تازه خبرونه
خلیلزاد بریالی شو، چې د افغانانو د خپلمنځي خبرو شین څراغ ولګوي
د افغانستان د سولې لپاره د امریکا ځانګړي استازي زلمي خلیلزاد د افغانانو تر منځ د خبرو د پیل له اعلان نه یوازې تود هرکلی کړی، بلکې دا یو تاریخي فرصت بولي، چې ور سره به د افغانستان روانه ۴۰ کلنه جګړه پای ته رسیږي، ځکه ډېر شمېر افغانان په کې وژل شوي دي.
1/3 I welcome the announcements by Qatar, the Afghan Palace, and the Taliban to start Afghanistan Peace Negotiations on Sep 12. This is a historic opportunity to end a forty-year war that has no military solution and kills too many Afghans.
— U.S. Special Representative Zalmay Khalilzad (@US4AfghanPeace) September 11, 2020
خلیلزاد زیاته کړې: تر دې ځایه د رسیدلو لار اوږده وه او ستونزې به په راتلونکې کې هم وي. مهمه لاسته راوړنه هیڅکله آسانه نه وي. اوس د افغان مشرانو مسوولیت دی، چې لدې شېبې ګټه واخلي او دې ظالمې او بېمفهومې جګړې ته د پاې ټکی کیدي.
هغه څرګندوي؛ هیڅ سیاسي جوړجاړی له مصلحت پرته نه ترلاسه کیږي. د افغانستان معاصر تاریخ ښيي، چې د واک د انحصار هڅې او په زوره پر نورو خپله ایډیالوژي تپل، شخړې رامنځته کوي او هېواد د نورو لاسوهنو ته ټیل وهي.
ټاکل شوې د افغانستان د سولې د خبرو اترو د پرانستې مراسم سبا د قطر په پلازمېنه دوحه کې ترسره شي.
ښاغلی خلیل زاد له ۲۰۱۸ کال راپدیخوا نه ستړې کیدونکې هڅې کوي، چې د افغانستان حکومت او طالبان د خبرو میز ته نږدې کړي. د هغه هڅو هغه مهال پایله ورکړه، چې د روان کال د فبرورۍ په میاشت کې د امریکا او طالبانو تر منځ افغانستان ته د سولې راوستو هوکړه لاسلیک شوه.
د دغې هوکړې له مخې؛ افغان حکومت له ۵۰۰۰ ډېر طالب بندیان خوشې کړي، چې په بدل کې یې له ۱۰۰۰ ډېر حکومتي بندیان خوشې کړل او امریکا هم په افغانستان کې خپل سرتېري راکم او پېنځه اډې یې افغان ځواکونو ته وسپارلې.
د خپلمنځي خبرو د پیل او پرانستي لپآره قطر ته د شپږ طالب بندیانو له لیږد وروسته، د دې تړون ټولې مادې پلې شوې دي.
د امریکا بهرنیو چارو وزیر مایک پمپیو هم د افغانانو تر منځ د خبرو په پرانستونکې ناسته کې د ګډون لپاره قطر ته رسیدلی دی.
دغه راز د قطر پلازمېنې دوحې ته د حکومت مرکچي پلاوی هم نن دوحې ته تلی دی.
ولسمشر غني په یوه څرګندونه کې دغه پلاوي ته د بریا هیله کړې او وایي؛ د دوی دنده په هېواد کې د تلپاتې سولې راوستل دي، چې د افغانانو تپاتې هیله ده.
همدارنګه د ملي پخلاینې عالي شورا څرګنده کړې، چې د عبدالله عبدالله په مشرۍ هم یو پلاوی نن قطر ته تللی دی.
د یادې شورا ویاند خوځون ویلي: مونږ هیله من یو، چې له اوږده ځنډ وروسته به دا خبرې د تلپاتې سولې لامل شي او جګړه به پای ته ورسیږي.
دغه راز د ناتو عمومي منشي ینس ستولتنبرګ هم ویلي: “ټول بهیرونه باید له دې تاریخي فرصته د پرمختګ او د لاسته راوړنو د خوندي کولو لپاره ګټه پورته کړي، چې په پوره سرښندنه ترلاسه شوي دي. دغه راز ناتو به افغانستان امنیت ته تر اوږدې مودې ژمنه پاتې وي.
تېره ورځ ماښام مهال پاتې شپږ طالب بندیان د قطر پلازمېنې دوحې ته واستول شول.
د طالب له ۵۰۰۰ کسیزه نوملړه پاتې دغه شپږ وروستي سخت دریځي بندیان د بهرنيو اتباعو پر وژلو او د نشه يي توکو د قاچاق په تور بندیان شوي او اوس به په قطر کې تر څارنې لاندې وي.
د یادونې ده، چې د دغو بندیانو په خوشې کولو کې ځنډ د افغانانو د خپلمنځي خبرو پیل هم ځنډولې و. اوس ټاکل شوې، چې خپلمنځي خبرې به د شنبې پر ورځ د محرم الحرام پر ۲۴، د وږي پر ۲۲ او د سپتمبر پر ۱۲ د قطر په دوحه کې پیل او پرانستل شي.
تازه خبرونه
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
د افغانستان په اړه د نړیوال بانک د نوي راپور له مخې؛ په دغه هېواد کې د کوکنارو پر کښت له بندیز سره کروندګرو یو اعشاریه ۳ میلیارډ ډالر عاید له لاسه ورکړي، چې د ناخالصو تولیداتو نږدې ۸ سلنه جوړوي.
دغه بنسټ ویلي، چې په تېرو دوه کلونو کې د افغانستان ناخالص کورنی تولید ۲۶ سلنه کم شوی، چې ورسره د دغه هېواد اقتصادي راتلونکې ناڅرګند شوی دی.
په راپور کې راغلي، چې په خصوصي سکټور کې جوړښتي نیمګړتیاوو او د نړیوالو مرستو کموالي په افغانستان کې د اقتصادي پرمختګ مخه نیولې ده.
نړیوال بانک ویلي، چې د افغانستان نیمايي نفوس په بېوزلۍ کې ژوند کوي او ۱۵ میلیون وګړي د خوړو له نه خوندیتوب سره مخ دي.
د نړیوال بانک د افغانستان څانګې مشرې میلنډا ګوډ ویلي؛ د یوه باثباته راتلونکي افغانستان لپاره باید پر جنسیتي ناوړه پالیسۍ، په روغتیایي او تعلیمي برخو کې پانګونې او د کرنې او کانونو په سکټورونو کې د فرصتونو رامنځته کولو راوڅرخیږي.
نړیوال بانک وایي؛ د افغانستان د سوداګرۍ د کسر زیاتوالی د دغه هېواد د اقتصاد لپاره بله ننګونه ده. د دغه بانک د راپور له مخې؛ په ۲۰۲۳ کال کې د افغانستان واردات ۲۳ سلنه یا ۷ اعشاریه ۸ میلیارډ ډالرو ته رسېدلي دي.
تازه خبرونه
اسلامي امارت د اسلامي همکاریو ټولنې په غونډه کې د خپل پلاوي له ګډون خبر ورکړ
د بهرنیو چارو وزارت نن یکشنبه د غویي شپالسمه څرګنده کړې، چې د اسلامي امارت یوه پلاوي د ګمبیا هېواد د پلازمېنې بانجول پر کوربتوب د اسلامي همکاریو ټولنې په نننۍ ناسته کې ګډون کړی دی.
د اسلامي هېوادونو د همکاریو ټولنې د مشرانو پېنځلسمه دوه ورځنۍ غونډه پرون (شنبه د غویی پېنځلسمه) پیل شوې ده.
د بهرنیو چارو وزارت څرګنده کړې، چې د اسلامي همکاریو ټولنې په غونډه کې د دې وزارت د نړیوالو ټولنو د څانګې ویاند او رییس د اسلامي امارت پر استازیتوب ګډون کړی دی.
د بهرنیو چارو وزارت په خبرپاڼه کې راغلي، چې د اسلامي امارت پلاوی به په عمومي غونډه کې د ګډون ترڅنګ د اسلامي همکاریو ټولنې له لوړ پوړیو چارواکو او د دې ټولنې د غړیو هېوادونو له استازو سره هم وګوري او په بېلابېلو موضوعاتو به ورسره خبرې وکړي.
تازه خبرونه
اسلامي امارت له اسرائیلو سره د ترکیې د سوداګرۍ له ځنډولو هرکلی وکړ
د بهرنیو چارو سرپرست وزیر امیر خان متقي پر غزې د اسرائیلو د بریدونو له کبله د ترکیې له هغې هڅې هرکلی وکړ، چې له اسرائیلو سره یې سوداګري ودروله.
د بهرنیو چارو وزارت د خبرپاڼې له مخې؛ نن یکشنبه ( د غویی شپالسمه) د ریاست الوزراء سیاسي مرستیال مولوي عبدالکبیر په کابل کې د ترکیې د سفارت له چارسمبالي جنک اونال سره په کتنه کې د اسرائیلو پر وړاندې د انقرې له وروستۍ هڅې ستاینه وکړه.
په دې کتنه کې پر دوه اړخیزو اړیکو سربېره د افغانستان د وروستیو مثبتو پرمختګونو او هېواد ته د سیاسي او اقتصادي پلاویو پر سفرونو هم خبرې وشوې.
د بهرنیو چارو وزارت سرپرست دغه راز د لاجورد له لارې له ترکیې سره د افغانستان د سوداګرۍ د پیل او د دغو دواړو هېوادونو د ګډو نندارتونونو پر پرانیستلو هم خبرې وکړې.
د بهرنیو چارو وزارت د خبرپاڼې له مخې؛ په کابل کې د ترکیې سفارت چارسمبالي ویلي؛ هېواد یې په افغانستان کې له وروستیو پرمختګونو خوښ دی او څرګندوي، چې د ترکیې او افغانستان ترمنځ د اړیکو د پراختیا لپاره باید ګډې هڅې وشي.
هغه زیاته کړې، چې په راتلونکیو څو ورځو کې به ترکش ایرلاین کابل ته خپلې الوتنې پیل کړي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه13 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
له اسلامي امارت سره په تعامل کې مو ملي ګټې رانغښتي- امریکا