Connect with us

نړۍ

د لویدیځ پاکستان ۵ امنیتي ځواکونه په بېلابېلو بریدونو کې وژل شوي

خپور شوی

د

(Last Updated On: لړم ۲۳, ۱۴۰۰)

د پاکستان امنیتي ځواکونو د شنبې پر ورځ ویلي، چې د افغانستان پولې ته څېرمه د پاکستان په ناکراره لویدیځه سیمه کې له درې بېلابېلو بریدونو لږ تر لږه درې سرتېري او دوه پولیس وژل شوي او شپږ ملکي وګړي ټپیان دي.

رویټرز راپور ورکړی، چې د پاکستان د تربت ضلعې د هوشاب په اړوند سیمه کې له وسلوالو سره په نښته کې دوه سرتېري وژل شوي او درېیم پولیس سرتېری د ځای پر ځای شويو چاودیدونکیو توکو د له منځه وړلو پر مهال چاودنې وژلی دی.

پولیسو ویلي؛ د شنبې پر ورځ له افغانستان سره پولې ته نږدې د پاکستان په شمالي سیمو کې د تحریک طالبان پاکستان (ټي ټي پي) اورپکو پر بریدونو دوه پولیس وژل شوي او د یوې ځوانې نجلۍ په ګډون شپږ ملکي وګړي ټپیان دي. دا په داسې حال کې ده، چې ټي ټي پي له حکومت سره د یوې میاشتې پر اوربند هوکړه کړې ده.

د باجوړ د ضلعې د پوليسو مشر عبدالصمد خان رويټرز خبري آژانس ته ويلي: د سهار پر لس بجو دوه پوليس په يوه بمي چاودنه کې ووژل شول.

بل برید د بلوچستان ایالت مرکز کویټې ښار ته څېرمه شوی، چې په کې یو پولیس او د یوې ځوانې نجلۍ او درې میرمنو په ګډون پېنځه کسان ټپیان شوي دي.

د پولیسو یوه جګپوړي افسر علي رضا ویلي، چاودېدونکي توکي په یوه موټرسایکل کې ځای پر ځای شوي وه، چې په سیمه کې یې د پولیسو ګزمه پر نښه کړه.

د ټي ټي پي یوه ځايي ویاند د دې بریدونو مسوولیت رد کړی او وایي، چې دوی اوربند ته ژمن پاتې دي.

تحریک طالبان پاکستان یا ټي ټي پي کلونه کلونه کیږي، چې په اسلام آباد کې د حکومت د نسکورولو او د سویلي آسیا پر دغه ۲۲۰ میلیوني ملت د شرعي قانون د پلي کولو لپاره مبارزه کوي.

د رویټرز د څرګندونو له مخې په تېرو وختونو کې د سولې هوکړې ته د رسیدو لپاره د اوربند ډېرې ناکامې هڅې شوې دي.

نړۍ

د فلسطین پر رفح ښار اسرائیلي ځواکونو د ځمکنيو بریدونو ګواښ وکړ

Published

on

(Last Updated On: غویی ۶, ۱۴۰۳)

د چارشنبې پر ورځ (د غویی پېنځمه) د غزې د شمالي سیمو بمبارډ څو اوونیزه نسبي چوپتیا پای ته ورسوله او اسرائیلي حکومت اعلان وکړ، چې د رفح پر اړوند سیمه به پراخ ځمکنی برید ترسره کړي.

د اسرائیلو د لومړي وزیر بنیامین نتانیاهو یوه ویاند ویلي؛ اسرائیل په رفح کې د ځمکنیو عملیاتو لپاره د خپل پلان د پلي کولو پړاوونه وهي، خو د برید ټڼاکلی مهالوېش یې وړاندې نکړ.

د امريکا په ګډون لویديځو هېوادونو، چې د اسرائيلو تر ټولو نږدې متحدین دي له دغه هېواده پر رفح، چې د غزې له نيمايي د ډېرو وګړيو دوه ميليون او درې سوه زره خلکوته یې پناه ورګړې؛ له بريده ډډه وکړي.

د سپینې ماڼۍ د ملي امنیت سلاکار جیک سالیوان ویلي، واشنګټن اوس هم د رفح په اړه له اسرائیلو سره پر خبرو بوخت دی او تمه ده، چې د دواړو هېوادونو چارواکي به ډېر ژر پر دې موضوع یو ځل بیا مخامخ خبرې وکړي.

د اسرائیلو یوه لوپوړي دفاعي چارواکي د نوم نه ښودلو پر شرط رویټرز خبري آژانس ته ویلي، چې اسرائیل د رفح له حملې مخکې د ملکي وګړو د ایستلو لپاره چمتووالی نیولی دی.

هغه زیاته کړې: یوازې یو شی پاتې دی، چې نتانیاهو د برید امر وکړي.

