تازه خبرونه
طالبان د افغانستان په کلیو کې د نجونو ښوونځیو ته اجازه ورکوي
د طالب جنګیالیو ډېرې خويندې او لوڼې په دې وروستیو کې ښوونځیو ته ځي، چې د یو شمېر څرګندونو له مخې؛ د دوی په پالیسیو کې د حیرانتیا وړ بدلون ښيي.
د فارن پالیسۍ لخوا د خپوره شوي تحلیلي راپور چاڼیزې برخې په لاندې توګه وړاندې کیږي:
د طالبانو تر څارنې لاندې د خوست ولایت د لیرې پرتې سیمې بریخېل خلکو ويلي؛ طالبانو نجونو ته اجازه ورکړې، چې ښوونځیو ته لاړې شي.
د ځایی خلکو د څرکندونو له مخې؛ طالبانو دوی ته ډاډ ورکړی، چې د نجونو له ښوونځیو سره هیڅ راز ستونزه نلري.
د ښوونځي یوه مدیر د فارن پالیسۍ خبري سرچینې ته ویلي: زما ځینې زدکونکې د طالبانو خويندې او خپلوان دي او یا له دغو جنګیالیو سره نږدې اړیکې لري. ډېري دغه جنګیالي زمونږ په کلي کې ژوند نکوي او . دوی جګړه کوي او پټ وي؛ خو دوی خپلوال هڅوي، چې زما ښوونځي ته راشي او زدکړه وکړي.
د دې ښوونځی زدکونکې لطيفې خوستۍ ويلي: زما ورور د طالب جنګيالی دی؛ خو هغه له ښوونځي سره ستونزه نلري. هغه له ما څخه پوهه او زدکړه غواړي.
که مونږ تېر ته وګورو، هغه مهال، چې طالبان په ۱۹۹۰زېږدیز کال کې واک ته ورسیدل؛ نو دوی د پلارواکۍ حکومت پر خلکو وتپه او په ټول هېواد کې یې د ښځو زدکړې ودرولې. سربېره پر دې میرمنو ته د کار کولو اجازه نه وه او له نرینه محرم پرته له کوره یې د وتلو اجازه نه لرله.
د طالبانو د رژیم له رانسکورېدو وروسته؛ هغه مهال، چې امریکا افغانستان ته را ننوته د ښځو حقونه یې په ځانګړي توګه د نجونو زدکړې د بنسټیزو موخو په توګه اعلام شوې، چې دا د هغه مهال په افغان ټولنه کې د ۱۸۰ درجو بدلون ښکارندویه شوه.
اوس، چې امریکا د روان کال د فبرورۍ په میاشت کې له طالبانو سره د سولې رامنځته کولو هوکړه لاسلیک کړې؛ نو ښکاره ده، چې ډېر ژر یا وروسته به دغه دوی په یو ډول نه یو ډول واک ته راستانه او یا لږ تر لږه به له حکومت سره په واک کې ګډونوکړي.
په افغانستان کې، چې کله د ښځو د زدکړو خبره کیږي؛ ځینې کتونکي او هڅاندې ډلې په ډاګه کوي، چې طالبان به بیا د ځوانو نجونو او ښځو زدکړې ودروي.
د افغانستان حکومت او د امریکا مذاکره کوونکیو ویلي؛ دا ډول ناکرارۍ به پېښې نشي. په داسې حال کې، چې د طالبانو مشرتابه د ښځو په کار او د نجونو په زدکړو کې پر اسلامي شریعت ټینګار کوي.
په قطر کې د طالبانو د سیاسي دفتر مشر شېر محمد عباس ستانکزي په یوه مرکه کې څرګنده کړې، چې مونږ د ښځو د کار او زدکړو مخالف نه یو؛ خو مونږ اسلامي اصول لرو، دلته غرب نه دی.
د یادونې ده، چې په بریخېل سیمه کې ښوونځیو ته د نجونو تګ د دې ښکارندویي کوي، چې د ښځو د کار او ښوونځي مسایل له هغې ډېر پېچلي دي، چې یو شمېر یې فکر کوي؛ خو یوازې د وخت تېریدل به دا معما حل کړي.
