تازه خبرونه
خلیلزاد د مرکزي آسیا له بهرنیو چارو وزیرانو سره غږیدلی
د افغانستان د سولې په چارو کې د امریکا بهرنیو چارو وزارت ځانګړي استازي زلمي خلیلزاد د مرکزي آسیا هېوادونو له بهرنیو چارو وزیرانو سره د افغانستان د سولې په اړه خبرې اترې کړې دي.
زلمي خلیلزاد په خپلو یو لړ تویتونو کې په ډاګه کړې، چې: ما او د امریکا د نړیوالې پرمختیايي ادارې د پانګونې شرکت ( دي اف سي) عامل پلاوي مدیر آدم بولر په تاشکند کې ښه لیدل کتل لرل؛ ورځ مو له باندنیو چارو وزیر کاملوف او ځانګړي استازي ارګاشف سره پیل کړه او بیا د C5+1( ازبکستان، تاجکستان، ترکمنستان، قزاقستان، قیرغیز جمهوریت) له پاتو بهرنیو چارو وزیرانو سره یو ځای شوو.
د امریکا د سولې استازي دغه راز څرګنده کړې: یو باثباته او سوکاله افغانستان په منځنۍ آسیا کې د سیمیزې سولې، امنیت او سوکالې لپاره اړین دی. همدارنګه یوه منځنۍ آسیا، چې له ځواکمنو او خپلواکو دولتونو جوړه وي او له افغانستان سره په ګډه د سویلیزې آسیا د نښلولو لپاره کار وکړ؛ د سیمې سوداګریزې اړیکې ورسره پراختیا کوي او دا به د ټولو لپاره ګټوره وي.
یو باثباته او سوکاله افغانستان په منځنۍ آسیا کې د سیمیزې سولې، امنیت او سوکالې لپاره مُهم دی؛ یوه منځنۍ آسیا چې له بااقتداره او خپلواکه دولتونو جوړه وي او له افغانستان سره په ګډه د سویلیزې آسیا نښلتیا لپاره کار وکړي، به د سیمې او متحدو ایالتونو په ګټه وي
— U.S. Special Representative Zalmay Khalilzad (@US4AfghanPeace) July 1, 2020
نوموړي زیاته کړې؛ دغه راز مونږ په هر هېواد کې د پانګه ونې او د پولو پر شاوخوا د اړینو فرصتونو په اړه وغږیدو. مونږ دغه راز پدې هم غور وکړ، چې د سیمې د ودې او پانګونې لپاره یو ګډ صندوق ته اړتیا ده او مونږ ورته پانګونې ته چمتو یو.
زلمي خلیلزاد د C5+1 همکاري ستایلې او وایي: مونږ اړتیا لرو، چې د افغانانو له خپلمنځي خبرو وروسته د سیاسي همغږۍ د هڅونې لپاره ګډ کار وکړو. اوس د ګډ اقتصادي لوري، د سیمې نښلولو او یووالي لپاره کار پیلیږي.
هغه ټینګار کړی، چې یو باثباته او هوسا افغانستان د مرکزي آسیا د سولې، امنیت او هوساینې لپاره اړین دی. دغه راز یوه ځواکمنه، خپلواکه او د یووالي لرونکې مرکزي اسیا، چې له افغانستان سره په ګډه د سویلي آسیا د نښلولو لپاره کاروکړي نه یوازې د سیمي، بلکې د امریکا لپاره هم ګټه لري.
دغه راز د ازبکستان د بهرنیو چارو وزارت په یوه تویت کې څرګنده کړې؛ د مرکزي آسیا د بهرنیو چارو وزیرانو په ناسته کې له مایک پمپیو سره پر سیمه ییزو همکاریو، امنیت، اقتصادي خوندیتوب، له کرونا ویروس سره مبارزې، د افغانستان سولې او اورال سیند پر ستونزو خبرې شوې دي.
— Uzbekistan MFA (@uzbekmfa) July 1, 2020
مایک پامپیو هم ویلي، چې په دې غونډه کې پر امنیتي ستونزو او د منځنۍ آسیا هېوادونو ترمنځ پر اقتصادي همکاریو خبرې شوي دي.
د یادونې ده، چې C5+1 جوړښت د سیمې د ستونزو او ننګونو لپاره د مرکزي آسیا له ۵ هېوادونو او امریکا جوړ شوی او نن یې د بهرنیو چارو د وزیرانو ناسته تر سره شوه.
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه18 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه1 day ago
له پاکستان څخه دې د افغان کډوالو د جبري ایستلو چټکتیا راکمه شي