تازه خبرونه
د مسکو دوه ورځنۍ ناستې ګډونوالو ګډ پرېکړلیک تصویب کړ
د مسکو دوه ورځنۍ ناستې ګډونوالو تېره ورځ( چارشنبه د سلواغې ۱۷) د سولې په اړه د افغانانو د خبرو په اړه ګډ پرېکړلیک تصویب کړ او دا ناسته د افغانانو د راتلونکیو ناستو لپاره یو ښه ګام وګڼل شو.
پرېکړه لیک ښیي، چې افغانان د فبرورۍ د ۵ او ۶ خپلمنځۍ ناستې ګډونوال ول او دغه ناسته تر دې دمه د افغانانو تر منځ یوه ستره ناسته ګڼل کیږي. دوی دغه ناسته نه یوازې منلې، بلکې له اهمیته ډکه یې هم بولي.
د پرېکړه لیک له مخې؛ مونږ په ګران هېواد افغانستان کې تلپاتې سراسري سولې ته د رسیدو، هېواد ته د بشپړ ملي اسلامي حاکمیت د اعادې، له هېواده د بهرنیو قواوو د پوره وتلو، د ملي او دفاعي بنسټونو او مرکزي حکومت خوندي کول، د ملي وحدت د ټینګښت، په نظام کې د افغانستان د ټولو خلکو عادلانه برخه اخیستنې ته د زمېنې برابرولو، د اجتماعي عدالت تامین، اسلامی اساساتو او د هېواد غوره ملي ارزښتونو ته درناوي، په هېواد کې د تېرو څو لسیزو ترخو تجربو د تکرار مخنیوی او همدارنګه د ټولو افغان خواوو تر منځ د متقابل درک، درناوي، د یو او بل پر منلو ګډ توافق شوی دی.
دغه پرېکړه لیک ۹ مادې لري، چې غوره یې د جګړې پای، په ټول هېواد کې د سولې منځته راتلل، له افغانستان څخه د بهرنیو ځواکونو وتل او د افغانانو تر منځ په دې ناسته کې د رامنځته شویو نظریاتو د ودې او پرمنختګ په اړه منظمې ناستې تر سره کول.
په قطر کې د طالبانو رسمي سیاسي دفتر رامنځته کول او د مشرانو نومونه یې د ملګرو ملتونو له تور نوملړه لیرې کول هم د ټینګار وړ یاد شوي دي. نړیوالې ټولنې ته ډاډ ورکول، چې هیڅ راز ګواښ به ورته نه پېښیږي، د اسلامي ارزښتونو له مخې د ښځو د تعلیمي، سیاسي، اقتصادي، او ټولنیزو حقونو رعایت، د قطر له خبرو ملاتړ او د اسلامي اصولو د ټینګار له مخې د افغانستان د خلکو سیاسي او اساسي حقونو او د بیان آزادۍ ته درناوی د دغه پرېکړه لیک نورې غوره برخې دي.
د سولې، ودې او پرمختګ د رامنځته کولو لپاره ملي او نړیوال تعهدات منل او د افغانستان د بیا رغونې او اقتصادي ودې لپاره نړیوالو مرستو لپاره هڅې کول هم د ټینګار وړ ګڼل شوي دي.
په پرېکړه لیک کې د ناستې ټولو خواوو منلې، چې د ډاډمنې فضا د رامنځته کولو لپاره باید د ډېر عمر لرونکي او ناروغه بندیان خوشې شي او دغه راز د هغو بندیانو، چې د بند موده یې پوره شوې او یا لږ پاتې ده باید خوشې شي.
د مسکو په ناسته کې د کابل پلاوي غړی محمد عمر زاخېلوال وایي، راتلونکې ناسته به ډېر ژر د قطر په دوحه کې تر سره شي او په کې به پر پورتنیو هوکړو خبرې وشي.
ویل کیږي، چې دغه ناسته بریالۍ نشوه، چې طالبان اوربند ته اړ کړي.
د مسکو د ناستې طالب استازی عباس ستانکزی وایي، چې ناسته بریالۍ وه او پر ډېرو اړینو برخو هوکړه وشوه. هیله من یو، چې په راتلونکې کې نورې هوکړې هم وشي او په پای کې یوې تلپاتې سولې ته ورسیږو.
د ملي امنیت پخوانی مشاور محمد حنیف اتمر ویلي؛ مونږ ټول ژمن یو، چې بهرني سرتېري له افغانستان څخه ووځي؛ خو په دې هم همغږي لرو، چې په افغانستان کې باید یو بهرنی جنګیالی هم نه وي.
که څه هم له طالبانو سره د سولې تړون له لاسلیک وروسته د ښځو د حقونو په تړاو اندېښنې موجودې دي؛ خو طالبانو په دې ناسته کې ویلي، چې له ولسمشرۍ پرته ښځې کولی شي تر وزارت او صدارت پورې کار وکړي.
د مسکو په ناسته کې د ولسي جرګې غړې فوزیه کوفي ویلي، چې د ښځو پر مسله او حکومتداري او په کې د ښځو پر ونډه خبرې وشوې؛ خو په پرېکړه لیک کې ورته اشاره نده شوې. که هغوي د بشر حقونو مسالې ته درناوی وکړي، مونږ نیوکه نه لرو.
د مسکو ناسته د حکومت لخوا تحریم شوې او ولسمشر غني ویلي، چې د مسکو ناستې پرېکړې اجرائیه جنبه نلري.
د ولسمشر د دفتر ویاند هارون چخانسوري د دغې ناستې په اړه د حکومت دریځ دا ډول بیانوي؛ له طالبانو سره د افغان سیاسیونو ناسته، چې په مسکو کې ترسره شوې؛ د سولې خبرې نه، بلکې د سولې په اړه یو سیاسي او علمي بحث و. دغه اعلامیه، چې د دغو خبرو په پای کې خپره شوې؛ د دغې ناستې د دوه ورځنیو خبرو لنډیز دی، چې د سولې په بهیر کې عملي او اجرائیوي پایله نلري.
دا په داسې حال کې ده، چې د سولې عالی شورا که څه هم په دې ناسته کې برخه نه درلوده؛ خو ډاډه ده، چې دغه راز ناستې ناستې له حکومت سره د سولې خبرو ته زمینه برابرولی شي. خبریال: شاهپور فرهمند
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه16 hours ago
په عراق کې به همجنسبازان پر۱۵ کاله بند شي –پارلمان
-
لوبی13 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل