تازه خبرونه
په افغانستان کې د امریکا ۱۹ میلیارد دالر ضایع شوي -سیګار
د افغانستان د بیارغونې لپاره د امریکا د ځانګړې پلټنې دفتر یا سیګار په خپل وروستي راپور کې په ډاګه کړې، چې د امریکا کانګرس د افغانستان د بیارغونې لپاره له ۲۰۰۲ کال راپدیخوا نږدې ۱۳۴ میلیارد دالر ځانګړي کړي، چې شاوخوا ۱۹ میلیار دالر یې ضایع شوي دي.
دغه بنسټ تېره اوونۍ په خپل راپور کې څرګنده کړې وه، چې سیګار له یادو ۱۳۴ میلیارد دالرو څخه د شاوخوا ۶۳ میلیارد دالرو بیاکتنه وکړه او وموندل شوه، چې نږدې ۱۹ میلیارد دالر د ناوړه ګټې اخیستنې او درغلۍ له کبله ضایع شوې دي.
سیګار ویلي؛ په ۲۰۱۸ کال کې دوی وموندله، چې له ۲۰۰۸ څخه د ۲۰۱۷ کال د دسمبر تر ۳۱ پورې ۱۵.۵ میلیارد دالر ضایع او ناوړه ګټه ترې پورته شوې ده.
سیګار دا هم په ډاګه کړې، چې له دغو پیسو څخه نږدې ۱۲ میلیارد دالر په افغانستان کې د مخدره توکو پرضد په ناکامو هڅو او د دې هېواد د ثبات په برنامو کې لګیدلي دي.
د افغانستان د بیا رغونې لپاره د امریکا ځانګړي پلټونکي جان سپکو ویلي: مونږ باور لرو، چې د دغو هڅو بودیجه ضایع شوې؛ ځکه، چې دا پروګرامونه خپلې ټاکلې موخې ته ونه رسیدې.
🚨NEW Report: As of Dec 2019, Congress appropriated nearly $134 billion since FY 2002 for #Afghanistan reconstruction. Of that amount, SIGAR reviewed approx. $63 billion & found that nearly $19 billion of amount reviewed was lost to waste, fraud, and abusehttps://t.co/wcqzejZB5t
— SIGAR (@SIGARHQ) October 20, 2020
جان سپکو د دې راپور په اړه ویلي: دا راپور د تېر راپور په پرتله شاوخوا ۳.۴ میلیارد دالر ضایع شوي ، درغلي په کې شوې او ناوړه ګټه ترې پورته شوې ده.
د سیګار موندنې ښيي، چې مونږ د مالیه ورکوونکیو ۱.۵ میلیارد دالر پېژندلي، چې ضایع شوي دي. په ۳۰۰ میلیون دالرو کې درغلي شوې او له ۳۴ میلیون ډالرو ناوړه ګټه اخیستل شوې ده.
د ښاغلي سوپکو په وینا؛ پاتې ۱.۶ میلیارد دالر له مخدره توکو سره د مبارزې په بېلابېلو هڅو کې ضایع شوي دي.
جان سپکو څرګنده کړې؛ سیګار دنده لري، چې په افغانستان کې د بیارغونې د هڅو لپاره د امریکا د کانګرس پر ځانګړې شوې بودیجه بیاکتنه وکړي. له همدې کبله زمونږ تحلیلونه په افغانستان کې د امریکا د لګښتونو یوازې یوه برخه ښیي.
تازه خبرونه
د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.
د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.
د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.
هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.
تازه خبرونه
بایدن له افغانستان څخه د امریکايي ځواکونو د ایستلو له پرېکړې دفاع وکړه
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.
بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.
نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.
د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړهلیک لاسلیک کړی و.
تازه خبرونه
اروپايي هېوادونو روانډا ته د کډوالو پر لېږدولو هوکړه وکړه
تمه ده دغه هوکړه په ویانا کې اعلان شي.
ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.
تمه ده دغه هوکړه په ویانا کې اعلان شي.
دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.
د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.
د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حسابورکولو لپاره د روښانه میکانیزم د نشتوالي په اړه اندېښنه ښودلې ده.
روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.
دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.
-
سیمه ییز خبرونه5 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه4 days agoعراق له کردستان څخه افغانستان ته د تېلو د احتمالي قاچاق څېړنه کوي
-
تازه خبرونه4 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه
-
سوداگري5 days agoپه کابل کې د اسلامي پانګونې د پراختیا پر لارو چارو خبرې وشوې
-
تازه خبرونه1 day agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه4 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
-
لوبی2 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
