تازه خبرونه
د اقلیمي ځانګړتیاوو لرونکیو۹۳۰ میوه دارو ونو په راټولولو بریالي شوي یو- درانی
د کرنې، اوبولګولو او مالدارۍ وزارت وايي؛ په تېرو لس کلونو کې له بشپړو څېړنو او پلټنو وروسته د اروپايي ټولني په همکارۍ مو وکولی شول، چې په افغانستان کې د مغز لرونکیو میوه دارو ونو داسي کلکسیون رامنځته کړو، چې د هېواد په ټولو برخو کې د اړوند اقلیم لپاره تولید ولري.
د کرنې، اوبو لګولو او مالدارۍ وزارت وزیر، چې د میوه لرونکیو ونو د کلکسیون جوړولو د لس کلنۍ په نمنځغونډه کې یې وینا کوله ویلي؛ د دغه وزارت کارکوونکي ان د منځنۍ آسیا په کچه د یو داسې کرنیز کلکسیون پر جوړولو وتوانیدل، چې په کې ۹۳۰ ډوله مغز لرونکې میوه دارې ونې راټولې شوې دي.
د کرنې، اوبو لګولو او مالدارۍ وزارت وزیر نصیر احمد درانی وایي: مونږ د تازه او وچو میوو کلکسیون جوړ کړ؛ بیا مو د خاورې او هوا د ځانګړتیاوو له مخې په دې کلکسیون کې د هېواد شپږ زونونه تنظیم کړل، چې وکولی شو د کمیت او کیفیت له مخې د هر ډول اقلیم لپاره هماغسې وني وروزو.
په کابل کې د اروپايي ټولنې د کرنې برخي استازی ماوریزو سیان وایي، چې مونږ په تېره یوه لسیزه کې له افغانستان سره په بېلابېلو برخو کې څه باندې پېنځه سوه میلیون دالر مرسته کړې ده.
د کرني په برخه کې د افغانستان د ولسمشر سلا کار حمید هلمندي وايي؛ که غواړو، چې کرنیزو تولیدات مو نړیوالو مارکیتونو ته ورسیږي؛ باید خپل کرنیز نظام معیاري او کرنیز سیستمونه فعال کړو.
د کرنې وزارت د څرګندونو له مخې؛ په دې کلکسیون کې د هېواد د شپږ زونونو د اقلیمونو پر بنسټ خپلې ورایتي ګانې روزل شوي، چې لدې سره به مو د هېواد د میوې په محصولاتو کې نور هم زیاتوالي راشي.
خبریال: اسلم حجاب
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه1 day ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه16 hours ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه21 hours ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
سوداگري18 hours ago
د ترکمنستان د سوداګرو او صنایعو اتحادیې مشر هرات ته سفر وګړ