تازه خبرونه
حکومت د خلکو او خبریالانو په خوندیتوب کې پاتې راغلی- ولسي جرګه
د کابل په ځانمرګو بریدونو کې د خبریالانو پر وژل کیدو، ولسي جرګې هم جدي اندېښنه وښوده او پر حکومت یې نیوکه وکړه، چې ګواکي د خلکو او په ځانګړي توګه د خبریالانو په خوندیتوب کې پاتې راغلی دی.
په افغانستان کې د تاوتریخوالي له کبله د ولسي وګړیو مرګ و ژوبله مخ پر لوړیدو ده. له همدې کبله ولسي جرګه پر حکومت نیوکه کوي، چې د امنیت په ټینګولو کې پاتې راغلی دی.
دوی پر خبریالانو د برید عاملین وغندل او وایي، چې خبریالان بې دفاع وګړي دي؛ نو، ځکه پر هغوی شوی برید ستر جنایت دی.
د ولسي جرګې ريیس عبدالرووف ابراهیمي وایي: د شش درک پېښه د زغم وړ نده؛ مونږ تل د خبریالانو او د دې څلورم ځواک د وژنو او تپي کیدو شاهدان یو. حکومت او د ملي شورا غړي باید د دوی د امنیت په اړه یوه ګډه کړنلاره جوړه کړي.
ولسي جرګې د ملګرو ملتونو امنیت شورا ته یو پرانیستی لیک هم واستوه او غوښتنه یې وکړه، چې په افغانستان کې د روان تاوتریخوالي د مخنیوي لپاره جدي ګامونه اوچت کړي او د ترهګرو پر ملاتړیو فشارونه ډېر کړي.
په ولسي جرګه کې د غزني استازی عبدالقیوم سجادي وایي: د م.م امنیت شورا دنده لري، چې د جنایتونو او ترورستانو په اړه چوپ پاتې نشي او غواړو، چې د نړیوالو قوانینو له مخې د عامو وګړیو د وژنو مخه ونیسي. دغه راز باید د ترورستانو پر ملاتړیو هېوادونو په ځانګړي توګه پر پاکستان فشار راوړي، چې د دې شورا پرېکړې ومني.
په افغانستان کې د هوا له تودیدو سره سم جګړو او تاوتریخوالي زور اخیستی او په کابل او ولایتونو کې وروستیو ځانمرګو بریدونه تر ډېره له ولسي وګړیو قربانۍ اخیستې ده.
خبریال: رفیع صدیقي
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل