تازه خبرونه
سیاسي ډلو په را روانو پارلماني ټاکنو کې د خپلې ونډې غوښتنه کړې
سیاسي ډلو پر حکومت غږ کړی، چې په را روانو پارلماني ټاکنو کې د دوی رول له پامه ونه غورزول شي؛ پر تذکرو یې د ځانګړې نښې یا ستیکر له نښلولو سره هم مخالفت وښود او تور یې پورې کړ، چې حکومت او کمیسیون ټاکنې پخپله ګټه څرخوي.
که څه هم د افغانستان د ټاکنو څرنګوالی د واحدې رایې، چې د لیږد وړنده پر بنسټ ولاړ دی؛ خو اوس یو شمېر سیاسي ډلې او ګوندونه پر حکومت او ټاکنو خپلواک کمیسیون غږ کوي، چې په ټاکنو کې د دوی ونډه روښانه کړي.
د یو شمېر ګوندونو استازیو ټاکنو ته د نوملیکنې پر بهیر هم نیوکه وکړه او زیاته یې کړه، چې پر تذکرو د ځانګړي نښان یا ستیکر لګول د درغلیو مخه نشي نیولی او د ټاکنو لپاره یې نوې کړنلاره وړاندې کړه.
د جمعیت اسلامي غړی محی الدین مهدي وایي: ګوندونو د غویی پر ۲۹ د ام دي آر ( د رایو لیږد) نومې ټاکنیز نطام ګډه طرحه تصویب کړه او ټاکل شوې وه، چې په دې اړه یوه نسخه څلور اړخیز کمیسیون ته وسپاري؛ خو حکومت ورته پاملرنه ونکړه او تر دې دمه دغه کمیسیون جوړ نشو.
د حزب وحدت اسلامي افغانستان غړی اسدالله سعادتي وایي: مونږ به چاته اجازه ورنکړو، چې د ځانګړیو غوښتنو او د دیموکراسۍ له اصولو څخه په ګټه اخیستنه د افغانستان پر ملي سرنوشت لوبې وکړي.
د افغانستان ملي جنبش غړی بشیر احمد ته ینج وایي: مونږ ټول ګوندونه او نړیوال اتئلافونه دې پایلې ته رسیدلي یو، چې د ټاکنو روان بهیر د افغانستان خلکو ته د ګټې پر ځای زیان رسوي او د یو بل بحران پیل ګڼل کیږي.
سیاسي ګوندونه دا وړاندیزونه په داسې حال کې کوي، چې د ټاکنو لپاره لږ وخت پاتې دی او د سیستم بدلون هم ناشونی بریښي.
د حزب وحدت اسلامي مردم افغانستان غړی محمد ناطقي وایي: دا د ګوندونو یوه مقدماتي ناسته وه او ټینګار هم پر دې و، چې غوښتنې یې عملي شي. که عملي نشي؛ نو بیا به پر پراخو لاریونونو لاس پورې شي. مونږ د اس ان ټي وي سیستم سره مخالف یو.
د ټاکنو لپاره نوملیکنه روانه ده، چې د مسوولینو پر وینا په تېرو څلیریشت ساعتونو کې پېنځه ویشت زره کسانو نوملیکنه کړې او پر تذکرو یې ستیکرونه لګولي دي.
خبریال: علی اصغري
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه11 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه12 hours ago
په عراق کې به همجنسبازان پر۱۵ کاله بند شي –پارلمان
-
لوبی9 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل