تازه خبرونه
په ختیځو ولایتونو کې د تاکنو پر ورځ ۹۰ کسانو ته مرګ و ژوبله اوښتې
د هېواد په ختیځو ولایتونو کې د تاکنو پر ورځ شاوخوا لس کسان وژل شوي او اتیا نور ټپيان دي.
په لغمان، کونړ او ننګرهار کې د شنبې د ورځې ټاکنې له ننګونو سره مل وې.
له ننګرهاره ولسي جرګې ته نوماند محمد ظفرمبارز وايي، د ټاکنو پېچلی بهیر، امنیتي اندېښنو، د ټاکنو د مامورینو کم پوهاوي او په ښځینه محلونو کې پيکه څار ټاکنې ټکنۍ کړې وې.
په ننګرهار کې له ۳۹۴ مرکزونو څخه په ۲۲ مرکزونو کې، چې ۷۷ محلونو په کې ول؛ ټاکنې ونه شوې.
د ننګرهار والي حیات الله حیات وایي، د ټاکنو پر ورځ په ننګرهار کې ۱۵ امنیتي پېښې رامنځته شوې وې، چې په کې ۴ کسان وژل شوي او ۴۴ ټپیان ول.
په درې نور، مومندره او بهسودو کې د نوماندانو ترمنځ اخ و ډب او ټاکنیزې جدي سرغړونې رامنځته شوي.
په ننګرهار کې د ټاکنیزو شکایاتو د کمیسیون مشر شکیب کامجو وایي، د ټولو ټاکنیزو سرغړونو په تړاو ۱۳ کسان نیول شوي او ۶۰۰ شکایتونه ثبت دي.
د لغمان په مهترلام او دولت شاه ولسوالۍ کې هم د ټاکنو پر ورځ لس مرکزونه تړل شوي وه.
د یکشنبې پر ورځ په دوه مرکزونو کې ټاکنې وشوې؛ خو اته نور تړلي وه.
د لغمان والي محمدآصف ننګ وایي، په لغمان کې د ټاکنو پر ورځ ۲۹ امنیتي پېښې شوي، چې په کې یو کس وژل شوی او اووه نور ټپيان دي.
د کونړ والي عبدالستار میرزکوال وایي، په کونړ کې ۱۰۹ مرکزونه ټول خلاص ول او په امنیتي پېښو کې درې کسان وژل شوي او لس ټپيان دي.
کونړ هم د ټاکنیز بهیر له ناوخته پیلیدو، د ځينو نوماندانو ناسمې مداخلې، په نوملړ کې د ځينو کسانو د نوم نشتون، په ځینو محلونو کې د رای اچوونکیو د نوملړ نشتوالي، د بایو متریک سیستم پر کارولو او د مامورینو له کم پوهاوي شکایتونه شوي.
د لغمان په ۲۵ او د ننګرهار په ۷۷ محلونو کې د امنیتي ستونزو له کبله رای اچونه نه ده شوې.
د کمیسیون د تخنیکي او امنیتي ستونزو له کبله په ټاکنو کې د ګډون کچه کمه وه.
خبریال: رحمت الله زیارمل
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه18 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه1 day ago
له پاکستان څخه دې د افغان کډوالو د جبري ایستلو چټکتیا راکمه شي