تازه خبرونه
اسلامي امارت امریکایی بندي ډینس کویل خوشې کړ
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
د افغانستان اسلامي امارت بهرنیو چارو وزارت د امریکایي وګړي ډینس کویل له بند څخه د خوشې کېدا خبر ورکړ.
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
اسلامي امارت امریکایی بندي ډینس کویل خوشې کړ
د افغانستان اسلامي امارت بهرنیو چارو وزارت د امریکایي وګړي ډینس کویل له بند څخه د خوشې کېدا خبر ورکړ.
د یاد وزارت د خبرپاڼې له مخې؛ نن( سېشنبه د وري څلورمه ) د کویل مور د اسلامي امارت رهبر ته په یوه لیک کې د لوی اختر پر مناسبت د بښنې او د خپل زوی د خوشې کېدا غوښتنه کړې وه او سترې محکمې د هغه زندان کافي وګاڼه او د هغه د خوشې کولو پرېکړه یې وکړه.
د اسلامي امارت د بهرنیو چارو وزارت ویلي چې دا اقدام د بشردوستانه او ښه نیت پر بنسټ کوي او باور لري چې دا ډول ګامونه کولی شي د هیوادونو ترمنځ د باور فضا پیاوړې کړي.
یاد وزارت همدارنګه هیله څرګنده کړې، چې دواړه هېوادونه به په راتلونکي کې د همغږۍ او رغنده خبرو اترو له لارې پاتې ستونزو ته حل لارې ومومي.
اسلامي امارت په دې برخه کې د متحده عربي اماراتو له همکارۍ ستاینه هم کړې ده.
دغه راز د کویل د خوشې کېدا لپاره یو امریکایی پلاوی، چې د افغانستان لپاره د امریکا پخوانی ځانګړی استازی زلمی خلیلزاد هم په کې دی؛ نن (سېشنبه د وري څلورمه) د اسلامي امارت بهرنیو چارو له وزیر امیر خان متقي سره ولیدل.
په دې لیدنه کې د متحده عربي اماراتو سفیر سیف محمد الکتبي او د بندیانو د کورنۍ یوه غړي هم ګډون درلود.
د بهرنیو چارو وزارت د مطبوعاتي خبرپاڼې له مخې؛ په دې ناسته کې امیر خان متقي زیاته کړې، چې اسلامي امارت د سیاسي اهدافو د ترلاسه کولو لپاره د هیڅ هېواد هېڅ وګړی نهدی بندي کړی، بلکې نیول شوي کسان له قوانینو څخه د سرغړونې پایله وه او اشخاص د قضايي پروسیجرونو له تېریدو وروسته خوشې شوي دي.
په دې ناسته کې زلمي خلیلزاد هم د اسلامي امارت له دې اقدام ستاینه وکړه او د دواړو هېوادونو ترمنځ د ټولو مسلو په اړه د خبرو اترو دوام یې اړین وباله او په راتلونکي کې یې د نور پرمختګ هیله څرګنده کړه.
متقي همدارنګه ټینګار کړی، چې کابل او متحده عربي امارات باید خپلو وګړو ته معیاري قونسلګري خدمات وړاندې کړي او د افغانستان حکومت په دې برخه کې بشپړ چمتو دی.
هغه د متحده عربي اماراتو له رییس محمد بن زاید آل نهیان څخه د بندیانو د خوشې کولو په برخه کې د رغنده رول له کبله مننه وکړه او متحده عربي امارات یې د افغانستان نږدې ملګری وباله.
امیر خان متقي مخکې هم د اسلامي امارت او د بندیانو د کورنۍ ترمنځ د معلوماتو په تبادله کې د قطر د حکومت له هڅو ستاینه کړې وه.
ویل کیږي، چې د متحده عربي اماراتو سفیر د خپل هېواد چمتووالی وښود، چې په بشري ادارو کې خپل رول ولوبوي او دا ډول پرمختګونه یې د ټولو پر ګټه وګڼل.
