Connect with us

تازه خبرونه

په کندوز کې د ځانمرګي برید عاملان به پر سزا ورسیږي

خپور شوی

د

(Last Updated On: تله ۱۷, ۱۴۰۰)

د اسلامي امارت ویاند ذبیح الله مجاهد ډاډ څرګند کړی، چې په کندوز کې د ځانمرګي برید د عاملانو نیولو هڅې روانې دي او پر پر سزا به ورسیږي.

 په کندوز کې د پروني ځانمرګي برید د پېښې لیدونکي وایي، چې په دې برید کې له ۱۲۰ ډېر کسان وژل شوي او ۱۵۰ نور ژوبل دي.

د کندوز ښار د لومړۍ ناحیې د سید آباد لوی جومات ټوله کوڅه، اوس په کې د غم ټغر خور دی یوه کورنۍ هم بې داغه نده پاتې شوې. ډېرو د خپلو کورنیوغړي په دې پېښه کې له لاسه ورکړي.

د قربانیانو خپل حسین نومی وایي؛ د جمعې لمانځه پر مهال یوه ځانمرګي بریدګر یې د کورنۍ پېنځه ویشت غړي ترې اخیستي، چې له ۱۳ تر ۳۰ کلونو یې عمرونه لرل.

عبدالحفیظ د سیدآباد کوڅې یو بل اوسېدونکی دی، چې څلور خپلوان یې په دې برید کې له لاسه ورکړي، او دوه نور یې ژوبل دي.

د پېښې لیدونکيی عبدالله وایي، چې ډېر خلک د جمعې لمانځه لپاره جومات ته تللي وه، چې اوس ورک دي او د څو تنو د وجود ټوټي یې په یوه تابوت کې اچولي، چې جنازه یې هم وشوه.

دیني عالمان دا پېښه په کلکه غندي.

د خلکو په وینا، په دې پېښه کې له ۱۲۰ ډېر کسان وژل شوي او له ۱۵۰ ډېر ژوبل شوي.

سیمه ییز مسوولین د خاني زیان په اړه څه نه وایيګ خو څرګندوي، چې د دا راز پېښو د مخنیوي لپاره به هحې وکړي.

د کندوز د ملي امنیت د مشر هارون د څرګندونو له مخې؛ د پېښې څېړنه روانه ده او عاملین به یې سزا وویني.

د دې برید مسوولیت د خراسان داعش ډلې منلی او څرګندوي، چې بریدګر یغوری مسلمان و.

دا د اسلامي امارت په واکمني کې د کابل د عیدګاه له برید وروسته دوه یم خونړی برید دی، چې ګڼې کورنۍ یې د غم پر ټغر کینولې.

تازه خبرونه

د بغلان ولایت د غوري سمنټو تولید زیات شوی

Published

on

(Last Updated On: غویی ۱۰, ۱۴۰۳)

د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.

په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.

د بغلان غوري  سمنټو د  شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ​​۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.

د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.

محمد طاهر وایي: اوس‌مهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.

د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.

د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.

د بغلان ولایت د غوري سمنټو شرکت شاوخوا ۴۰ کاله مخکې  جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت له‌خوا ترسره کیږي.

Continue Reading

تازه خبرونه

څار: د افغانستان په اړه پاکستان او قطر ته د امریکایي ډیپلوماټ سفرونه

Published

on

(Last Updated On: غویی ۹, ۱۴۰۳)

Continue Reading

تازه خبرونه

د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر

Published

on

(Last Updated On: غویی ۹, ۱۴۰۳)

د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمه‌ییزو پروژو په پلي کولو کې ونډه واخلي.

د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.

نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشه‌يي توکي او فساد یې له منځه وړی او خپلواک ملي حاکمیت ټینګ شوی دی.

د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.

ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوس‌مهال په سيمه کې د يوه سوله‌ييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.

د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.

اسلامي امارت په تېرو درې کلونو کې پرله‌پسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.

Continue Reading

Trending

Copyright © 2022 Ariana News. All rights reserved!