تازه خبرونه
کابل د سیمې د هېوادونو په ګډون د امنیتي کنفرانس کوربه و
د ملي امنیت عمومي مشر احمد ضیا سراج له رسنیو سره په خبرو کې ویلي؛ د روانې اوونۍ د دوشنبې او سې شنبې پر ورځو( د سلواغې ۲۷ او ۲۸) کابل د مرکزي آسیا د پېنځه هېوادونو، آذربایجان، پاکستان او امریکا د ملي امنیت د چارواکو د غونډې کوربه و.
په دې کتنه کې له افغانستان څخه د بهرنیو ځواکونو وتل او د سیمې هېوادونو ته د امنیتي ګواښونو په اړه اندېښنې څیړل شوې دي.
سراج زیاته کړې؛ دغه دوه ورځنۍ ناسته د افغان حکومت پر نوښت جوړه شوې، چې د طالبانو او القاعده د هڅو پر مخنیوي سربیره د سیمه ییزو استخباراتو د اجماع پر رامنځته کولو راوڅرخېدله.
په دې ناسته کې له افغانستان څخه د بهرنیو ځواکونو له وتلو وروسته د سیمې هېوادونو ته د ورپېښو امنیتي ګواښونو او اندېښنو په اړه بحث او خبرې شوې دي.
د ملي امنیت رییس احمد ضیا سراج ویلي دي چې د امریکایانو لخوا په افغانستان کې د تاوتریخوالي د کمولو لپاره درې میاشتې پلان لري؛ خو افغان حکومت د تاوتریخوالي کمولو پرځای د درې میاشتني اوربند غوښتنه کړې ده.
افغانستان د ګډ سیمه ایز ګواښونو سره مخ دی او په سیمه کې نورو هیوادونو ته د دغه ګواښونو د خپریدو څخه مخنیوی کوي. په دې توګه ، د افغانستان دفاعي او امنیتي ځواکونه په داخلي او سیمه ایزو برخو کې د تروریزم سره مبارزه کوي.
د کنفرانس په پای کې ټولو برخوالو هوکړه وکړه، چې د تروریزم د پېژندنې په اړه همغږي کېدل، د عامو ګواښونو پېژندل او د له منځه وړلو لپاره یې ګډې هڅې او د اړوند ادارو تر منځ د اطلاعاتو شریکول خدمتونو ترمینځ د معلوماتو تبادلې پروسې ګړندۍ کول.
د ملي امنیت عمومي ریاست څرګنده کړې، چې دغه راز ناستې به د ترهګرۍ پروړاندې پیاوړې سیمه ییزه اجماع رامنځته کړي.
تازه خبرونه
IEA attends OIC summit in Gambia
The Islamic Emirate of Afghanistan (IEA) announced Sunday that its delegation is attending the 15th summit of the Organization of Islamic Cooperation (OIC) in the Gambian capital Banjul.
The two-day summit of the heads of the Organization of Islamic Cooperation started on Saturday. World leaders from the 57 member countries of the OIC and beyond are expected to attend, said the OIC in a statement ahead of the summit.
The Ministry of Foreign Affairs in a statement said that its spokesman and head of the department of international organizations of the ministry are representing the IEA at the OIC summit.
The statement said that in addition to participating in the general session, the delegation will meet with high-ranking officials of the Organization of Islamic Cooperation and representatives of its member countries to discuss various issues.
تازه خبرونه
اسلامي امارت له اسرائیلو سره د ترکیې د سوداګرۍ له ځنډولو هرکلی وکړ
د بهرنیو چارو سرپرست وزیر امیر خان متقي پر غزې د اسرائیلو د بریدونو له کبله د ترکیې له هغې هڅې هرکلی وکړ، چې له اسرائیلو سره یې سوداګري ودروله.
د بهرنیو چارو وزارت د خبرپاڼې له مخې؛ نن یکشنبه ( د غویی شپالسمه) د ریاست الوزراء سیاسي مرستیال مولوي عبدالکبیر په کابل کې د ترکیې د سفارت له چارسمبالي جنک اونال سره په کتنه کې د اسرائیلو پر وړاندې د انقرې له وروستۍ هڅې ستاینه وکړه.
په دې کتنه کې پر دوه اړخیزو اړیکو سربېره د افغانستان د وروستیو مثبتو پرمختګونو او هېواد ته د سیاسي او اقتصادي پلاویو پر سفرونو هم خبرې وشوې.
د بهرنیو چارو وزارت سرپرست دغه راز د لاجورد له لارې له ترکیې سره د افغانستان د سوداګرۍ د پیل او د دغو دواړو هېوادونو د ګډو نندارتونونو پر پرانیستلو هم خبرې وکړې.
د بهرنیو چارو وزارت د خبرپاڼې له مخې؛ په کابل کې د ترکیې سفارت چارسمبالي ویلي؛ هېواد یې په افغانستان کې له وروستیو پرمختګونو خوښ دی او څرګندوي، چې د ترکیې او افغانستان ترمنځ د اړیکو د پراختیا لپاره باید ګډې هڅې وشي.
هغه زیاته کړې، چې په راتلونکیو څو ورځو کې به ترکش ایرلاین کابل ته خپلې الوتنې پیل کړي.
تازه خبرونه
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
د اسلامي امارت ویاند ذبیح الله مجاهد د بدخشان د اوسیدونکیو د اعتراضونو د څېړلو لپاره د پوځ د ستر درستیز فصیح الدین فطرت پر مشرۍ د یوه پلاوی له ټاکل خبر ورګړی دی.
نوموړي په یوه خبرپاڼه کې ویلي؛ د اسلامي امارت د رهبر د فرمان له مخې په ټول هېواد کې د کوکنارو د کښت د له منځه وړلو بهیر پيل شوی، خو تېره ورځ په بدخشان کې ځینو سرغړوونکیو پر امنيتي ځواکونو د برید هڅه کړې، چې په پایله کې یې خواشينوونکې پېښې را منځته شوې دي.
د اسلامي امارت ویاند ذبیح الله مجاهد ټینګار کړی، چې هیڅ سیمه د کوکنارو له کښت څخه مستثنی نده.
د اسلامي امارت په خبرپاڼه کې راغلي: د ریاست الوزرا له لوري د ملي دفاع وزارت د ستر درستيز قاري صاحب فصيح الدين فطرت پر مشرۍ يو پلاوی ټاکل شوی، چې په جوړښت کې یې له فرامینو او حکمونو څخه د څارنې لوی ریيس شمس الدين شریعتي، د کورنیو چارو وزارت د مخدره توګو پر وړاندې د مبارزې مرستیال عبدالحق، د استخباراتو عمومي ریاست مرستیال رحمت الله نجيب او د بدخشان د عالمانو شورا ریيس مولوي عبدالمومن برخه لري.
د کورنیو چارو وزارت تائیدوي، چې په دې ولسوالۍ کې د کوکنارو کروندو د له منځه وړلو له ځواکونو سره په نښته کې یو تن سیمهییز وګړی وژل شوی دی.
ویل کیږي، چې د بدخشان په درایم ولسوالۍ کې له تېرو څو ورځو راپدیخوا د اسلامي امارت پر ضد اعتراضونه شوي دي.
-
سیمه ییز خبرونه4 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی4 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
لوبی5 days ago
خراسان فاریاب میوند لوبډلې ته ۳ـ۱ ماته ورکړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
څار5 days ago
څار: د افغانستان او چین د اړیکو ارزونه