Connect with us

تازه خبرونه

د ملګرو ملتونو د بشري مرستو لومړۍ ټولګه کابل ته راورسېده

خپور شوی

د

(Last Updated On: لړم ۱۳, ۱۴۰۰)

د ملګرو ملتونو د ژمنیو مرستو لومړۍ الوتکه په کابل هوايي ډګر کې راکښته شوه.

د کډوالو لپاره د ملګرو ملتونو عالي کمیشنرۍ ټویټ کړی: مونږ بې ځایه شویو او زیانمنونکیو خلکو ته راروان سخت ژمي کې د خوندي او ګرم پاتېکېدو لپاره پخپل وخت مرستې چمتو کوو.

دغې ادارې زیاته کړې؛ تېره ورځ د بې ځایه شویو او زیانمنو افغانانو لپاره د بېړنیو بشري مرستو یوه ۳۳ ټنه ټولګه کابل ته ورسېده.

د کډوالو په چارو کې د ملګرو ملتونو عالي کمېشنرۍ ویاندې شبیا منټو ویلي؛ د دغې ادارې لخوا چارټر شوې الوتکه د سې شنبې پر ورځ د متحده عربي اماراتو له شارجې څخه الوتنه وکړه او پر ځايي وخت د ماسپښین پر ۳:۳۰ کابل ته ورسېده.

ټاکل شوې، چې په روانه اوونۍ کې دوه نورې الوتنې هم دې هېواد ته بشري مرستې ورسوي.

منټو زیاته کړې؛ په افغانستان کې بشري اړتیاوې په چټکۍ مخ پر زیاتېدو دي؛ ځکه، چې هوا د سانيي ګراد ۲۵ درجو ته رسېدلې. ډېري بې ځایه شوې کورنۍ د اړتیا وړ سرپناه نلري. په داسې حال کې، چې یو شمېر په دې وروستیو کې خپلو کورونو ته ستانه شوي؛ خو د ساړه موسم لپاره یې خپل کورونه مناسب نه دي.

جګړو او ناامنیو سږ کال شاوخوا ۳.۵ میلیون افغانان بې ځایه کړي، چې شاوخوا ۷۰۰ زره یې له خپلو کورونو تېښتې ته اړ شوي دي.

ټاکل شوې، چې د کډوالو لپاره د ملګرو ملتونو عالي کمېشنرۍ (یو ان اچ سي آر) د ۵۰۰۰۰۰ خلکو سره مرستې وکړي.

ـــــــ

کمپاین- مرستې ته سترګې پر لاره! د خپلو نغدي مرستو لپاره لاندې اوبپاڼې ته ورشئ: http://www.helpafg.org

آریانا نیوز او آریانا ټلویزیون؛ د بیات بنیاد له نوښته، چې په افغانستان کې اړمنو کورنیو ته د خوراکي توکو د برابرولو لپاره بسپنې راټولوي هر اړخیز ملاتړ کوي.

مونږ د بیات بنیاد د رسمي رسنیز همکار په توګه له تاسې د مرستې غوښتنه کوو، چې وکولی شو په دې سخت وخت کې اړمنو کورنیو ته خواړه چمتو کړو.

تازه خبرونه

شهاب الدین دلاور او ورسره مل پلاوي د مس عینک کان له اړوند سیمو لیدنه وکړه

Published

on

(Last Updated On: غویی ۲۰, ۱۴۰۳)

د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.

لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.

د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.

د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.

دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.

د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.

ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.

Continue Reading

تازه خبرونه

سعودي عربستان ته د افغان حاجیانو د لېږد بهیر پیل شو

Published

on

(Last Updated On: غویی ۲۰, ۱۴۰۳)

د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.

د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.

نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.

دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.

عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.

له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.

ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.

 

Continue Reading

تازه خبرونه

تېر کال پر زړه د سوريو ۷۰۰ ماشومانو درملنه وشو – سره میاشت

Published

on

(Last Updated On: غویی ۲۰, ۱۴۰۳)

د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.

سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.

د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.

هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.

د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.

د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.

په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.

په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.

افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.

Continue Reading

Trending

Copyright © 2022 Ariana News. All rights reserved!