تازه خبرونه
بریټانیا له افغانستان سره د بشري مرستو کچه ۳ میلیون پونډه کړه
د افغانستان لپاره د بریټانیا ځانګړي استازي ریچارډ لینډزي په ایکس کې ویلي؛ دا مرستې به د اړمنو خلکو لپاره د اړینو خوړو او اړوند مرستو چمتو کولو لپاره وکارول شي.
بریټانیا له افغانستان سره د بشري مرستو په برخه کې ۳ میلیون پونډه (۳۷۵ میلیون افغانۍ) اعلان کړه، چې موخه یې د طبیعي پېښو له کبله د زیانمن شویو خلکو ملاتړ دی.
د افغانستان لپاره د بریټانیا ځانګړي استازي ریچارډ لینډزي په ایکس کې ویلي؛ دا مرستې به د اړمنو خلکو لپاره د اړینو خوړو او اړوند مرستو چمتو کولو لپاره وکارول شي.
له دې نوې مرستې سره افغانستان ته د بريټانیا سږنۍ دوه اړخیزه مرسته ۱۵۴ میلیون پونډ (۱۳.۸ میلیارډ افغانۍ) ته رسیږي.
تحول: د یو او بل پر وړاندې د ایران او امریکا ګواښونه
Saar: Discussion on criticism of Pakistan’s policies
اسلامي امارت امریکایی بندي ډینس کویل خوشې کړ
بریټانیا له افغانستان سره د بشري مرستو کچه ۳ میلیون پونډه کړه
برلین د اسلامي امارت استازی د افغان سفارت د چارسمبالي په توګه نه پېژني
د افغانستان او پاکستان شخړه د حق او باطل له نظره ووینئ – مفتي ندوي
د امریکا او ایران درېیم پړاو خبرې د پنجشنبې پر ورځ ترسره کیږي
ټرمپ کانګرس ته پر ۱۰۸ دقیقو اوږدې وینا خپله ولسمشري له سره تعریف کړه
ازبکستان له افغانستان سره د ۵ میلیارډ ډالرو سوداګري اعلان کړه
نورالدین عزیزي او د چین ځانګړي استازي د اقتصادي همکاریو پر پراختیا خبرې وکړې
تحول: د یو او بل پر وړاندې د ایران او امریکا ګواښونه
تحول: له ایران سره په جګړه کې د امریکا د ځمکنیو ځواکونو د ښکېلېدا شونتیا
څار: له امریکایي بندیانو څخه د سیاسي فشار په توګه کار اخیستل
تحول: د افغانستان د بې ثباته کولو لپاره د پاکستان هڅه
څار: افغانستان ته د نړیوالو مرستو کمېدا
-
تازه خبرونه2 days agoپاکستان له افغانستان سره په روان جنګ کې د روسیې د منځګړیتوب غوښتنه وکړه
-
تازه خبرونه3 days agoد اسلامي امارت یوه غړي په برلین کې د افغانستان سفارت چارسمبالي پر غاړه اخیستې
-
تازه خبرونه18 hours agoبرلین د اسلامي امارت استازی د افغان سفارت د چارسمبالي په توګه نه پېژني
-
نړۍ2 days agoکیم جونګ اون یو ځل بیا د شمالي کوریا د دولتي چارو رییس وټاکل شو
-
تازه خبرونه2 days agoنړۍ دې د افغانستان او پاکستان د پراخې جګړې مخه ونیسي – فایننشل ټایمز
-
تازه خبرونه3 days agoد پاکستان پوځي رژیم یو ځل بیا اوربند مات کړ
-
نړۍ23 hours agoپه کولمبیا کې د پوځي الوتکې غورځېدا له کبله ۶۶ کسان مړه شوي او ۴ نور ورک دي
-
لوبی3 days agoپه کوکپر نړیوالو سیالیو کې د وزلوبې ملي لوبډله درېیمه شوه