تازه خبرونه
له افغان ځواکونو ملاتړ روان ساتو- ینس ستولتنبرګ
د ناتو سرمنشي څرګنده کړې؛ له افغان ځواکونو سره به په سیاسي او پوځي برخو کې مرستې وکړي، چې جنګ مهار او ټاکنې په امن فضا کې تر سره شي.
ټاکل شوې د ناتو غړیو هېوادونو د بهرنیو چارو وزیران د افغانستان عراق، سوریې، اوکراین، اردن، ایران پر حالت او د روسیې پر رول وغږیږي.
د ناتو سرمنشي له غونډې وړاندې یوه خبري کنفرانس ته وویل: ایران په سیمه کې له ځینو ترورستي ډلو ملاتړ کوي، چې دا مساله به تر بحث لاندې ونیول شي.
هغه همدا شان وویل، چې د ترورستي ډلو د ځپلو او د سولې د رامنځته کیدو په برخه کې له افغان حکومت سره په سیاسي او پوځي برخو کې مرسته کوي، چې طالبان سولې ته اړ شي.
د ناتو سرمنشي ینس ستولتنبرګ وایي: طالبان باید وپوهیږي، چې هغوی به هیڅکله د جګړې په ډګر کې بریالي نشي، مونږ به د افغان ځواکونو، د روزنې، سلا مشورو او مالي ملاتړ برخې ته دوام ورکړو او دا به یو داسې چوکات رامنځته کړي، چې په پای کې وسلوال طالبان د سولې میز ته راشي او دا ومني، چې افغانستان بېله سولې او خبرو اترو بل حل نه لري.
هغه دا هم ویلي، چې له افغان ځواکونو څخه به یې ملاتړ وکولی شي، چې په افغانستان کې راروانې ټاکنې په امن کې تر سره شي.
نوموړي ټینګار کړی؛ په افغانستان کې د ډاډمنو ټاکنو تر سره کولو لپاره ښه لار دا ده، چې له افغان ځواکونو څخه د روزني، مشورو او مالي ملاتړ په برخه کې مرسته وشي. د دې تر څنګ مونږ ناتو ځواکونو ته هم محدود صلاحیتونه ورکړي، چې په باوري توګه ټاکنې په امن فضا کې تر سره شي.
ینس ستولتنبرګ دا خبرې د ناتو د بهرنیو چارو وزیرانو له غونډې وړاندې یوه خبري کنفرانس ته کړې دي.
د ناتو د بهرنیو چارو وزیرانو ناسته په بروکسل کې تر سره کیږي او د دغه سازمان په بله ناسته کې، چې د مې په میاشت کې جوړیږي هم د افغانستان سوله او ثبات جدي ونیول شي.
خبریال: خلیل الرحمن امید
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل