تازه خبرونه
وسلوالو طالبانو په افغانستان کې ماتې نده خوړلې- جوزف دانفورد
د امریکا د پوځ لوی درستیز ویلي، چې وسلوالو طالبانو په افغانستان کې ماتې نده خوړلې او جګړه هم د حل لار نده.
د امریکا د پوځ لوی درستیز جوزف دانفورد له سي ان ان تلویزیون سره د افغانستان د جګړې او وسلوالو طالبانو په اړه په تازه څرګندونو کې منلې، چې وسلوالو طالبانو د افغانستان په جګړه کې ماتې نده خوړلې.
هغه په دې باور هم دی، چې وسلوالو طالبانو جګړه هم نده بایللې.
دانفورد زیاتوي: د افغانستان ستونزه پوځي حل لار نلري؛ نو، ځکه امریکا او ملاتړي یې پر وسلوالو طالبانو د پوځي، سیاسي او اقتصادي فشارونو د ډېرولو په هڅه کې دي، چې سولې ته یې حاضر کړي.
د افغانستان لپاره د روسیې ځانګړي استازي بیا د افغانستان په سوله کې د امریکا ناکامي یقیني بولي او څرګندوي، چې د امریکا له ناکامۍ وروسته دوی په افغانستان کې د سولې لپاره هڅې پیل کړې دي.
د افغانستان لپاره د روسیې ځانګړی استازی ضمیر کابلوف وایي: امریکا د خپلې طرحې د عملي کولو لپاره ۱۷ کاله وخت درلود؛ خو اوس وسلوال طالبان د افغانستان شپېته په سلو کې خاوره په لاس کې لري. دا د امریکا او ناتو د ۱۷ کلن ماموریت پایله ده، چې له خپل حضور سره یې ستونزې حل نه، بلکې ډېرې هم کړې.
لدې مخکې د افغانستان د سولې په اړه د مسکو د غونډې په درشل کې امریکا ویلي وه؛ له افغانانو پرته بل هیڅ هېواد حق نلري، چې له وسلوالو طالبانو سره د افغانستان پر سوله مخامخ خبرې وکړي. کارپوهان وايي، چې د افغانستان په سوله کې د روسیې پر ښکېلتیا امریکا اندېښمنه ده او ښايي ګټې یې په خطر کې ولویږي.
پوځي کارپوه محمد اسحق اتمر وایي: په افغانستان کې د سولې ابتکار، چې هر چا تر لاسه کړ؛ هغه به بریالی وي. لکه څنګه، چې روسانو وکولی شول په دې اړه لاسته راوړنې ولري او بریالي شول، چې د مسکو په ناسته کې د افغانستان د سولې عالی شورا غړي او طالبان د خبرو برخوال وشمېرل شي.
د افغانستان د سولې عالي شورا ويلي، چې د افغانستان د سولې په اړه په مسکو کې بله غونډه هم د جوړیدو په حال کې ده.
له څه وخته، چې امریکا د افغانستان د سولې لپاره زلمي خلیلزاد ته دنده سپارلې، د سولې په اړه د ده او د خلکو هیلې یو څه غوړیدلي او د دوه یم ځل لپاره یې په قطر کې د وسلوالو طالبانو له استازیو سره درې ورځنۍ خبرې کړي، چې پایلې یې تر دې دمه په ډاګه شوې ندي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه15 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه16 hours ago
په عراق کې به همجنسبازان پر۱۵ کاله بند شي –پارلمان
-
لوبی13 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل