تازه خبرونه
که پېرودونکي پورونه ورنکړي؛ د وارداتي برښنا پرېکولو شونتیا دېره ده
تازه څرګندونې ښیي، چې برښنا شرکت پر پېرېدونکیو نږدې پېنځه سوه میلیون ډالر پور لري. په داسې حال کې، چې افغانستان د برېښنا له صادروونکیو هېوادونو نږدې دوه شپیته میلیون ډالر پوروړی دی.
له برښنا شرکته د پېرودونکیو پورونو د وارداتي برښنا د پرېکېدو اندېښنې رامنځته کړي دي.
د برښنا شرکت پخواني مشر داوود نورزي ویلي، چې که برښنا شرکت خپل پورونه ورنکړي؛ ښایي په ژمي کې برښنا نه وي.
برښنا شرکت هم تائیدوي، چې د هغو هېوادونو پور پرې شته، چې برښنا ترې واردوي.
برښنا شرکت په افغانستان کې د وارداتي برښنا د پرېکولو د شونتیا په اړه اندېښنو ته په نغوته کې څرګنده کړې، چې تر دا مهاله د برښنا د صادروونکیو لخوا ورته هیڅ راز خبرداری ورکړ شوی ندی.
په برېښنا شرکت کې مسوولینو ویلي، چې که پوروړي پیسې ورنکړي؛ ملکیتونه به یې لیلام شي.
د برښنا شرکت عملیاتي سرپرست صفي الله احمدزی وایي: پر سیاسیونو او پېرېدونکیو یو څه پیسې پاتې دي؛ مونږ د پورونو د تر لاسه کولو لپاره پر یوه میکانیزم کار کوو، چې له بشبړېدو سره به یې له پوروړیو سره قانوني چلند تر سره شي.
د نوموړي د څرګندونو له مخې ډېري پوروړي مو سوداګریز شرکتونه، سیاسی مشران او پخواني حکومتي مسوولین او زورواکي دي، چې اوس له افغانستان څخه وتلي؛ خو ۵۰۰ میلیون دالر پوړوړي دي. که پیسې ترې تر لاسه نشي؛ نو ملکیتونه به یې لیلام شي.
برښنا شرکت له دې مخکې هم د پورونو ټولولو هڅه کړې وه؛ خو ډېري پوروړي د دولت جګپوړي مسوولین او زورواکي وه.
خلک نیوکه کوي، چې عام خلک باید د پخوانیو حکومتي مسوولینو او زورواکانو د پورونو قرباني نشي.
د کابل اوسېدونکی غلام محبي وایي: که زورمندان ول او که هر څه؛ اوس نشته او نه یې د زور وخت دی. اوس هغه وخت رارسېدلی، چې حق حقدار ته وسپارل شي. که کور، موټر او یا بل څه لري باید بیت المال ته وسپارل شي.
کابل ښاریان له نړیوالې ټولنې او یوناما غواړي، چې د برښنا بېلونه پرې کړي او پرېنږدي، چې خلک بې برښنا شي.
زدکړیاله صبحانه وایي: له نړیوالو څخه زمونږ غوښتنه داده، چې له مونږ سره مرسته وکړي او د برښنا پورونه پرې کړی، چې مونږ په رڼا کې خپلې زدکړې وکړو.
عبدالخالق میاخېل له اسلامي امارته غواړي، چې د پوروړیو زورواکانو ملکیتونه وپلوري او خلک دې له برښنا نه بې برخې کوي.
افغانستان هرکال د نږدې درې سوه میلیون ډالرو پر ارزښت له ګاونډ هېوادونو برېښنا پېري. د دې برښنا ستره برخه د مرکزي آسیا له هېوادونو واردیږي. په دې هېوادونو کې تاجکستان هم دی، چې اړیکې یې له اسلامي امارت سره ترینګلې شوي او که دا حالت دوام وکړي؛ شونې ده، چې دا هېواد خپله برښنا بنده کړي.
