تازه خبرونه
په مشرانو جرګه کې د امنیتي تړون پر لغوه کولو ټينګار وشو
د مشرانو جرګې یو شمېر غړي له امریکا سره د افغانستان د امنیتي تړون پر لغوه کولو ټينګار کوي.
په هېواد کې د ناامنیو او جګړو شدت او د تلفات لوړیدو د مشرانو جرګې یو شمېر غړي اندېښمن کړي دي.
د مشرانو جرګې یو شمېر غړي وايي، چې نړیواله ټولنه په افغانستان کې د روان کړکېچ له نندارې خوند اخلي او مخنیوی یې نکوي.
دوی وايي، که حالت همداسې روان وي، افغانستان باید له امریکا سره امنیتي تړون لغوه کړي.
د مشرانو جرګې غړی زلمی زابلی وایي: د افغانستان خلک اوسني حالت ته د لاسرسۍ لپاره د امریکا پرېکنده عمل غواړي. که ورته پاملرنه نکوي؛ امنیتي تړون دې ورسره لغوه اعلان شي؛ ځکه، چې د خپلو ګټو لپاره کار کوي او د افغانستان ګټې یې له نظره غورزولي دي.
د مشرانو جرګې غړی قیس وکیلي وایي: له امریکا سره امنیتي تړون دې بیا کتنې ته وړاندې شي، چې امریکا ولې د دغه تړون پر بنست عمل نکوي. دا کار د هېواد پر زیان دی او حالات ورځ تر بلې خرابیږي.
د مشرانو جرګې بل غړی محمد رسولي وایي: مونږ له امریکا سره امنیتي تړون لاسلیک کړی؛ خو افغانستان هره ورځ په اور کې سوځي. باید د دغه حالت په اړه پرېکړه وکړو.
مشرانو جرګې د سې شنبې ورځې(د غبرګولي ۸) عمومي غونډې ته د امنیتي بنسټونو چارواکي را بللي وه، چې د امنیتي کړکېچ ارزونه وکړي او له امریکا سره د امنیتي تړون د برخلیک او د ټاکنو د امنیت په اړه سپیناوی وړاندې کړي؛ خو هیڅ امنیتي چارواکی د مشرانو جرګې غونډې ته حاضر نه شو.
د مشرانو جرګې مرستیال محمد علم ایزدیار وایي: ټاکنې، امنیتي تړون او په هېواد کې امنیتي وضعیت هغه موضوګانې وې، چې امنیتي بنسټونو ته وار دمخه لیږل شوې وې؛ خو د جرګې عمومي ناستې ته یې نه حاضریدل د نیوکې وړ او له اساسي قانون سرغړونه ده.
سږکال جګړې او ناامنۍ پراخې شوي او په جګړه کې د ښکېلو خواوو پر درندو تلفاتو سربېره ولسي وګړیو ته هم د سر او مال زیانونه اوښتي دي.
خبریال: رفیع صدیقي
تازه خبرونه
په افغانستان کې د قزاقستان د سوداګرۍ خونه پرانیستل شوه
د افغانستان صنایعو او سوداګرۍ وزارت څرګنده کړې، چې د افغانستان په هرات ولایت کې د قزاقستان د سوداګرۍ خونه پرانیستل شوه.
د دغه وزارت په خبرپاڼه کې، چې نن سې شنبه د غویی اتلسمه خپره شوې راغلي، چې د صنایعو او سوداګرۍ وزارت چارسمبالي نورالدین عزیزي په افغانستان کې د قزاقستان د سوداګرۍ خونې پرانیستل د دواړو هېوادونو ترمنځ د سوداګریزو اړیکو د پیاوړتیا او پراختیا په برخه کې یو مثبت او اغېزمن ګام وباله.
