تازه خبرونه
ولسمشر غني د ۱۷۵ طالب زندانیانو د خوشې کولو سپارښتنه وکړه
ولسمشر غني د سولې مشورتي لویې جرګې د پای په مراسمو کې د سولې لپاره د ښه نیت په هیله د ۱۷۵ طالب زندانیانو د خوشې کولو سپارښتنه وکړه.
ولسمشر غني د جمعې پر ورځ (د غویی ۱۳) د مشورتي لویې جرګې په پای کې د یو سل و پېنځه اویا طالب بندیانو د خلاصون امر وکړ او له طالبانو یې وغوښتل، چې د بندیانو کمیسیون غړي دې کابل ته راولیږي، چې په ځانګړیو مراسمو کې د ډالۍ په توګه وروسپارل شي.
نوموړي له یو اړخیز اوربند سره هم خپل مخالفت څرګند کړ او زیاتوي، چې که طالبان اوربند ته حاضر شي، د افغانستان حکومت چمتو دی، چې اوربند اعلام کړي.
ولسمشر غني د سولې مشورتي جرګې ۲۳ ماده ییز پرېکړه لیک له طالبانو سره د سولې د خبرو لپاره لارښود اعلام کړ، چې د سولې لپاره به د افغان دولت د عمل پروګرام وي او پرېکړې به یې عملي وي.
ښاغلي غني څرګنده کړې: د سولې مشورتي جرګې له پرېکړه لیک څخه په الهام له طالبانو غواړم، چې په افغانستان کې دننه مذاکراتو ته چمتو شي. مونږ حاضر یو په هېواد کې دننه مذاکراتو ته زمینه مساعده کړو. مونږ غواړو افغانستان د خپلې سولې کوربه اوسي.
نوموړي دا ټینګار هم وړاندې کړ: ما د سولې سپین چک وړاندې کړ؛ مولوی صاحب چمتو یاست، چې سپین چک راکړئ!
ولسمشر له طالبانو سره د مرکچي پلاوي په ترکیب کې د بدلون په اړه وایي، چې د سولې مشورتي جرګې مشوره او واک راکړی، چې د خبرو ډله وټاکم؛ زه د خبرو ډله ټاکم نه د خبرو لښکر!
ولسمشر غني وایي؛ د سولې پروګرام د شاتګ او پاشلو په معنا ندی او نه به په افغانستان کې د نړۍ د حضور د پای په معنا وي، بلکې د سولې طرحه له پوځي حضور څخه پراختیایي او انکشافي برخې ته تېرېدل دي او هیڅ هېواد باید اندېښنه ونلري.
طالبانو څرګنده کړې، چې د سولې مشورتي لویه جرګه د ولس استازیتوب نکوي او ان د حکومت نیمه برخه یې ګډونواله نه وه.
د طالبانو د څرګندونو له مخې؛ د امریکایانو په شتون کې له حکومت سره خبرې پیلول بې ګټې او د جهاد ارمانونه له خطر سره مخ کوي.
دمګړۍ طالبان له امریکایانو سره په قطر کې د روانو ستونزو په اړه خبرې کوي، چې د خبرو له رغنده پایلې وروسته به له داخلي اړخ سره د کورنیو ستونزو په اړه خبرې او تفاهم وشي.
د سولې مشورتي جرګې بشپړ پرېکړه لیک
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه18 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه18 hours ago
ترکمنستان د ټاپي پروژې بشپړولو ته ژمن دی – امانوف
-
لوبی15 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل