تازه خبرونه
لویې څارنوالۍ د ټاکنو پخوانیو کمشنرانو ته پېنځه کلن بند غوښتی
لویې څارنوالۍ د ټاکنو خپلواکو کمیسیونو پخوانیو رييسانو، کمیشنرانو او د دارالانشا او تکنالوژۍ ريیسانو ته پېنځه – پېنځه کاله بند غوښتی دی.
د ولسي جرګې د تېرو لانجمنو ټاکنو تر ټولو ستره دوسیه د بدخشان ولایت د ټاکنو په پایلو کې د لاسوهنې ده، چې د ټاکنو د دواړو کمیسیونونو کمیشنران پرې تورن دي.
آریانا نیوز ته رسیدلي سندونه ښيي، چې لویې څارنوالۍ د ټاکنیزو کمیسیونونو پخوانیوغړیو او د دالانشا او تکنالوژۍ ريیسانو ته پېنځه – پېنځه کاله بند غوښتی دی.
د تورنو کسانو دوسیه له فساد سره د مبارزې عدلي او قضايي مرکز او د عامه امنیت محکمې ته استول شوې؛ خو یوې محکمې هم د دغې دوسیې د فیصله کولو مسوولیت ته غاړه نده ایښي.
د لویې څارنوالۍ ویاند جمشید رسولي دا هم څرګنده کړې، چې د ټاکنو خپلواکو کمیسیونونو پخوانیو کمیشنرانو د بدخشان ولایت د ولسي جرګې د ټاکنو لومړۍ پایلې، د وروستیو پایلو په توګه اعلان کړي او اسلام یفتلي او صفی الله مسلم رایې یې ډېرې کړي دي. د همدې قضیې په تور د ټاکنیزو شکایتونو کمیسیون د بدخشان ولایت د ټاکنیزو شکایتونو د کمیسیون د دارالانشا رییس او دوه کمیشنران لویې څارنوالۍ ته معرفي کوي.
هغه زیاته کړې، چې د دغې مصودې او د افغانستان د قوانینو په رڼا کې به د اړوند کمیشنرانو دوسیې سترې محکمې ته ولیږل شي او پایله به یې بیا رسنیزه شي.
تورن کمیشنران وايي، چې د لویې څارنوالۍ څېړنې قانونې تشې لري.
د ټاکنیزو شکایتونو د کمیسیون پخوانی کمیشنر عبدالبصیر فایز وایي، چې د هېواد د جزا کود له مخې کمیشنر په دې برخه کې خبرورکوونکی ګڼل کیږي. یعنې جرم یې په ډاګه کړی او عدلي او قضایي بنسټونه یژ پرې خبر کړي دي. د قانون له مخې کمیشنر د عدلي څېړنو لاندې باید رانشي.
اوس د ولایتي غړیو پر ځای د ټاکنیزو شکایتونو د کمیسیون د مرکزي دفتر غړي په دغه قضیه کې ښکېل بلل شوي دي.
د لویې څارنوالۍ په یوه بل مکتوب کې لیدل کیږي، چې د ټاکنیزو شکایتونو د مرکزي دفتر غړي له ولایتي غړیو څخه اصلي سندونه، نه تسلیموي. په دغه مکتوب کې راغلي، چې د ټاکنو دواړو کمیسیونونو دغه پایلې له خپلې خوښې سره سمې جوړې کړي او اعلان کړي یې دي.
د بدخشان ولایت د ولسي جرګې د ټاکنو معترض نوماند اسلام یفتلي وایي، چې کمیشنرانو ترې د پیسو غوښتنه کړې؛ خو کله، چې ما ونه منله له هغه بل اړخه یې پیسې واخیستې او هغه یې د بریالیو په نوملړ کې ونیوه.
لویه څارنوالي ټينګار کوي، چې څېړنې یې هر اړخیزې دي.
تورن کمیشران وايي، چې د لویې څارنوالۍ څېړنې نیمګړې دي او په وینايي، چې د جعل او تذویر اصلي کسان ندي پېژندل شوي.
د دغو اسنادو له مخې؛ که پر کمیشرانو لګیدلي تورونه ثابت شي؛ نو د بدخشان ولایت د ولسي جرګې غړي به هم بدلون ومومي.
خبریال: باعث حیات
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه3 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی2 days ago
اټک انرژي او موج ساحل د دوشنبې د ورځې لوبې وګټلې