تازه خبرونه
د نظام الدین قیصاري له ساتونکیو سره تاوتریخوالی څېړو- لویه څارنوالي
لویه څارنوالي وايي، چې د نظام الدین قیصاري له ساتونکیو سره د تاوتریخوالي قضیه څېړو او د قانون له سرغړوونکیو سره به قانوني چلند تر سره شي.
په فاریاب او د شمال په ۸ نورو ولایتونو کې د نظام الدین قیصاري له ساتونکیو سره د افغان سرتېرو لخوا د ناوړه چلند په اړه غبرګونونه اوس هم روان دي. په خپره شوې ویدیو کې ښکاري، چې افغان ځواکونو، یو شمېر کسان پړمخې څملولي او له هغوی سره فزیکي تاوتریخوالی تر سره کوي.
ادعا دا ده، چې ګواکي نیول شوي کسان د نظام الدین قیصاري ساتونکي دي.
د افغانستان د کومندو ځواکونو د قول اردو عمومي قومندان ويلي، چې سرتېري یې په سیاسي لوبو کې ښکېل ندي او نه په فاریاب کې د کومندو پر نوم تر سره شوی عمل د ده له سرتېرو سره تړاو لري.
د کومندو ځواکونو د قول اردو قومندان بسم الله وزیری وایي، چې: په فاریاب کې له رامنځته شوې پېښې یو شمېر بې خبره عناصر ځانګړې ګټه پورته کوي او غواړي د کومندو ځواکونو پر سپیځلې لمن تور داغ ولګوي. کومندو د افغانستان ملي قطعه ده او هیڅکله به ځان په ځانګړیو غوښتنو کې ښکېل نکړي.
د هغه د څرګندونو له مخې؛ هیچا نه رسمي، نه شفاهي او نه مخابروي امر کړی، چې افغان دې تر پښو لاندې کړي.
د لویې څارنوالۍ ویاند جمشید رسولي ویلي، چې د نظام الدین قیصاري دوسیه اوس هم په ملي امنیت کې ده او دوی ته نده سپارل شوې.
هغه زیاته کړې، چې: د هېواد لویه څارنوالي د تاوتریخوالي دغه ادعا تر څېړنو لاندې نیسي.
دغه راز ویل شوي، چې د نظام الدین قیصاري د نیول شویو ساتونکیو له ډلې اته کسان تازه خوشې شوي دي.
ولسمشر غني هم په فاریاب کې له نیول شویو کسانو سره د شوي تاوتریخوالي د پلټنې او د عاملینو د نیولو امر کړی دی.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل