تازه خبرونه
د امریکا مشرانو جرګې د دفاعي بودیجې وړاندیز ومانه
د امریکا مشرانو جرګې د ۲۰۲۱ کال لپاره د ۷۴۰ میلیارډ ډالرو وړاندیز د ۸۴ موافقو او ۱۳ مخالفو پر وړاندې کولو تصویب کړ.
د دغې لایحې پر بنسټ، ټرمپ باید له افغانستان څخه د خپلو ځواکونو له ایستلو مخکې نورې ډېرې څېړنې ترسره کړي.
دغه پلان به د ولسمشر ټرمپ واک له افغانستان او جرمني څخه د عسکرو په ایستلو کې محدود کړي. له دې مخکې د امریکا ولسمشر د دغه وړاندیز د تصویب پر خلاف خبرداری ورکړی و.
د امریکا ولسي جرګې د پوځي خدمتونو د کمېټې مشرتابه غړی لیز چیني په دې اړه وایي: دا یوه حساسه طرحه ده او پر هغه څه تمرکز کوي، چې ډېر اړین دي. په دې اړه، چې مونږ څه اړتیا لرو، چې امنیت مو پیاوړی کړو او په افغانستان کې څه باید تر سره شي. مونږ باید ډاډه شو، چې په افغانستان کې ترهګر خوندي پناه ځایونه ونلري.
د مشرانو جرګې یو شمېر غړیو ويلي، چې له افغانستان څخه د امریکایي سرتېري وتل باید په افغانستان کې د ترهګرۍ پروړاندې مبارزه کمزورې نکړي.
امریکا په پام کې لري، چې د راتلونکې میاشتې تر نیمایي پورې د خپلو سرتېرو شمېر ۲۵۰۰ ته راټیټ کړي. د امریکایي چارواکو د څرګندونو له مخې پاتې سرتېري به د شرایطو له مخې افغانستان پرېږدي.
د پوځي چارو کارپوه اسدالله ندیم ویلي: د امریکایي ځواکونو وتل که د مسوولیت او ژمنو پر بنسټ ترسره شي؛ د افغانستان په امنیتي وضعیت کې به ستونزه نه رامنځته کوي؛ خو که دغه وتل بیړني او مسوولانه وي، نو دا به جدي پایلې ولري.
له دې مخکې د ولسي جرګې پوځي خدماتو کمیټې د امریکا د ولسمشرۍ ټاکنو تر پای پورې د څلور زره امریکایي سرتېرو د وتلو محدودولو پلان تصویب کړی و.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
سیمه ییز خبرونه23 hours ago
په عراق کې به همجنسبازان پر۱۵ کاله بند شي –پارلمان
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه23 hours ago
ترکمنستان د ټاپي پروژې بشپړولو ته ژمن دی – امانوف
-
لوبی21 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل