تازه خبرونه
د ټاکنو وروستۍ پایلې به د روانې اوونۍ تر پایه په ډاګه شي
د ټاکنو خپلواک کمیسیون یو غړي ټینګار کړی، چې سیاسي مسایل به د ټاکنو پر فني او حقوقي برخو اغېز ونلري او د ولسمشریزو ټاکنو وروستۍ پایلې به د روانې اوونۍ تر پایه په ډاګه شي.
د ټاکنو خپلواک کمیسیون د ټاکنیزو شکایتونو د پرېکړو د پلي کیدو وروستي پړاو ته رسیدلی او د ۳۰۰ زره جنجالي رایو په تړاو یې ځانګړې پلټنه پای ته رسولې او د ۹ ولایتونو د رایو بیا شمېرلو فني راپور به د دې کمیسیون رهبري ته وړاندې شي.
د ټاکنو خپلواک کمیسیون د دارالانشا مشر حبیب الرحمان ننګ ویلي: له هغه وروسته، چې په ۹ ولایتونو کې د ۲۹۸ محلونو د رایو بیا شمېرنې پایله مرکزي دفتر ته راورسیده؛ په مرکزي سیستم کې به یې تطبیق پیل شي.
نوموړي زیاه کړې: کله ، چې تطبیقات پای ته ورسیدل؛ د قانون له مخې اړ یو، چې د کمیسیون مشرتابه پلاوي ته ګزارش وسپارو، چې وروستۍ پرېکړه هم ورسره تړاو لري.
د ټاکنو خپلواک کمیسیون د فني راپور له څېړنې وروسته ټینګار کړی، چې تر راتلونکیو دری يا څلورو ورځو به د ولسمشریزو ټاکنو پایله په ډاګه شي.
د ټاکنو خپلواک کمیسیون غړی حنیف دانشیار وایي: سیاسي موضوعات او مسایل په ټاکنیز کار کې بې اغېزې دي؛ ځکه ټاکنې حقوقي او تخنیکي اړخ لري او مونږ په دې اړه د مسوولیت لرونکي یو.
د عبدالله عبدالله په مشرۍ د ثبات او همپالني ټاکنډله خبرداری ورکوي او وایي، چې تقلبي رایي مشروعیت نلري او دوی ته د منلو وړ هم ندي.
اجرائیه مشر عبدالله عبدالله څرګنده کړې، چې مونږ ته به یوازې د ټاکنو مشروع پایله د منلو وي او هغه پایله، چې په کې مشروعیت او رڼښت نه وي؛ مونږ ته د منلو نده.
د بیاشمېرنې په تېرو دوه ورځو کې ۲۹۸ د رایو محلونه او ۱۰۲ زره له وخت مخکې رایې او ۱۳۷ زره شکمنې رایې د ثبات او همپالنې او نورو ناظرانو په شتون کې تر ځانګړې پلټنې لاندې نیول شوي دي.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
تازه خبرونه
د پاکستان خاوره د افغانستان پر ضد کارول کیږي
د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.
عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.
د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.
د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.
ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس