تازه خبرونه
ترهګري ګډ ګواښ دی او پر ضد یې باید ګډه مبارزه وشي- عبدالله عبدالله
اجرائیه رییس وایي، ترهګري سیمې او نړۍ ته ګډ ګواښ دی او اړتیا ده، چې پر ضد یې ټول هېوادونه ګډه مبارزه وکړي.
په اردن کې ځینو چارواکو، مدني فعالانو او دیني عالمانو په یوه ناسته کې د ځوانانو تر منځ د بنسټ پالنې د انګېزې له منځه وړلو په تړاو خبرې وکړې.
د افغانستان اجرائیه رییس عبدالله عبدالله وایي، داعش تر اوسه ماتې نده خوړلې او د بنسټ پالنې د انګېزې د له منځه وړلو لپاره باید ځوانانو ته تحصیلي زمینه برابره شي او پوهاوی یې لوړ شي.
اجرائیه رییس وایي، زیاتره رسنۍ منفي پیغامونه ورکوي او ځوانان؛ ځکه بنسټ پالنې ته مخه کوي، چې د لوست کچه یې ټیټه ده.
اجرائیه رییس عبدالله عبدالله وایي، چې داعش په عراق او سوریه کې ډېرې ساحې له لاسه ورکړي؛ خو ماته شوې نده؛ تاسې ماته یوه بېلګه راګړئ، چې رسنیو کې یو مثبت دیني پیغام خپور شوی وي. په داسې حال کې، چې د بنسټ پالنې پیغامونه په سلګونه ځله خپاره شوي او همدا پخپله منفي پیغام لري.
دیني عالمان وایی، ترهګرې ډلې د سیاسي موخو په خاطر جوړیږي، او هیڅ مذهبي اړخ نه لري.
د اسلامي مطالعاتو د مرکز اجرائیه رییس احمد ایراوني وایي؛ د توندلاریتوب مفکوره د ټولو مسلمانانو مفکوره نده، بلکې کم شمېر کسان دي، چې مونږ پوهیږو هغوی له کوم ځای راغلي، د دې مسالې تر شا ډېرې خبرې پرتې دي. زیاتره دا ډلې د سیاسي موخو لپاره جوړیږي، چې ور څخه د یوې وسیلې په توګه کار اخلي.
د ناستې ځینې کډونوال له ترهګرۍ سره مبارزه د ټولو هېوادونو مسوولیت بولي.
مدني مخکښه لطیفه ابن زیاتین وایي؛ د ټولو ګډ مسوولیت دی؛ څه د ورزش په ډګر کې، څه د دولت او څه هم د ښوونځیو په ډګر کې ټول خلک باید هڅې وکړي، چې د بنسټ پالنې انګېزه له ځوانانو واخلي.
دا په داسې حال کې ده، چې ترهګرې ډلې اوس هم ځینو هېوادونو ته جدي ګواښ ګڼل کیږي، که څه هم په تېرو څو کلونو کې د دې ډلو پر ضد پراخه مبارزه شوې ده.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه17 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه18 hours ago
په عراق کې به همجنسبازان پر۱۵ کاله بند شي –پارلمان
-
لوبی15 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل