Connect with us

تازه خبرونه

سیاسي ګوندونه دې د رای ورکوونکیو د بایو متریک عملي ضمانت وکړي- کمیسیون

خپور شوی

د

(Last Updated On: لړم ۲, ۱۴۰۱)

د ټاکنو خپلواک کمیسیون مسوولین وايي، چې د رای ورکوونکیو بایو متریک کولو ته به هغه وخت چمتو شو، چې د ټاکنو پر نېټه اغېز ونکړي.

په دې وروستیو کې سیاسي ګوندونو د ټاکنو له خپلواک کمیسیون څخه د ولسي جرګې د ټاکنو پر ورځ د رای ورکوونکيو د بایو متریک کولو غوښتنه کړې، چې ولسمشریزې ټاکنې هم پر بایو متریک سیستم تر سره شي.

د ټاکنو خپلواک کمیسیون وايي؛ چمتو یو، چې رای ورکوونکي بایو متریک شي؛ خو په هغه صورت کې ، چې د ولسي جرګې د ټاکنو د ځنډ لامل نه شي.

د ټاکنو خپلواک کمیسیون غړی حفیظ الله هاشمي وايي، چې له سیاسي ګوندونو سره د رای ورکوونکیو د بایو متریک پر بهیر خبرې کوو او له سیاسي ډلو غواړو، چې د دغه بهیر د عملي کیدو ضمانت ورکړي.

ښاغلي هاشمي ویلي؛ قراردادیان قرارداد ته چمتو دي او تخنیکي وسایل هم چمتو کولی شي؛ خو مونږ دا ډاډ غواړو، چې که د ټاکنو پر ورځ وسایل خراب شي څوک یې ضمانت کوي آیا قراردادیان او که محترم ګوندونه؟!

هغه زیاته کړې؛ آیا د پیسو ژمنه یوناما کوي که ګوندونه او  یا حکومت؟! په داسې حال کې ، چې برق نلرو او وخت هم لږ دی.

د ټاکنیزو شکایتونو کمیسیون د دارالانشا پخوانی رييس امام محمد وریماچ وايي، چې د بایو متریک د لوړ لګښت بهیر ډېر وخت ته اړتیا لري. 

د نوموړي په وینا؛ دا ستونزمنه ده، چې تکنالوژي وپېرو، معرفي یې کړو، کارکوونکي ورته وروزو؛ ځکه، چې دا بهیر وخت غواړي. ښه به وي، چې له ټاکنو وروسته پر دغه وړاندیز کار پیل شي.  

د ټاکنو څارونکي بنسټونه هم د سیاسي ګوندونو دغه غوښتنه په اوس وخت کې د عملي کیدو وړ نه ګڼي او وايي، که سیاسي ګوندونه پرې ټينګار وکړي؛ نو ښايي ټاکنې بحراني شي.

د افغانستان د شفافو ټاکنو د بنسټ ريیس نعیم ایوب زاده وایي، چې اوس لږ وخت لرو، بایومتریک ناشونی دی او که ګوندونه پر خپل وړاندیز ډېر ټینګار وکړي ټاکنې به مو بحراني شي.

ټاکل شوې، چې د ولسي جرګې او ولایتي شوراګانو ټاکنې د روان کال د تلې پر اته ویشتمه تر سره شي؛ خو ناامنیو او جګړو سر له اوسه د ټاکنو پر بهیر خپل سیوری غوړولی دی.

خبریاله: دیانا صمدي

تازه خبرونه

د افغانستان د کانونه د اوومه توکو پروسس باید په هېواد کې دننه ترسره شي – شهاب الدین دلاور

Published

on

(Last Updated On: غویی ۱۰, ۱۴۰۳)

د کانونو او پټرولیم وزارت چارسمبالي شهاب الدین دلاور د یوې چینايي کمپنۍ له مسوولینو سره په لیدنه کې ویلي، چې له هېواده بهر د کانونو د اوومه توکو پروسس او صادرولو ته اجازه ناشونې ده.

دلاور دا خبره د چین له دولتي شرکت ایم سي سي هولودا سره د لیدنې پر مهال کړې. دا په داسې حال کې ده، چې د میس عینک د استخراج قراردادي شرکت هم حضور درلود.

د کانونو او پټرولیم وزارت په خبرپاڼه کې راغلي، چې MCC هولودا په چین کې د مسو، سربو او جستو د استخراج او پروسس یو له سترو شرکتونو څخه دی.

په خبرپاڼه کې راغلي، چې دغه شرکت په افغانستان کې د مسو، سربو او جستو په کانونو کې پانګونې ته لیوالتیا ښودلې ده.

دلاور د دوى له لیوالتيا هرکلى کړی او څرګندوي؛ په باميانو، کندهار او غور ولايتونو کې د سربو او جیت کانونه شته او که دغه شرکت په افغانستان کې د کانونو د پروسس په برخه کې هوکړه وکړي، وزارت ورته د همکاري ډاډ وړاندې کوي.

دلاور د مس عینک د مسو د پروژې په اړه هم خبرې وکړې او د کار د چټکتیا غوښتنه یې وکړه.

Continue Reading

تازه خبرونه

تېر کال د ۳۵ میلیون ډالرو پر ارزښت پراختیايي او بشري پروژې ترسره شوي

Published

on

(Last Updated On: غویی ۱۰, ۱۴۰۳)

د اسلامي  پرا ختیا بانک اړوند چارواکو په خپل تازه راپو کې څرګنده کړې، چې په تېر میلادي کال کې یې له افغانستان سره د ۳۵ میلیون ډالرو پر ارزښت بېلا بېلي  پراختیايي او بشري پروژې عملي کړې دي.

د اسلامي پراختیايي بانک د چارواکو د څرګندونو له مخې؛ د دې مرستو ډېره برخه پر بشري مرستو لګېدلې ده.

دوی  زیاتوي، چې دا مرستې له اړو افغانانوسره شوي دي.

د اسلامي پراختیا بانک په راپور کې راغلي؛ دغه مرستې د خوراکي توکو له کمښت سره د مبارزې، د ماشومانو د تغذیې پروګرامونو د برابرولو، روغتیا پالنې، نوښتګرو زده‌کړو، پاکو اوبو او روغتیايي خدمتونو په برخو کې شوې دي.

د اقتصاد وزارت  مسوولینو هم  په  تېر میلادي کال کې له افغانستان سره د اسلامي پرا ختیا بانک د مرستو له بهیر هرکلی کړې او د دې بانک له رهبرۍ څخه يې غوښتني، چې په افغانستان کې د بشردوستانه مرستیو ترڅنګ په اقتصادي پروژو کې هم پانګو نه وکړي.

د اقتصاد وزارت مرستیال عبداللطیف نظري وایي: له افغانستان سره د اسلامي پراختیا بانک له لوري مرستې شوي او مونږ يي له همکاریو هرکلی کوو.

نوموړي زیاته کړې زمونږ غوښتنه داده، چې په افغانستان کې دې پر بنسټویزو اقتصادي پروژو پانګونه تر سره کړي، چې په هېواد کې د منظم اقتصادي خوځښټ لپاره زمینه برابره شي.

د اقتصادي چارو یو شمېر کار پوهان په افغانستان کې د مرستندویه بنسټونو مرستي مهمې بولي او څرګندوي؛ حکومت باید د مرستیندویه بنسټونه د قانع کولو هڅه وکړي، چې په افغانستان کې پر بنسټیزو پروژو اوږد‌مهاله پانګونه تر سره کړي، چې د هېواد اقتصادي حالت له بدلون سره مخ کړي.

د اقتصادي چارو شنونکي نذیر احمد خلیل ویلي: زما له انده بشري مرستي ښې دي او اړتیا ورته شته؛ خو مونږ باید د خپل بشري ناورین د ختمولو لپاره پر بنسټیزو پروژو تمرکز وکړو، چې اقتصادي پراختیا لپاره زمینه سازي وشي.

د اقتصادي چارو یو بل شنونکی شمس احمدزی وایي: زما له نظره د هېواد اوسنیو اقتصادي ستونزو ته پر کتو بشري مرستې ډېرې مهمې دي؛ خو حکومت باید ټول مرسیتندویه بنسټونه د هېواد پر بنسټیزو پروژو پانګونې ته ولسموي، چې د اقتصادي ثبات لپاره زمینه برابره شي.

د اسلامي پراختیا بانک د راپور له مخې؛ اوس‌مهال هم دوی د افغانستان د بشري مرستو د صندوق له لارې د ۱۶ پروژو د پلې کولو بهیر روان دی.

ویل کیږي، چې د افغانستان د بشري مرستو صندوق اوس د نړیوال مشارکت او ملاتړ څانګې او د اسلامي پراختیایي بانک د منابعو د تحرک ریاست له لوري د انقرې له سیمه‌ییزمرکز سره پر همغږۍ اداره کیږي.

Continue Reading

تازه خبرونه

ملا برادر د هرات پاشدان بند پروژې د پاتې کار پرانیسته وکړه

Published

on

(Last Updated On: غویی ۱۰, ۱۴۰۳)

د اسلامي امارت د ریاست الوزراء اقتصادي مرستیال ملا عبدالغني برادر هرات ولایت ته د سفر پر مهال د پاشدان اوبو او برښنا بند د پاتې کار پیل اړین یاد کړ او څرګندوي، چې پخپل وخت به بشپړ او ګټې اخیستنې ته وسپارل شي.

د رییس  الوزراء اقتصادي مرستيال ملا عبدالغني برادر وايي؛ د پاشدان بند پروژه يوه اړینه ملي پروژه ده، چې هڅه کیږي په خپل وخت بشپړه او ګټې اخيستنې ته وسپارل شي.

د اوبو د دغه بند د جوړېدو چارې له څه باندې یوې لسیزې راپدیخوا روانې دي، چې په دې موده  کې یې د کار بهیر له ګڼو خنډونو سره مخ شوی؛ خو اوس له درې کلن ځنډ وروسته د دغې پروژې چارې پیل شوې.

د رییس الوزرا اقتصادي مرستیال ملا عبدالغني برادر د دې پروژې د پرانستلو پر مهال ویلي؛ د اوبو بندونه جوړول د اسلامي امارت کاري لومړیتوب دی.

د دغه بند پر جوړولو څه باندې ۱۱۷ میلیون ډالره لګښت راځي، چې نږدې ۸۵ سلنه چارې یې بشپړې شوي او د روان کال تر پایه به په بشپړ ډول ګټې اخیستنې ته وسپارل شي.

د دې پروژې له بشپړېدو سره به شاوخوا ۶۵ زره جریبه کرنیزه ځمکه خړوبه او زرګونه کسانوته د کار زمینه برابره شي.

د اوبو دغه بند د هرات د کرخ ولسوالۍ پر سیند جوړیږي، چې له څه باندې یوې لسیزې راپدیخوا یې کار ځنډنې روان دی. اوس اسلامي امارت هوډ کړی، چې د دغې ملي پروژې چارې بشپړې کړي.

د پاشدان اوبو او برېښنا بند د جوړېدو چارې د یوه کورني شرکت له لوري د آذربایجاني شرکت پر همکارۍ پر مخ وړل کېږي.

د دې پروژې انجنیر عبدالله غازي زاده ويلي، د اوبو او برښنا دغه بند تر ډېره د کرنې او څښاک د اوبو لپاره جوړېږي، چې د اوبو د زیرمو د ښه مدیریت لپاره به شاوخوا ۷۳ کیلومټره واړه او لوی کانالونه هم ولري.

اوس‌مهال په دې پروژه کې شاوخوا ۴۰۰ کسان په مستقیم ډول کار کوي.

ویل کیږي، چې دغه بند ۵۴ میلیون مټر‌مکعب اوبه زیرمه کوي، چې د کرنې او څښاک صحي اوبو لپاره به وکارول شي.

Continue Reading

Trending

Copyright © 2022 Ariana News. All rights reserved!