تازه خبرونه
آسټرالیا په افغانستان کې د جنګي جرمونو د خپاره شوي انځور د لرې کولو غوښتنه کړې
د آسټرالیا لومړي وزیر سکاټ موریسن د ټویټر له ټولنیزې څانګې غوښتي، چې د هغه آسټرالیايي سرتېري ایډیټ شوی انځور له منځه یوسي، چې د یوه افغان ماشوم سر پرېکول ښیي.
جوړ شوی انځور د یکشنبې پر ورځ د یوه لوړ پوړي چینایي چارواکي لخوا په ټویټر پاڼه کې خپور شوی ، چې نړیوال غبرګونونه یې راپارول.
د سکات موريسن د غوښتنې په ځواب کې د چین د بهرنیو چارو وزیر ویلي، چې آسټرالیا باید له خپلو جنګي جنایتونو څخه وشرمیږي او په دې اړه دې له افغانانو بخښنه وغواړي.
د دغو راپورونو له مخې، چین د خپاره شوي انځوربښنه له آسټرالیا نه غواړي.
دغه انځورد چین بهرنیو چارو د وزارت ویاند لیجیان ژائو لخوا ټویټ ته پورته شوی او څرګندوي: زه د آسټرالیایي سرتېرو لخوا د ملکي وګړیو او بندیانو پر وژلو حیران شوی یم. مونږ دا عمل په کلکه غندو او غواړو، چې عاملین یې محاکمه شي.
دغه راز د چین د بهرنیو چارو وزارت یو بل ویاند ویلي، چې آسټرالیا باید پدې اړه ژور غبرګون وښیي؛ عاملین يې عدالت ته راکاږي … او ژمنه وکړي، چې بیا نور به دغه راز جرم نکوي.
همدارنګه د راپورونو له مخې؛ د بریتانیا رسنیو څرګنده کړې، چې ژائو په امریکا او پاکستان کې دیپلومات و او د غبرګون پارونې پر بنسټ د بیجینګ د معلوماتي مرکز مرستیال ټاکل شوی دی.
د راپور له مخې، هغه په دې وروستیو کې د آسټرالیا او چین اړیکو ته پام رااړولی و.
همدارنګه د نوي زلینډ لومړي وزیر جاسینډا آرډین د انځور په خپرولو کې د آسټرالیا پلوي کړې او بیجینګ ملامتوي.
جا سینډا آرډین دغه ټویټ له حقیقته لرې بولي او وايي، نیوزلینډ به له بیجینګ سره پر دغه اختلافي انځور مخامخ خبرې وکړي.
آرډین په دې اړه ویلي؛ دا د آسټرلیا او چین تر منځ د نظر تبادله ده او شک پرته به منل شویو اصولو ته زیان ورسوي. مونږ په دې اړه اندېښنه لرو او خپله اندېښنه مو څرګنده کړه.
د نوموړي د څرګندونو له مخې؛ هغه انځور، چې حقیقت ونلري او کارول کیږي، په اړه به یې مونږ له بیجینګ سره بحث او خبرې وکړو.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی24 hours ago
اټک انرژي او موج ساحل د دوشنبې د ورځې لوبې وګټلې