د مبارزې په برخه کې د اسلامي امارت له هلو ځلو قدردانی وکړ او زياتوي، چې د افغان بزګرانو لپاره د بديل معيشت د برابرولو په اړه به له نړيوالې روغتيايي ټولنې او نورو اړوندو ادارو سره خبرې وکړي.
دا په داسې حال کې ده، چې دې پلاوي په تېرو دوه کلونو کې د عامې روغتیا وزارت د لاسته راوړنو، د افغان روغتیايي پرسونل د ظرفیت لوړولو، د ولسوالۍ کچې روغتونونو د جوړېدو، د روغتیایي سیسټم د پیاوړتیا، دوامداره همکارۍ، د ساري ناروغیو د کنټرول او غوره همغږۍ په اړه د عامې روغتیا له چارسمبالي سره هم بحث او خبرې کړې دي.
تازه خبرونه
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
په ګمبیا کې د یکشنبې پر ورځ د اسلامي همکاریو ټولنې د پېنځلسمې سرمشریزې ګډونوالو د افغانستان له اسلامي امارت وغوښتل، چې د افغان نجونو او ښځو د زدهکړو او کار کولو حق ته درناوی وکړي.
د دې غونډې په پای کې دوی د زدهکړو او کار حق د افغان نجونو او ښځو له اساسي حقونو څخه وباله او په دې اړه یې د اسلامي امارت له چارواکو سره د نورو ډېرو بحثونو غوښتنه وکړه.
دغه راز د غونډې ګډونوالو په افغانستان کې د هر اړخیزې حکومتولۍ او تلپاتې سولې او ثبات د خوندي کولو لپاره د قومي ډلو، نشهیي توکو، تروریزم او ټولنیزو ستونزو مخنیوي ته د هڅو پر اړتیا ټینګار څرګند کړ.
د اسلامي همکاریو ټولنې د ۵۷ غړیو هېوادونو استازو په دغه کنفرانس کې، چې د تلپاتې پراختیا لپاره د خبرو له لارې د یووالي او پیوستون پیاوړتیا تر سرلیک لاندې جوړه شوې وه، ګډون کړی و.
د یادونې ده، چې په دې غونډه کې د اسلامي امارت یوه پلاوي ګډون درلود.
-
تازه خبرونه2 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه2 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
لوبی5 days ago
سرخ پوشان خوافي او خدیم د خپلو اړوند سیالیو ګټونکي شول
-
نړۍ1 day ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه1 day ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
تازه خبرونه5 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
سوداگري2 days ago
د ترکمنستان د سوداګرو او صنایعو اتحادیې مشر هرات ته سفر وګړ