د غزې په تړانګه کې، چې د حماس تر کنټرول لاندې ده؛ د روغتیايي چارواکو ویلي؛ تر اوسه په دې جګړه کې، چې اوومه میاشت یې روانه ده له ۳۴ زرو ډېر فلسطینیان وژل شوي دي.

د غزې روغتیا وزارت هم ویلي، چې د تېرو ۲۴ ساعتونو په بریدونو کې لږ تر لږه ۷۹ فلسطینیان وژل شوي او ۸۶ نور دي.

Continue Reading

نړۍ

د مالیزیا بحري ځواکونو د چورلکو په ټکر کې ۱۰ کسان مړه شول

Published

on

(Last Updated On: غویی ۴, ۱۴۰۳)

د مالزیا بحري ځواکونو د خبرپاڼې له مخې؛ د سې شنبې پر ورځ ( د غویی څلورمه ) د مالیزیا د بحري ځواکونو دوه چورلکې د روزنیزو هڅو پر مهال په هوا کې ټکر شوي، چې په کې سپاره ټول ۱۰ کارکوونکي مړه شوي دي.

د دغه هېواد بحري ځواکونو ویلي؛ پېښه د سې شنبې پر سهار ۹:۳۲ د لویدیځ ایالت پراک د لوموت په بحري اډه کې رامنځته شوې ده.

رویټرز د مالیزیا د بحري ځواکونو د څرګندونو له مخې راپور ورکړی، چې ټول زیانمن کسان د پېښې په ځای کې مړه شوي او د لوموت بحري اډې پوځي روغتون ته د پېژندلو لپاره لېږدول شوي دي.

په سیمه ییزو رسنیو کې خپره شوې ویډیو ښیي؛ ښکاري، چې څو چورلکې په هوا کې الوتنې کوي. مخکې له دې، چې دواړه چورلکې ځمکې ته راکښته شي؛ د چورلکې روټور بله هغه پرې کړه.

سیمه‌ییزو پولیسو تائید کړې، چې ویډیو رښتینې ده.

رویټرز راپور ورکړی، چې سمندري ځواکونو ویلي؛ دوی به د پېښې د علت په اړه څېړنې کړې دي.

د مالیزیا دفاع وزیر محمد خالد نوردین ویلي؛ دا چورلکې یوه بحري عملیاتو او یوه فینیک پوځي چورلکې دي، چې د مالیزیا د شاهي بحري ځواکونو د نوي‌یمې کلیزې د لمانځلو لپاره یې روزنیزې هڅې کولې، چې ټاکل شوې د شنبې پر ورځ ترسره شي.

محمد خالد خبریالانو ته ویلي؛ د چورلکو مړه شویو کارکوونکیو د پېژندنې د تائید لپاره هڅې روانې دي، چې عمرونه یې له ۴۰ کلونو ټيت ول.

Continue Reading

نړۍ

د جاپان دوه پوځي چورلکې بحر ته وغورځېدې

Published

on

(Last Updated On: غویی ۲, ۱۴۰۳)

د جاپان دفاع وزیر څرګنده کړی، چې د دې هېواد د بحري ځواکونو دوه چورلکې د روزنیزو هڅو پر مهال په بحر کې لوېدلي او د ۸ سپرو کارکوونکیو څخه یې لږ تر لږه یو کس مړ شوی دی.

رویټرز راپور ورکړ، چې د شنبې پر شپه د جاپان توریشیما ته نږدې سویلي ساحل ته څیرمه په لرې پرتو ایزو ټاپوګانو کې د جاپان دوه اس اچ – ۶۰ ډوله چورلکې، چې اوبتل ضد جنګي روزنیزې هڅې یې تر سره کولې؛ راوغورځېدې.

د جاپان دفاع وزیر مینورو کیهارا د یکشنبې پر ورځ ( د غویی دوه‌یمه ) په یوه خبري کنفرانس کې وویل، چې د الوتکې د غورځیدو د علت په اړه یې څېړنې پیل کړي دي.

 هغه زیاته کړې؛ د الوتنې دوه ریکارډرونه یو بل ته نږدې موندل شوي، چې د دواړو چورلکو ترمنځ د ټکر شونتیاوې ډېره ده.

د جاپان ذاتي دفاع ځواک او ساحل ساتونکي د چورلکو د پاتې اووه کارکوونکیو په لټه کې دي.

د شنبې پر ورځ د جاپان د ذاتي دفاع ځواکونو لوی درستیز یوشیتاکا ساکای ویلي؛ هغه باور نلري، چې بل کوم هېواد په دې پېښه کې لاس ولري.

په جاپان کې د امریکا سفیر رام امانویل په ایکس پاڼه کې لیکلي؛ هېواد یې چمتو دی، چې د لټون او ژغورنې په عملیاتو کې مرسته وکړي.

 

Continue Reading

Trending

Copyright © 2022 Ariana News. All rights reserved!