تازه خبرونه
د دیورند کرښې په اړه د پرېکړې او خبرو وخت رارسیدلی- ګاریت بېلي
د افغانستان او پاکستان لپاره د بریتانیا د لومړي وزیر ځانګړی استازی وايي، د دیورند کرښې پر سر د خبرو کولو لپاره مناسب وخت رارسیدلی دی، چې پرېکړه یې باید افغانستان او پاکستان وکړي.
له آریانانیوز سره په پس از خبر خپرونه کې د افغانستان او پاکستان لپاره د بریتانیا د لومړي وزیر ځانګړي استازي ګاریت بېلي ویلي، چې که څه هم پر پاکستان د امریکا د مالي فشارونو ملاتړی دی؛ خو دا ټينګار هم کوي، چې د سولې پر لوري ورغلې لار د کابل او اسلام آباد ترمنځ د خبرو دوام دی.
د هغه په وینا؛ د دغه فشار موخه یوازې د سزا ورکول ندي. د دې فشار موخه دا ده، چې وسلوال خوزښتونه پای ته ورسول شي او افغانستان یو خوندي راتلونکی ولري. مونږ افغانستان ته سخت ژمن یو؛ نو له همدې کبله فکر کوم، چې د بریتانیې دریځ پدې برخه کې خورا روښانه دی. مونږ غواړو، چې د افغانستان او پاکستان په مشرۍ مذاکرات وشي او په پایله کې یې سوله رامنځته شي.
نوموړی پدې باور دی، چې د افغانستان او پاکستان ترمنځ د مذاکراتو او ښو اړیکو په اډانه کې افغانستان سولې ته رسیدلی شي.
ښاغلی بېلي دغه راز د دیورند کرښې په تړاو د افغانستان او پاکستان ترمنځ د مذاکراتو ملاتړ څرګندوي او وايي، دیورند کرښه د کوم پخواني استعماري قدرت پورې تړاو نلري، بلکې د دوه ګاونډ هېوادونو ګډه ستونزه ده.
د ده په خبره؛ فکر کوم، چې سل کاله مخکې ښايي دغه پوښتنه تر ډېره بریده له بریتانیې سره تړلې وه؛ خو ننی عصر دغه ډول پوښتنه، چې له یو پخواني استعماري قدرت سره تړاو لري، ردوي. اوس مهمه دا ده، چې پوله باید چېرته وي؛ افغانستان او پاکستان یې په اړه ګډه پرېکړه وکړي. هیڅ درېیمګړی هېواد باید پر دوی خپل نظر ونتپي.
د افغانستان او پاکستان لپاره د بریتانیې د لومړي وزیر ځانګړی استازی سوله په افغانستان او سیمه کې د پرمختګ یوازنۍ لار بولي او زیاتوي، چې نظامي فشار دې وي؛ خو سوله باید لومړیتوب ولري.
دیورند کرښه پر ۱۸۹۳کال د امیر عبدالرحمن او د هغه وخت د هند د بهرنیو چارو وزارت د مرستیال هنري مورتیمر دیورند ترمنځ لاسلیک شوې، چې تراوسه یو افغان حکومت هم په رسمیت نه ده پېژندلې.
دیورند کرښه ۲۶۴۰ کیلو متره اوږدوالی لري، چې د اوسني پاکستان او افغانستان پښتانه پرې وېشل شوي دي.
تازه خبرونه
چین په افغانستان کې له سیلاب ځپلیو سره سل زره ډالر مرسته کوي
په کابل کې د چین سفیر په افغانستان کې د وروستیو سېلابونو له قربانیانو سره د دغه هېواد د سره صلیب له لارې د سل زره ډالرو مرستې اعلان وکړ.
ژاو شينګ د دوشنبې پر ورځ (د غویي لسمه) د ریاست الوزراء له اداري مرستيال عبدالسلام حنفي سره په کتنه کې ويلي، چې دغه مرستې به ډېر ژر اړوند چارواکو ته وسپارل شي.
د ریاست الوزراء د اداري مرستیالۍ د خبرپاڼې له مخې؛ د چين سفير ويلي، چې د دواړو هېوادونو د اړيکو د پياوړتيا لپاره چين په بېلابېلو برخو کې افغان زدهکړیالانو ته د تحصيلي بورسونو زمينه برابره کړې ده. همدارنګه د افغانانو د ظرفیت لوړولو لپاره د طب په ګډون په بېلابېلو څانګو کې لنډ مهاله روزنیز کورسونه تنظیموي.
نوموړي په بېلابېلو برخو کې د پانګونې لپاره د چينايي سوداګرو او شرکتونو لیوالتيا هم ياده کړې او څرګندوي؛ د دواړو هېوادونو اقتصادي او سوداګريزې اړيکې په ښه حالت کې دي او چينايي سوداګر او پانګوال لیواله دي، چې په افغانستان کې پانګونه وکړي.