یادې خونې د پرانیستې پر مهال نورالدین عزیزي څرګنده کړې، چې د افغانستان د رسمي پلاوي او خصوصي سکټور د سوداګریزو اړیکو کنفرانس، دوه اړخیزو سوداګریزو غونډو او پر ۱۴۰۲ کال د قزاقستان په استانه ښار کې د افغانستان د محصولاتو او تولیداتو له نندارتون وروسته قزاقستان ته د افغانستان صادرات زیات شوي دي.
د قزاقستان د سوداګرۍ خونې مشر ارمان یوسینتایوف ټینګار کړی، چې د دې خونو له پرانیستلو څخه هدف د دواړو هېوادونو ترمنځ د سوداګرۍ د حجم او ارزښت لوړول دي؛ ځکه، چې قزاقستان له اسلامي امارت سره د اړیکو او سوداګرۍ پراختیا ته لیوالتیا لري.
تازه خبرونه
د نړۍ قوتونه زمونږ د اقتصادي او سیاسي پرمختګونو د مخنیوي هڅې کوي – ملا برادر
د ریاست الوزراء اقتصادي مرستیال ویلي، چې د نړۍ ستر قدرتونه هڅه کوي، چې د اسلامي امارت د اقتصادي او سیاسي پرمختګ مخه ونیسي.
ملا عبدالغني برادر دغه څرګندونې د ۲۰۱ خالد بن ولید قول اردو له روزنيز مرکز څخه د ملي اردو د سرتېرو د فراغت په مراسمو کې وړاندې کړې دي.
نوموړي زیاته کړې: د نړۍ ستر قدرتونه اسلامي امارت ته د شک پر سترګه ګوري او اوس هم هڅه کوي، چې زمونږ د اقتصادي او سیاسي پرمختګ مخه ونیسي؛ خو مونږ او تاسې باید ویښ او بیدار اوسو.
په افغانستان کې د اسلامي امارت له واکمنۍ نږدې درې کاله تېر شول؛ خو تر اوسه هیڅ هېواد اسلامي امارت پر رسمیت ندی پېژندلی؛ د افغانستان پر بانکي سکټور لګول شویو بندیزونو د هېواد پر اقتصاد منفي اغېز کړی دی.
نړيوالې ټولنې د اسلامي امارت د رسمیت پېژندلو لپاره د ښځو د حقونو خوندیتوب او د يوه ټولګډونه حکومت جوړول خپل شرطونه ایښي دي.
اسلامي امارت هم څرګنده کړې، چې د ښځو حقونه د شریعت له مخې تضمین شوي او په کابینه کې بېلابېل قومونه پراخ حضور لري.
تازه خبرونه
د افغانستان د سویل خلکو په وروستیو ۴۰ کلونو کې یوه باراني میاشت تجربه کړه
یوې امریکایي ادارې راپور ورکړی، چې د افغانستان سویل په تېرو ۴۰ کلونو کې له درېوو څخه یو باراني اپریل تجربه کړی دي.
د دوشنبې پر ورځ د غویی اووهلسمه د قحطۍ له وخت مخکې خبرداري سيسټم ادارې په خپل راپور کې څرګنده کړې، چې د اپريل اورښتونه د هېواد په شمالي، شمال ختيځو او لویديځو سيمو کې د کرنې د ودې لامل شوي؛ خو سېلابونو شاوخوا لس زره جريبه کرنيزه ځمکه په ځانګړي توګه د هېواد په ختيځو او سویل ختيځو سيمې کې له منځه وړې ده.
د راپور له مخې؛ وروستیو اورښتونو په ټول هېواد کې د څړځایونو له وضعیت سره مرسته کړې او د باراني څپرکي له پای ته رسېدو سره تمه ده، چې د حاصلاتو د فصل له پیلېدو سره به خوراکي توکو او عایداتو ته د کورنیو لاسرسی ښه او د کرنې په سکټور کې کاري زمینه برابره شي.
-
تازه خبرونه2 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه2 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ1 day ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه1 day ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
سوداگري2 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی1 day ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ20 hours ago
د غزې په جګړه کې مو د مصر او قطر د اوربند وړاندیز منلی – حماس