Connect with us

تازه خبرونه

ناتو ۲۰۱۷ کال داعش ځپونکی کال ګڼلی، خو افغانستان یې د ځپلو لپاره مبارزه کوي

خپور شوی

د

(Last Updated On: لړم ۲, ۱۴۰۱)

په افغانستان کې د ناتو د غوڅ ملاتړ ماموریت قومندانۍ تېر ۲۰۱۷ میلادي کال په افغانستان کې د داعش د ماتې کال ګڼلی؛ خو د افغانستان ملي دفاع وزارت وايي، چې د داعش پر وړاندې مو چټکه مبارزه روانه ده.  

په افغانستان کې د داعش د جرړو د ویستلو خبرې او ژمنې هغه وخت تودې شوې، چې اته میاشتې مخکې امریکا په ننګرهار کې د داعش پر ستر مرکز د بمونو مور وغورځوله. امریکا ویل، چې د غه مور بم یې د هغې ستراتیژۍ له مخې وغورځاوه، چې له مخې به یې داعش د دوه زره اوولسم کال تر پایه ورک او ټغر به یې ټول شي.

د ناتو د غوڅ ملاتړ ماموریت ویاند ویلیم سلاوین د تېر کال پر شپږه میاشت څرګنده کړې وه؛ ټول ترهګر بد دي، مونږ دلته له ترهګرۍ سره د مبارزې پر ماموریت اخته یو، چې داعشیان به د روان کال تر پایه له منځ وړو.

د داعش هڅې پراخه شوي او یوازې تر ننګرهار پورې محدود پاتې نه دی. د ننګرهار پر اچین او خوږیاڼو سربېره د لغمان، کونړ، نورستان، بدخشان، کندوز، سرپل، فاریاب او د جوزجان قوشتپه او درزاب ولسوالۍ هم اوس د داعش د مرکزونو په توګه یادیږي.  

تېر میلادي کال په افغانستان کې۶۰ ځانمرګي بریدونه تر سره شوي، چې د ډېرو بریدونو پړه داعش پر غاړه اخیستې ده. داعش په کابل کې پر الزهرا ، امام زمان او فاطمیه، د هرات په جوادیه او د غور په جوماتونو کې د خونړیو بریدونو د تر سره کولو مسوولیتونه ومنل او دغه راز یې د کابل په لویدیځ کې پر تبیان فرهنګي مرکز بریدونه وکړل، چې جدي اندېښنې یې را پیدا کړې دي. په دغو بریدونو کې، چې تېرکال تر سره شوي۱۳۸۴ عام وګړي وژل شوي او له ۳۲۰۰ ډېر ټپیان دي.

د ملي دفاع وزارت ویاند وايي چې دوی به د داعش د ځپلو لپاره پوځي عملیات پراخ کړي.

د ملي دفاع وزارت د ویاند مرستیال محمد رادمنش ویلي، مونږ د داعش په وړاندې خپل عملیات روان ساتلي دي. په یو شمېر سیمو کې، چې له وحشته ډک بریدونه تر سره کوي؛ په دې دې پوه شي، چې په افغانستان کې به د پښو کیښودو ځای ون مومي.    

د ولسي جرګې غړی حضرت علي وایي، د داعش هڅې پر لوی ننګرهار سربېره د هېواد ډېرو نورو سیمو ته هم پراخه شوې دي.   

پر دې سربېره روسیه د افغانستان په شمال کې د داعش پر پراخو هڅو هم اندېښمنه ده.

افغان ځواکونه وايي، چې پر داعش یې ځمکه سره کړې او پر هغوی یې هوايي او د کوماندو ځواکونو بریدونه ډېر کړي دي.

دغه ځواکونه په دې هیله دي، چې په ۲۰۱۸ کال کې به د داعش تغر له افغانستان څخه ټول شي.

خبریال:علی اصغري

تازه خبرونه

په سمنګان ولايت کې د يوې ترافيکي پېښې له کبله ۲۹ کسانو ته مرګ او ژوبله اوښتې

Published

on

(Last Updated On: غویی ۱۳, ۱۴۰۳)

د سمنګان ولایت د امنيه قومندانۍ مطبوعاتي دفتر ويلي؛ د دغه ولايت په دره صوف ولسوالۍ کې د يوې ترافيکي پېښې له کبله ۵ کسان مړه شوي او ٢٤ نور ټپيان دي.

د سمنګان امنيه قومندانۍ زياته کړې؛ دا پېښه نن – پنجشنبه د غویی دیارلسمه) له غرمې مخکې يوولس بجې هغه مهال رامنځته شوه، چې یو اینو ډوله موټر د بلخ او دره صوف ولسوالۍ ترمنځ له سرک واوښت.

د دغې سرچنې د څرګندونو له مخې؛ ټپيان د دره صوف ولسوالۍ روغتون ته لېږدول شوي.

دغه راز څرګندوي؛ د درې ټپیانو روغتيايي حالت د اندېښنې وړ دى، چې د بلخ حوزوي روغتون ته لېږدول شوي دي.

د دغې پېښې لامل د موټر تخنیکي ستونزې یادې شوې دي.

