Connect with us

تازه خبرونه

د کابل ښار د هوایي ډګر پر لوري یو شمېر توغندي توغول شوي

خپور شوی

د

یوه امریکايي چارواکي رویټرز ته ویلي؛ نن سهار د کابل پر نړیوال هوایي ډګر شاوخوا ۵ توغندي توغول شوي؛ خو د توغندیو د دفاعي سیستم له خوا شنډ او خنثی شوي دي.

دغه چارواکي د نوم د نه ښودلو پر شرط څرګنده کړې، چې توغندي د دوشنبې پر سهار د کابل پروخت توغول شوي دي؛ دا روښانه نده، چې ټول توغندي د دفاعي سیستم له خوا شنډ شوي او کنه.

سرچینې ویلي، چې د لومړنيو راپورونو له مخې امریکایانو تر دې دمه ځاني او مالي زیانونه په ګوته کړي ندي؛ خو دا معلومات ممکن بدلون ومومي.

د رویټرز د څرګندونو له مخې؛ امریکایي هوایي ځواک د یکشنبې پر ورځ د کابل د ۱۵ حوزې په اړوند سیمه کې د خپلې څارګرې الوتکې پر مټ یو موټربم له داعشي ځانمرګي بریدګر سره وویشت، چې غوښتل یې پر هوایي ډګر برید وکړي.

دا اندېښنه مخ پر ډېرېدو ده، چې د داعش خراسان ډله به پر کابل هوایي ډګر نور بریدونه هم وکړي؛ ځکه، چې امریکایي سرتېري د اګست تر ۳۱ پورې د پاتې امریکایي وګړیو او تر خطر لاندې افغان همکارانو د ایستلو هڅې ګړندي کړې دي.

امریکایان له تېرو څو ورځو راپدیخوا خبرداری ورکوي، چې داعش جنګیالي غواړي پرهوایي ډګر توغندي وتوغوي؛ خو امریکا  د دغو  توغندیو د خنثی کولو تجربه په عراق کې تر لاسه کړې او د توغندیو دفاعي سیسټمونه یې لګولي دي.

رویټرز راپور ورکړی، چې د امریکا د مرکزي قومندانۍ قومندان مککنزي تېره اوونۍ ویلي: مونږ پوهیږو، چې د داعش خراسان ډله پر کابل هوایي ډګر د توغندیو د توغولو هڅه شوني کول غواړي.

هغه زیاته کړې؛ دمګړۍ یې مونږ پروړاندې خورا ښه او پیاوړی دفاعي سیسټم لرو.

ویل کیږي، چې دغه توغندي د ۱۵ امنیتي حوزې د خیرخانې د لب جر له اړوند سیمې د یوه موټر پر مټ د کابل هوايي ډګر پر لوري توغول شوي، چې د یو شمېر څرګندونو له مخې ځینې یې د استوګنې په کورونو او کوڅو کې لګېدلي؛ خو په کابل هوایي ډګر کې د رادارو سیستم یو توغندی خنثی کړی دی.

تر دې دمه د مرګ و ژوبلې په اړه څه ندي ویل شوي.

تازه خبرونه

له افغانستان سره پولې ته نږدې د تاجکستان دوه سرتېري ووژل شول

د تاجکستان ملي امنیت کمیټه زیاتوي؛ په نښته کې درې وسلوال او د دوی دوه سرتېري وژل شوي دي.

Published

on

د تاجکستان چارواکو ویلي؛ د هېواد سرحدي ساتونکو له هغو وسلوالو سره نښته کړې، چې له افغانستان څخه د تاجکستان ختلان ولایت ته دننه شوي وه.

د تاجکستان ملي امنیت کمیټه زیاتوي؛ په نښته کې درې وسلوال او د دوی دوه سرتېري وژل شوي دي.

د یادې کمیټې د څرګندونو له مخې؛ په دې عملیاتو کې د شپې لید وسایل، وسلې، لاسي بمونه او نور مهمات نیول شوي دي.

دا په تېره میاشت کې د تاجکستان په خاوره کې درېیم برید دی. په دې بریدونو کې چینایي وګړي پر نښه شوي وه.

اسلامي امارت له دې مخکې تاجکستان ته ډاډ ورکړی و، چې د سرحدي امنیتي تدابیرو د ټینګولو او ګډو پلټنو ترسره کولو ته چمتوالی لري.

Continue Reading

تازه خبرونه

ملا برادر په هرات ولایت کې د المونیمي ډبیو د تولیدي شرکت د بنسټ ډبره کېښوده

د ریاست الوزرائ اقتصادي مرستیالۍ د خبرپاڼې له مخې؛ دا په افغانستان کې د المونیمي ډبیو د تولید لومړنی شرکت دی، چې ۱۲۰ میلیون ډالر پانګونه پرې کیږي.

Published

on

د ریاست‌الوزراء اقتصادي مرستیال ملا عبدالغني برادر آخوند نن پنجشنبه( د مرغومي څلورمه ) د هرات ولایت په صنعتي پارک کې د ‌المونیمي ډبیو د یوه تولیدي شرکت د بنسټ ډبره کېښوده.

د ریاست الوزرائ اقتصادي مرستیالۍ د خبرپاڼې له مخې؛ دا په افغانستان کې د المونیمي ډبیو د تولید لومړنی شرکت دی، چې ۱۲۰ میلیون ډالر پانګونه پرې کیږي.

ویل کیږي، چې دغه شرکت په ۱۶ جریبه ځمکه کې جوړېږي او ۱۷۰۰ هېوادوالو ته به کاري فرصتونه رامنځته کړي.

Continue Reading

تازه خبرونه

د امریکا پر ملي ګارډ شکمن ډزې کوونکي ته ممکن د مرګ سزا ورکړ شي

فاکس نیوز راپور ورکړی؛ په کولمبیا کې د امریکا څارنوالۍ اعلان کړی، چې رحمان‌الله لکنوال د ایالتونو تر منځ په سوداګرۍ کې د خطرناک جرم د ترسره کولو پر نیت د وسلې او د غلا شوې وسلې پر لېږدولو هم تورن پېژندل شوی دی.

Published

on

امریکايي سرچینو ویلي: هغه افغان، چې په واشنګټن ډي سي کې د امریکا ملي ګارډ پر دوه غړیو د ډزو پر تور نیول شوی؛ اوس له داسې نویو تورونو سره مخ دی، چې ورته د مرګ سزا هم غوښتل کېدی شي.

فاکس نیوز راپور ورکړی؛ په کولمبیا کې د امریکا څارنوالۍ اعلان کړی، چې رحمان‌الله لکنوال د ایالتونو تر منځ په سوداګرۍ کې د خطرناک جرم د ترسره کولو پر نیت د وسلې او د غلا شوې وسلې پر لېږدولو هم تورن پېژندل شوی دی.

د ملي ګارد یوه غړې ۲۰ کلنه سارا بیکسټروم د نومبر د شپږویشتمې په برید کې ووژل شوه او انډریو وولف سخت ټپي شوی دی.

امریکایي څارنوال جینین پیرو ویلي؛ د لکنوال د دوسیې لېږد به له سترې محکمې څخه فډرالي محکمې ته د بیاکتنې او ارزونې داسې اجازه ورکړي، چې ووایي: آیا نوموړي ته د مجازاتو که د مرګ سزا ورکړ شي.

لکنوال د واشنګټن ډي سي د قانون له مخې د وسلې د لېږدولو، د لومړۍ درجې وژنې، د وژنې پر نیت برید او د وسلو د غلا پر څو جرمونو تورن دی.

د اف‌بي‌ای په یوه څرګندونه کې راغلي: هغه تومانچه، چې په ډزو کې کارول شوی؛ د ۲۰۲۳ کال په می کې د سیاټل ښار له یوه کور څخه غلا او بیا وروسته په واشنګټن ایالت کې لکڼوال ته ورکړ شوې او هغه هلته اضافي مهمات هم پېرودلي وه.

Continue Reading
Advertisement

Trending

Copyright © 2025 Ariana News. All rights reserved!