تازه خبرونه
افغانستان نورو هېوادونو ته ګواښ نه دی-عبدالله عبدالله
د افغانستان د ملي وحدت حکومت اجرائیه رییس څرګنده کړې، چې افغانستان نورو هېوادونو ته ګواښ نه دی او له ګاونډیانو هم ورته تمه لري.
د کابل پر هوایي ډګر د چهارشنبې ورځې بریدونه د دې سبب شول، چې د هېواد اجرائیه رییس عبدالله عبدالله سفر هند ته یوه ورځ وځنډیږي؛ خو د پنجشنې په ورځ(د تلې ۶) د افغان– هند سوداګرو او پانګوالو په ناسته کې د ګډون په موخه ډیلي ته سفر وکړ او په یاده غونډه کې یې برخه واخیسته.
د افغانستان د ملي وحدت حکومت اجرائیه رییس عبدالله عبدالله دې ناستې ته، چې ۲۰۰ افغان سوداګرو هم په کې ګډون درلود له ترهګرو څخه د ملاتړ له عواقبو خبرداری ورکړ او وایي، چې ترهګر هیڅ هېواد ته د خدمت ژمنه نه لري.
هغه یادې ناستې ته په ډاګه کړه، چې له ټولو ګواښونو سره سره افغانستان نه ودرېدونکی دی.
ښاغلی عبدالله د افغانستان د ځینو ګاونډ هېوادونو دا هڅه، چې غواړي د ترهګرۍ د ملاتړ له لارې خپلو موخو ته ورسیږي، بې پایلې بولي.
هغه د ترهګریزو فعالیتونو په اړه داسې پیغام لري: پرونۍ ترهګریزه حمله ښیي، چې اوس هم مونږ له ګڼو ننګونو سره مخ یو. دغه بریدونه کولی شي مونږ د یوې مودې لپاره معطل کړي؛ خو نه شي کولی زمونږ اراده کمزورې او یا هم د سولې او ثبات پر لوري د افغانانو حرکت ودروي.
دی د دیلي او کابل د اړیکو په تړاو د اسلام آباد اندېښنه هم بې ځایه بولي.
د ملي وحدت حکومت اجرائیه رییس دغه راز له پاکستان وغوښتل، چې په خپله خاوره کې د ترهګرو پټنځایونه بند کړي او د ترهګرۍ په خلاف مبارزه کې د افغانستان ملګری شي.
واشنګټن که څه هم د افغانستان د اوسني وضعیت په اړه اندېښنه لري؛ خو له ترهګرۍ سره پر جدي مبارزه ټینګار کوي او له افغانستان سره د اوږدمهاله ملاتړ ډاډ ورکوي.
په کابل کې د امریکا سفارت شازدافیرهوگو لارنس ویلي؛ امریکا له افغانستان سره د مرستې خپله تګلاره اعلام کړه، چې دا هېواد خوندي شي. په دې تګلاره کې یادونه شوې؛ افغانستان خپلو دوستانو او ګاونډیو ته اړتیا لري، چې له ترهګرۍ سره مبارزه تعقیب او اقتصادي همکاري خپله کړي. هند په سیمه کې کلیدي رول لري. نن امریکا ویاړي، چې د افغان او هندي همکارانو تر څنګ یې د سوداګرۍ او پانګونې په دې نندارتون کې پانګونه کړې ده.
داکتر عبدالله په دې سفر کې د هند له ولسمشر، لومړۍ وزیرې او د بهرنیو چارو د وزیر په ګډون د ملي امنیت له سلاکار سره هم د افغانستان پر حالاتو او په سیمه کې د تروریزم پر ګواښونو خبرې کوي.
خبریال: فواد ناصري
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه13 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه14 hours ago
په عراق کې به همجنسبازان پر۱۵ کاله بند شي –پارلمان
-
لوبی11 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل