Connect with us

تازه خبرونه

جو بایډن په افغانستان کې له پیل شوي سیاسي بهیره ملاتړ ښکاره کړ

خپور شوی

د

د امریکا ولسمشر جو بایډن ویلي، په افغانستان کې د روانې شل کلنې جګړې د پای ته رسولو لپاره له هغه ډیپلوماټیک بهیره کلک ملاتړ کوي، چې دا مهال پیل شوی دی.

د مونیخ امنیتي ناسته د امریکا او فرانسې د ولسمشرانو، د جرمنې د لومړۍ وزیرې، د ملګرو ملتونو او ناټو د سرمنشیانو په حضور کې په اناین بڼه تر سره شوې، یوه برخه یې د افغانستان د سولې پر بهیر راڅرخېدلې ده.

د دغې ناستې ګډونوال جو بایډن ویلي؛ اداره یې اجازه نه ورکوي، چې افغانستان بیا د ترهګرو پر خوندي مرکز بدل شي.

د امریکا ولسمشر جو بایډن وایي؛ زما اداره په کلکه له روان ډیپلوماټيک بهیر ملاتړ کوي او غواړي، چې دا روانه شل کلنه جګړه پای ته ورسوي.

د ناټو د دفاع وزیرانو له ناستې دوه ورځې وروسته د امریکا دفاع وزیر لویډ اسټین یو ځل بیا ټینګار کړی، چې امریکا په مسوولانه توګه د افغانستان د جګړې پای ته رسېدو ته ژمنه ده.

نوموړی وایي: مونږ استخباراتي څېړنې پیل کړي؛ ټولو اړوند غوراویو او هر ډول باالقوه عواقبو ته په کتو او رانږدې کېدونکي ضرب الاجل ته مو پام دی؛ خو غواړو دا ګام د کړنلارې له مخې او ډاډه پورته کړو.

په امریکا کې د نوې ادارې له راتلو سره ولسمشر جوبایډن له طالبانو سره د امریکا د سولې هوکړې پر ارزونه ټینګار کړی، چې آیا طالبانو پخپلو ژمنو عمل کړی او که نه.

د مونیخ په ناسته کې د امریکا له دې پرېکړې هرکلی وشو.

د جرمني لومړۍ وزیرې هم د امریکا او طالبانو د سولې هوکړه لیک د بیاکتنې له پرېکړې هرکلی کړی دی.

د جرمني لومړۍ وزیرې آنگلا مېرکل څرګنده کړې؛ زه پدې واقعیت خوشاله یم، چې د امریکا ادارې د افغانستان د سولې د بهیر بیا کتنه پیل کړې ده. جرمني چمتو ده، چې د اوږدې مودې لپاره په افغانستان کې پاتې شي.

د ناټو دفاع وزیرانو د بروکسل په وروستۍ ناسته کې د مې تر میاشتې له افغانستان څخه د ځواکونو د ویستو یا پرېښودو پرېکړه وځنډوله، چې امریکا او متحدین یې پدې اړه د وروستۍ پرېکړې لپاره ډېر فرصت ولري.

تازه خبرونه

د ملي بس شرکت رییس له چینايي هائیر شرکت سره د عصري بسونو پر پېر او تولید خبرې وکړې

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

Published

on

 

د امارتي شرکتونو عمومي ریاست ویاند محمد نبي بهار ويلي، د ملي بس امارتي شرکت مسوولانو له چینايي« هائیر» شرکت سره د عصري بسونو د پېر او تولید په برخه کې د همکاریو د رامنځته کولو په اړه خبرې کړې دي.

د بهار د څرګندونو له مخې، د ملي بس شرکت اجرائیوي رییس عبدالباقي مقیم او ورسره مل پلاوي چین ته د سفر پر مهال په سوژو ولایت کې د هائیر شرکت له کارخونې لیدنه کړې او د دغه شرکت له کاري بهیر او تولیداتو له کیفیت سره یې له نږدې بلدتیا پیدا کړې ده.

د هائیر شرکت مسوولانو هم له افغانستان سره د ښاري او تېزرفتاره بسونو، پر ځانګړي بڼه برښنايي، هایبریډ او ډیزلي بسونو د برابرولو په برخه کې د همکارۍ ډاډ ورکړی دی.

هائیر په چین کې د بسونو له تولیدوونکو شرکتونو څخه دی، چې محصولات یې په یو شمېر هېوادونو کې د مسافرو د لېږد او د ښاري ټرانسپورټ د تنظیم لپاره کارول کېږي.

Continue Reading

تازه خبرونه

بایدن له افغانستان څخه د امریکايي ځواکونو د ایستلو له پرېکړې دفاع وکړه

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

Published

on

 

د امریکا پخواني ولسمشر جو بایدن له افغانستان څخه د امریکايي ځواکونو د ایستلو په اړه له خپلې پرېکړې دفاع کړې او دا پرېکړه سمه بولي او وایي؛ که ورته شرایط بیا رامنځته شي، یو ځل بیا به همدا پرېکړه وکړي.

بایدن د خپلو خاطراتو په نوي کتاب کې لیکلي، چې د امریکا د هغه وخت دفاع وزیر لویډ آسټین او د ګډو ځواکونو لوی درستیز جنرال مارک میلي له افغانستان څخه د امریکايي ځواکونو د وتلو د پایلو په اړه اندېښنه څرګنده کړې وه.

نوموړي زیاته کړې، چې ډاډ ورکړ شوی و؛ د امریکايي ځواکونو له وتلو وروسته به د افغانستان حکومت لږ تر لږه شپږ میاشتې خپل دوام وساتي؛ خو دغه حکومت یوازې په څو ورځو کې ړنګ شو.

د یادونې ده، چې د امریکا متحده ایالتونو او اسلامي امارت د ډونالډ ټرمپ د ولسمشرۍ د لومړۍ دورې پر مهال د ۲۰۲۰ز. کال په فبرورۍ کې له افغانستان څخه د امریکايي ځواکونو د وتلو په اړه هوکړه‌لیک لاسلیک کړی و.

Continue Reading

تازه خبرونه

اروپايي هېوادونو روانډا ته د کډوالو پر لېږدولو هوکړه وکړه

تمه ده دغه هوکړه په ویانا کې اعلان شي.

Published

on

 

ټاکل شوې، چې د دوشنبې پر ورځ پنځه اروپايي هېوادونه( جرمني، اتریش، یونان، ډنمارک او هالنډ ) رونډا ته د هغو کډوالو د لېږدولو طرحه اعلان کړي، چې د پناه غوښتنې غوښتنلیکونه یې رد شوي دي. د دې طرحې له مخې، دغه کسان به په روانډا کې د کډوالو د بېرته ایستلو یوه مرکز ته ولېږدول شي.

تمه ده دغه هوکړه په ویانا کې اعلان شي.

دا هڅه د اروپايي ټولنې د هغو نویو مقرراتو له تصویب وروسته کېږي، چې د کډوالو د بېرته ایستلو بهیر چټکوي.

د دغو مقرراتو له مخې، د اروپايي ټولنې غړي هېوادونه کولی شي له ټولنې بهر د کډوالو د بېرته ستنولو مرکزونه جوړ کړي.

د دې طرحې ملاتړ کوونکي حکومتونو ویلي، چې بنسټیزه موخه یې د ناقانونه کډوالۍ مخنیوی او د کډوالو د تګ مخه نیول دي؛ خو د بشري حقونو بنسټونو د کډوالو د حقونو له احتمالي سرغړونې او حساب‌ورکولو لپاره د روښانه میکانیزم د نشتوالي په اړه اندېښنه ښودلې ده.

روانډا سره له دې، چې د بشري حقونو د وضعیت او سیاسي آزادیو د محدودیتونو له کبله له نیوکو سره مخ ده؛ ځان یې د هغو کډوالو د منلو لپاره وړاندې کړی، چې لویدیځ هېوادونه یې د بېرته ایستلو هوډ لري.

دا طرحه یوازې هغه کډوال رانغاړي، چې په اروپايي ټولنه کې د پاتې کېدا لپاره یې ټولې قانوني لارې کارولي، خو غوښتنلیکونه یې رد شوي وي.

Continue Reading
Advertisement

Trending

Copyright © 2026 Ariana News. All rights reserved!