تازه خبرونه
قطر د افغانستان او نړیوالې ټولنې ترمنځ د اړیکو په پراختیا کې رغنده رول لوبولی – امیرخان متقي
د بهرنیو چارو وزارت د خبرپاڼې له مخې؛ امیر خان متقي دغه څرګندونې نن( سېشنبه د چنګاښ نهمه ) په کابل کې د قطر دولت له سفیر مردف القاشوطي سره په لیدنه کې کړې دي.
د افغانستان اسلامي امارت بهرنیو چارو وزیر امیرخان متقي ویلي؛ قطر د افغانستان او نړیوالې ټولنې ترمنځ د اړیکو د پراختیا په برخه کې رغنده رول لوبولی او خپلې هڅې یې پرلهپسې روانې ساتلې دي.
د بهرنیو چارو وزارت د خبرپاڼې له مخې؛ امیر خان متقي دغه څرګندونې نن( سېشنبه د چنګاښ نهمه ) په کابل کې د قطر دولت له سفیر مردف القاشوطي سره په لیدنه کې کړې دي.
د بهرنیو چارو وزیر د افغانستان او قطر اړیکې مثبتې او مخ پر ودې وبللې او د دواړو هېوادونو ترمنځ یې د همکاریو پر پراختیا ټینګار څرګند کړ.
دغه راز د افغانستان او قطر ترمنځ د دوهاړخیزو اړیکو د پراختیا ترڅنګ د ګډو ګټو اړوند پر یو شمېر سیمهییزو موضوعاتو هم د نظر تبادله شوې ده.
په دې خبرپاڼه کې راغلي؛ د قطر سفیر د خپل هېواد او افغانستان اړیکې تاریخي او ژورې وبللې او څرګندوي، چې قطر د خپل منځګړي بهرني سیاست په چوکاټ کې د افغانستان او نړیوالې ټولنې ترمنځ د رغنده تعامل او اړیکو له پراختیا ملاتړ ته ژمن پاتې دی.
تازه خبرونه
هند د پاکستان وروستي بریدونه وغندل او د افغانستان د حاکمیت پر ملاتړ یې ټینګار وکړ
د یاد وزارت د دوشنبې د ورځې په خبرپاڼه کې راغلي، چې دا اقدام د افغانستان له حاکمیت ښکاره سرغړونه ده او د سیمې د سولې او ثبات پر وړاندې مستقیم ګواښ ګڼل دی.
د هند بهرنیو چارو وزارت پر افغان خاوره د پاکستاني پوځي رژیم هوايي بریدونه غندلي او څرګندوي، چې دغو بریدونو د ښځو او ماشومانو په ګډون یو شمېر ملکي وګړو ته مرګ او ژوبله اړولې ده.
د یاد وزارت د دوشنبې د ورځې په خبرپاڼه کې راغلي، چې دا اقدام د افغانستان له حاکمیت ښکاره سرغړونه ده او د سیمې د سولې او ثبات پر وړاندې مستقیم ګواښ ګڼل دی.
د خبرپاڼې له مخي؛ دغه بریدونه د پاکستان د «بېپروا چلند» دوام ښيي او دا ښیي، چې اسلامآباد هڅه کوي خپلې کورنۍ ناکامۍ په افغانستان کې د تاوتریخوالي له لارې پټې کړي.
د هند بهرنیو چارو وزارت د قربانیانو له کورنیو سره خواخوږي څرګنده کړې؛ ټپیانو ته یې د بېړنۍ روغتیا هیله کړې او یو ځل بیا یې د افغانستان له حاکمیت، خپلواکۍ او ځمکني بشپړتیا څخه پخپل کلک ملاتړ ټینګار څرګند کړی دی.
د یادونې ده، چې د اسلامي امارت د څرګندونو له مخې؛ اوړمه شپه د پاکستاني پوځي رژیم په هوايي بریدونو کې یې د پکتیا، پکتیکا او کونړ ولایتونه ۳۶ ملکي وګړي «شهیدان» او ۱۶۳ نور ټپیان کړي دي.
تازه خبرونه
پاکستان دې د ملګرو ملتونو غوښتنې ته غوږ ونیسي او ډیپلوماسۍ دې غوره کړي
خلیلزاد په ایکسپاڼه کې لیکلي، چې د ملګرو ملتونو سرمنشي له افغانستان او پاکستان غوښتي، چې تاوتریخوالي ته د پای ټکی کېدي او خپل اختلافات د ډیپلوماسۍ له لارې حل کړي.
د افغانستان د سولې لپاره د امریکا پخواني ځانګړي استازي، زلمي خلیلزاد د ملګرو ملتونو د سرمنشي، انټونیو ګوټرش له هغې غوښتنې وروسته، چې د افغانستان او پاکستان ترمنځ یې د تاوتریخوالي د پای ته رسېدا غوښتنه کړې؛ له اسلامآباد وغوښتل، چې ډیپلوماټیکو حللارو ته مخه کړي.
خلیلزاد په ایکسپاڼه کې لیکلي، چې د ملګرو ملتونو سرمنشي له افغانستان او پاکستان غوښتي، چې تاوتریخوالي ته د پای ټکی کېدي او خپل اختلافات د ډیپلوماسۍ له لارې حل کړي.
هغه زیاته کړې؛ افغانستان څو ځله ویلي، چې ډیپلوماټیکه حللاره غوره بولي او د کړکېچ د کمولو لپاره یې څو وړاندیزونه هم کړي دي.
د امریکا پخواني ځانګړي استازي پوښتنه کړې:« آیا په پاکستان کې واکمن جوړښت به د ملګرو ملتونو د سرمنشي غوښتنې ته غوږ ونیسي؟»
خلیلزاد د خپلې څرګندونې په پای کې لیکلي: «هیله لرم همداسې وشي، خو په دې اړه ډېر خوشبین نه یم.»
د خلیلزاد دغه څرګندونې په داسې وخت کې راپورته کیږي، چې د پاکستاني پوځي رژیم له وروستیو بریدونو وروسته ملګرو ملتونو هم د تاوتریخوالي د سمدستي درېدا او د ملکي وګړو د خوندیتوب غوښتنه کړې ده.
قطر د افغانستان او نړیوالې ټولنې ترمنځ د اړیکو په پراختیا کې رغنده رول لوبولی – امیرخان متقي
هند د پاکستان وروستي بریدونه وغندل او د افغانستان د حاکمیت پر ملاتړ یې ټینګار وکړ
پاکستان دې د ملګرو ملتونو غوښتنې ته غوږ ونیسي او ډیپلوماسۍ دې غوره کړي
د کورنیو تولیداتو د ملاتړ لپاره د سابو، مېوو او وچو شېدو پر وارداتو تعرفې لوړې شوې دي – د کرنې وزیر
ګوټرش د پاکستان له هوايي بریدونو وروسته، د ملکـي وګــړو د خـوندیتـوب غـوښتنـه وکــړه
شپږ افغان کرکټلوبغاړي د ۲۰۲۶ سریلانکا غوره لیګ ته غوره شول
افغانستان به په ډیلي کې د ۲۰ اوریزو سیالیو د لړۍ کوربه وي – راپورونه
ټرمپ نتنیاهو ته په ټیلیفوني اړیکه کې د «لېونی» ویل منل
د احمد الشرع او ټرمپ ټیلیفوني خبرې؛ دمشق د امریکا د بندیزونو د پوره لرې کېدا غوښتنه وکړه
ایران روان کال له افغانستان څخه ۴۱۷ میلیون مټرمکعبه اوبه ترلاسه کړي – فارس خبري آژانس
تحول: په افغانستان کې پر ملکي وګړو د پاکستاني پوځیانو هوایي بریدونه
څار: د افغانستان پر درې ولایتونو د پاکستاني پوځي رژیم بریدونه
تحول: د کابل او اسلامآباد تر منځ پر ډیپلوماسۍ ټینګار
څار: د ایران او امریکا ترمنځ د بریدونو بیا پیل
څار: له اروپایي هېوادونو د افغان پناه غوښتونکو د ایستلو بهیر ته اندېښنې
-
International Sports2 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه3 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه3 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
تازه خبرونه2 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
څار3 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
سیمه ییز خبرونه2 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
تازه خبرونه1 day agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
-
لوبی2 days agoافغانستان او ازبکستان په خوست کې دوستانه شلآوریزه لوبه کوي