تازه خبرونه
روسیې پر اوکراین د شمالي کوریا توغندي توغولي
د ملګرو ملتونو د بندیزونو څارونکیو د امنیت شورا یوې کمیټې ته په یوه راپور کې څرګنده کړې؛ د اوکراین پر خارکوف لګیدلی توغندی ښیي، چې په شمالي کوریا کې جوړ شوی دی.
د رویټرز د څرګندونو له مخې: د ملګرو ملتونو د بندیزونو د څارنې ډلې په هغه راپور کې، چې پرون (دوشنبه د غوایی لسمه) یې امنیت شورا ته وړاندې کړ؛ په ډاګه کوي، چې د اوکراین په خارکوف ښار کې د جنورۍ پر دوهیمه د توغندیز برید پاتې شوني د شمالی کوریا Hwasong-11 بالیستیک توغندي دي.
مسکو او پیونګ یانګ دواړو دا تورونه رد کړي؛ خو تېر کال یې ژمنه کړې وه، چې پوځي اړیکي به پراخوي.
د ۲۰۲۴ ز. کال د جنورۍ پر دوهیمه له برید څو ورځې وروسته د خارکوف سیمې څارنوالۍ د توغندیو ټوټې رسنیو ته وښودلې او څـرګنده شوه، چې دا د روسیې له ماډلونو څخه توپیر لري او ممکن دا توغندی د شمالي کوریا لخوا چمتو شوی وي.
شمالي کوریا له ۲۰۰۶ ز.کال راپدیخوا د بالیستیک توغندیو او اټومي پروګرامونو د پراختیا له کبله د ملګرو ملتونو تر بندیزونو لاندې ده او له هغه وخت راپدیخوا دغه بندیزونه نور هم سخت شوي دي.
د ملګرو ملتونو د بندیزونو درې څارونکیو د روانې میاشتې په پیل کې اوکراین ته د توغندي د پاتې شونو د کتنې لپاره سفر وکړ؛ خو داسې شواهد یې ونهموندل، چې دا توغندی دې د روسیې لخوا جوړ شوی وي.
د راپور له مخې؛ دوی په خپلواکه توګه نشي کولی دا معلومه کړي، چې راکټونه له کوم ځای څخه او د چا لخوا توغول شوي.
دغو څارونکیو ویلي، چې د اوکرایني چارواکو لهخوا د دغه توغندي د توغولو په اړه ورکړ شوي معلومات ښيي، چې دا د روسیې له خاورې توغول شوی دی.
د دوی د څرګندونو له مخې؛ که دا تږغندی د روسي ځواکونو په واک کې و، نو ښایي دا په ډاګه کړي، چې روسیې ترلاسه کړی او دا د شمالي کوریا پر وړاندې د ۲۰۰۶ کال د وسلو له بندیز څخه ښکاره سرغړونه ده.
د سپینې ماڼۍ د ملي امنیت شورا ویاند تېر کال ویلي وه، چې شمالي کوریا په دې وروستیو کې مسکو ته د اوکراین پر ضد د روسیې په جګړه کې د کارولو لپاره بالیستیک توغندي او لانچرونه ورکړي، چې ځینې یې روسیې پر اوکراین توغولي دي.
د امریکا حکومت په دې باور دی، چې تېر کال د روسیې او شمالي کوریا د مشرانو له غونډې وروسته روسیې ته د شمالي کوریا لهخوا د بالیستیک توغندیو او توپونو د لېږلو لړۍ پیل شوې ده.
تازه خبرونه
د افغانستان د کانونو د اوومه توکو پروسس باید په هېواد کې دننه ترسره شي – شهاب الدین دلاور
د کانونو او پټرولیم وزارت چارسمبالي شهاب الدین دلاور د یوې چینايي کمپنۍ له مسوولینو سره په لیدنه کې ویلي، چې له هېواده بهر د کانونو د اوومه توکو پروسس او صادرولو ته اجازه ناشونې ده.
دلاور دا خبره د چین له دولتي شرکت ایم سي سي هولودا سره د لیدنې پر مهال کړې. دا په داسې حال کې ده، چې د میس عینک د استخراج قراردادي شرکت هم حضور درلود.
د کانونو او پټرولیم وزارت په خبرپاڼه کې راغلي، چې MCC هولودا په چین کې د مسو، سربو او جستو د استخراج او پروسس یو له سترو شرکتونو څخه دی.
په خبرپاڼه کې راغلي، چې دغه شرکت په افغانستان کې د مسو، سربو او جستو په کانونو کې پانګونې ته لیوالتیا ښودلې ده.
دلاور د دوى له لیوالتيا هرکلى کړی او څرګندوي؛ په باميانو، کندهار او غور ولايتونو کې د سربو او جیت کانونه شته او که دغه شرکت په افغانستان کې د کانونو د پروسس په برخه کې هوکړه وکړي، وزارت ورته د همکاري ډاډ وړاندې کوي.
دلاور د مس عینک د مسو د پروژې په اړه هم خبرې وکړې او د کار د چټکتیا غوښتنه یې وکړه.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه21 hours ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی17 hours ago
اټک انرژي او موج ساحل د دوشنبې د ورځې لوبې وګټلې