Continue Reading

تازه خبرونه

داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور

Published

on

(Last Updated On: غویی ۱۳, ۱۴۰۳)

په افغانستان کې د ملګرو ملتونو مرستندویه پلاوي دفتر د “افغانستان د بشري حقونو وضعیت” تر سرلیک لاندې په خپل درې میاشتني راپور کې د ښځو او نجونو، د رسنیو د ازادۍ، خپلسري نیولو، د جسمي مجازاتو او اعدام په اړه اندېښنه څرګنده کړې ده.  

یوناما د پنجشنبې پر ورځ – د غویی دیارلسمه – په افغانستان کې د بشري حقونو د وضعیت په اړه د ملګرو ملتونو د امنیت شورا پر سپارښتنه یو راپور خپور کړ، چې په د دغو بریدونو له کبله تر ډېره شیعه افغانان له مرګ او ژوبلې سره مخ شوي دي.

د یوناما په راپور کې راغلي، چې د روان کال له جنورۍ څخه تر مارچ پورې په افغانستان کې د داعش د بریدونو له کبله لږ تر لږه ۳۶ کسان وژل شوي او ۱۱۸ نور ټپیان دي.

د دغه راپور له مخې؛ د جنورۍ له شپږمې څخه تر یوولسمې پورې په کابل ښار کې د لاسي بمونو درې چاودنو لږ تر لږه ۷۹ ملکي وګړو ته مر او ژوبله اړولې ده.

د یوناما د څرګدونو له مخې؛ د جنورۍ پر شپږمه د کابل د دشت‌برچي سیمې په یوه مسافر وړونکي بس کې د ماین د چاودنې له کبله پېنځه ملکي وګړي ووژل شول او شل نور ټپیان دي.

دغه راز د جنورۍ پر نهمه د کابل په  الوخېل سیمه کې د افغانستان د محبسونو ریاست د کارکوونکیو پر موټر د ځای پر ځای شوي ماین د چاودنې له کبله ۳ تنه وژل شوي او ۱۳ نور پیان شول.

په دې راپور کې راغلي؛ د جنورۍ پر یوولسمه هم د کابل د دشت‌برچي اړوند په یوه سوداګریز مارکیټ کې د چاودنې له کبله، چې بڼه یې تر اوسه معلومه نده درې کسان وژل شوي او ۳۵ نور ټپیان دي.

راپور د هم څرګندوي، چې د دغو بریدونو په قربانیانو کې د نرینه‌وو په ګډون ښځې او ماشومان هم شته.

د یوناما د موندنو له مخې؛ په کندهار کې د کابل بانک د دفتر مخې ته په برید کې ۲۵ کسان ووژل شول او ۵۰ نور ټپیان دي. دا برید د مارچ پر یو‌ویشتمه رامنځته شوی، چې د دې برید پړه هم داعش منلې ده.

باید وویل شي، چې له مارچ راوروسته کابل او هرات د داعش د بریدونو شاهدان ول.

دغه راز په یوه تازه پېښه کې د دوشنبې پر ورځ – د غویی لسمه د داعش وسله‌والو د هرات ګذرې ولسوالۍ د شیعه‌ګانو د جومات پر لمونځ کوونکیو برید وکړ، چې د ښځو او ماشومانو په ګډون یې شپږ کسن ووژل او یو بل ټپي شو.

په دغه راپور کې یوناما د ښځو او نجونو، د رسنیو د ازادۍ د وضعیت او په خپل سر نیول او توقیف، د جسمي مجازاتو او اعدام په اړه اندېښنه ښودلې او ویلي یې دي، چې د بښنې له اعلان سره – سره؛ د افغان حکومت د پخوانیو کارکوونکیو پر وړاندې ګواښونه روان دي. د یوناما د دغه راپور په یوه بله برخه کې راغلي چې د مارچ په اتلسمه په خوست ولایت کې د پاکستان په هوايي بریدونو کې یو کس وژل شوی او دوه نور ټپیان دي او دغه راز په پکتیکا ولایت کې اووه ملکي وګړي وژل شوي دي.

اسلامي امارت دغه راپور بې بنسټه بولي او څرګندوي، چې د یوناما راپورونه تکراري، له پروپاګند څخه ډک او له اسنادو پرته دي؛ځکه، چې په هېواد کې د ښځو او نرینه‌وو حقونه خوندي دي.

د اسلامي امارت ویاند ذبیح الله مجاهد زیاته کړې، چې رسنۍ د هېواد د قوانینو او ملي ارزښتونو په نظر کې نیولو سره فعالیت کوي او د پخوانیو دولتي کارکوونکیو پر وړاندې هیڅ ډول ګواښ نشته.

د ملګرو ملتونو د بشري حقونو شورا په افغانستان کې د بشري حقونو وضعیت کړکېچن بللی او په هېواد کې یې د بشري حقونو په ځانګړي توګه د ښځو د حقونو د خوندیتوب غوښتنه کړې، چې اسلامي امارت یې بې بنسټه بولي.

د داعش د بریدونو د قربانیانو دغه شمېر په داسې حال کې وړاندې کیږي، چې اسلامي امارت په افغانستان کې د داعش ډلې فزیکي شتون رد کړی او څرګندوي، چې دغه ډله ځپل شوې ده.

Continue Reading

تازه خبرونه

د دفاع وزارت چارسمبالي د آذربایجان له سفیر سره وکتل

Published

on

(Last Updated On: غویی ۱۳, ۱۴۰۳)

د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال  ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.

د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.

محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.

د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.

Continue Reading

Trending

Copyright © 2022 Ariana News. All rights reserved!