تازه خبرونه
حکمتیار د ولسي جرګې د ټاکنو د باطلولو هیله څرګنده کړه
د حزب اسلامي رهبر ګلبدین حکمتیار د ولسي جرګې د ټاکنو د باطلولو هیله من شوی او وړاندیز کوي، چې دا ټاکنې باید له ولسمشریزو ټاکنو سره یو ځای بیا تر سره شي.
د ولسي جرګې د ټاکنو لومړنیو پایلو په ډاګه کیدو ښاغلی حکمتیار په ښکاره خواشینی کړی او د داسې اسنادو مخکتنه یې وکړه، چې ښیي د ولسي جرګې په ټاکنو کې لاسوهنه شوې ده.
د حزب اسلامي مشر ګلبدین حکمتیار وایي ، چې د کمیشنرانو دلالان د ولسي جرګې یوه څوکۍ په سل زره دالره پر کاندیدانو پلورلې.
د نوموړي د څرګندونو له مخې؛ د کمشنرانو دلالان د ټاکنو نوماندانو( د ولسي جرګې) ته ګواښ کړی، چې که سل زره دالر رشوت ورنکړي؛ که بریالی هم وي ناکامولی یې شو.
دغه رار ښاغلي حکمتیار پر بایو متریک شویو رایو ټینګار څرګند کړی او وایي، چې بایومتریک شوې رایې دې د ډاډ وړ وشمېرل شي او بیا دې ګټونکی او بیلونکی اعلام شي او که داسې نه کیږي؛ دا له ملنډو ډکې ټاکنې دې باطلې اعلام شي.
هغه دغه راز ویلي، چې د ولسمشریزو ټاکنو له هغه تکته ملاتړ کوي، چې اجرائیه ریاست ونلري.
د حزب د مشر حکمتیار د څرګندونو په غبرګون کې د ټاکنو خپلواک کمیسیون د ویاند مرستیال میرزا محمد حقپرست وایي، که حکمتیار مستند اسناد او مدارک ولري؛ باید عدلي او قضایي ارګانونو ته یې وسپاري.
په همدې وخت کې ګلبدین حکمتیار له وسلوالو طالبانو سره د سولې پر بهیر هم نیوکه کوي او وایي؛ د دولت له وضعیت او کړنو څرګندیږي، چې دولت نه د سولې اراده لري او نه ظرفیت او نه هم د سولې ښکاره تګلاره.
د حزب اسلامي مشر دا هم په ډاګه کړې، چې د جمعیت اسلامي په ګډون سیاسي ګوندونو له طالبانو سره د خبرو داسې ټینګار څرګند کړی، چې له یوې خوا په افغانستان کې د جګړې پای ته رسولو لپاره زمینه برابروي او له بلې خوا په ولسمشریزو ټاکنو کې د طالبانو ګډون بشپړ روښانه کوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه7 hours ago
ترکمنستان د ټاپي پروژې بشپړولو ته ژمن دی – امانوف
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
سیمه ییز خبرونه7 hours ago
په عراق کې به همجنسبازان پر۱۵ کاله بند شي –پارلمان