تازه خبرونه
د مسو عینک کان د تړون نه عملي کیدل او د آثارو تالان پاملرنه غواړي
د ولسي جرګې غړي د لوګر د مسو عینک کان د تړون پر نه عملي کیدو او د کان په اړوند سیمو کې د تاریخي آثارو پر تالان اندېښمن دي.
ولسي جرګې د کانونو، اطلاعاتو او فرهنګ او د کورنیو چارو وزارتونو مسوولین د لوګر مسو عینک د کان پر وړاندې د پرتو ستونزو په اړه استجواب کړي وه.
د ولسي جرګې د دیني، فرهنګي او لوړو زدکړو کمیسیون رییس کمال ناصر اصولي د ملي پانګې پر لوټ او تالان اندېښنه ښکره کړې او وایي، د هېواد ملي پانګه لوټ او تالان کیږي او د میسو عینک کان هم پایله نه ده لرلې.
د نوموړي په وینا؛ د مسو عینک په اړوند سیمه کې لرغونی ښارګوټی راسپړل شوی، چې میلیونونه دالر ارزښت لري؛ خو پر آثارو یې تالان ګډ دی او حکومت هم ورته پاملرنه نه کوي.
په ولسي جرګه کې د بغلان استازی رمضان جمعه زاده د کانونو پر سیاسي کیدو اندېښنه ښيي او پوښتي، چې آیا د میسو عینک موضوع سیاسي ده او که اقتصادي او آیا امریکا له پانګونې داسې اندېښنه لري، چې دا پروژه په بنسټیزه توګه نه پلې کیږي.
د کانونو او پترولیم وزارت د پالیسۍ مرستیال احمد جاوید سادات وایي، د عینک د مسو کان په تړون کې ستونزې شته او د دې پروژې ژمنې په بشپړه توګه عملي شوې نه دي.
هغه زیاتوي؛ د میسو عینک تړون لومړنی ستر تړون و، چې لاسلیک شوی دی او په اړه یې مخکینۍ تجربه هم نه وه. د تړون له مخې باید میلیونونه دالر سپارل شوي وه او هم د میسو د ویلي کولو د فابریکې جوړول په نظط کې نیول شوي وه، چې یو کار هم نه دی شوی.
د اطلاعاتو او فرهنګ وزارت سرپرست عبدالرسول باوري وایي، مونږ تر دې دمه د میسو عینک له سیمې ۱۳۰۰ تاریخي آثار رالیږدولي، چې بشپړې پاملرنې ته اړتیا لري.
د کورنیو چارو وزارت امنیتي مرستیال مراد علي مراد وایي، مونږ د میسو عینک لپاره بشپړ امنیتي تدابیر لرو؛ وسلوال مخالفین نشي کولی د دغه کان امنیت ګډوډ او ستونزمن کړي. که څه هم دوه ډلو دوه ځلې بریدونه کړي؛ خو شاتګ ته اړ شوي دي.
د ولسي جرګې غړي ټینګار کوي، چې د هېواد کانونه د افغانستان د خلکو اصلي پانګه ده او حکومت دې داسې تګلاره تعقیب کړي، چې په هېواد کې د کانونو ناقانونه کېندنې او ناوړه ګټه پورته کول ودریږي.
د میسو عینک کان د سپړلو تړون له یوه چینایي شرکت سره څو کاله مخکې لاسلیک شوی؛ خو دغه تړون په بشپړ ډول نه دی پلی شوی.
خبریال: رفیع صدیقي
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه17 hours ago
په عراق کې به همجنسبازان پر۱۵ کاله بند شي –پارلمان
-
لوبی14 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل