تازه خبرونه
امریکا پر بي – ۵۲ الوتکو د طالبانو سنګرونه بمبارد کړل
پر ولایتي مرکزونو د طالبانو د بریدونو له ډېرېدو وروسته د امریکا بي – ۵۲ بم غورزوونکیو الوتکو تېره شپه ( د زمري ۱۶) په هلمند، جوزجان او پکتیا ولایتونو کې د طالبانو مرکزونه بمبارد کړل.
لویدیځو رسنیو راپور ورکړی، چې د بریدونو سپارښتنه د امریکا ولسمشر جو بایډن کړی ده.
افغان حکومت هم تائیدوي، چې بي – ۵۲ بم غورزوونکیو په شبرغان ښار او همدارنګه پکتیا ولایت کې د طالبانو مرکزونه بمبارد کړي دي.
د افغانستان دفاع وزارت ویاند روح الله احمدزي ویلي: په پکتیا او جوزجان ولایتونو کې د بي – ۵۲ بمي الوتکې پر ملاتړ په هوایي بریدونو کې نږدې ۶۰۰ طالبان وژل شوي او لږ تر لږه ۳۰۰ نور ټپیان دي.
طالبانو هم په یوه اعلامیه کې تائید کړې، چې امریکا په هلمند کې هوایي بریدونه کړي دي.
د امریکا اړوندبي – ۴۲ بم غورزوونکې الوتکې په قطر کې د امریکا له هوایي اډې څخه د طالبانو پر سنګرونو د برید لپاره الوتنه کوي.
د طالبانو پر مرکزونو د امریکا د هوایي بریدونو لړۍ له طالبانو سره په جګړه کې له افغان حکومت او امنیتي ځواکونو څخه د ملاتړ ښکارندویي کوي.
د ولسي جرګې د داخلي امنیت کمیټې غړي حسن پکتیاوال ویلي: که امریکا وغواړي د افغان امنیتي او دفاعي ځواکونو ملاتړ وکړي؛ نو د بي – ۵۲ بمي الوتکو بریدونه به د افغانستان ستونزه حل کړي.
پوځي کارپوهانو ويلي، چې د امریکا د بي – ۵۲ بم غورزوونکیو الوتکو روان بمبارد د افغانستان په جګړه کې ډېر بدلون ندی رامنځته کړی.
د پوځي استخباراتو کارپوه سرور نیازي ویلي: د بي – ۵۲ یا نورو الوتکو بمبارد پرځای د امریکا لپاره غوره ده، چې پر پاکستان سیاسي، اقتصادي او پوځي فشار راوړي.
د افغانستان خلک د امریکا له بي – ۵۲ پوځي الوتکو سره هغه مهال آشنا شول، چې امریکا د سپټمبر له پېښې وروسته د طالبانو پر حکومتي مرکزونو بمبارد وکړ.
امریکا له افغانستان څخه د ځواکونو د بشپړ وتلو مخکې له دې هېواده بهر خپلې پوځي اډې له حکومته د ملاتړ لپاره جوړې کړې دي.
پرون لویدیځو رسنیو د امریکا د حکومتي سرچینو د څرګندونو له مخې ویلي، چې ولسمشر جو بایډن د طالبانو د ځپلو لپاره دبي – ۵۲ بم غورزوونکیو د کارولو سپارښتنه کړې ده.
ډیلي میل او ټایمز راپور ورکوي، چې سي – ۱۳۰ ملاتړ لرونکی بمبارد به پر لویو ښارونو د طالبانو د بریدونو په مخنیوي کې ګټور وي.
دا په داسې حال کې ده، چې طالبانو د هېواد د یو شمېر ولایتونو پر مرکزونو خپل بریدونه ډېرکړي او له طالبانو سره د حکومتي ځواکونو او ولسي پاڅونوالو نښتو هم زور اخیستی، چې خلک یې له بېلابېلو اندېښنو سره مخ کړی دي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه19 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه18 hours ago
ترکمنستان د ټاپي پروژې بشپړولو ته ژمن دی – امانوف
-
لوبی16 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل