تازه خبرونه
ناروې له اړمنو افغانانو سره د نغدي مرستو غوښتنه وکړه
ناروې د سې شنبې پر ورځ (د لړم ۲۵) د نړۍ له هېوادونو وغوښتل، چې اړمنو افغانانو ته د نغدو پیسو په ورکولو کې له ملګرو ملتونو سره مرسته وکړي.
دغه هېواد ویلي؛ دغه نغدې پیسې به نېغ په نېغه پر اړمنو افغانانو ووېشل شي، چې په ژمي کې مړه نشي.
د ناروې بهرنیو چارو وزیرې هنیکن هیوتفیلډ رویټرز ته ویلي، چې هېواد یې د افغانستان لپاره د ملګرو ملتونو له بودیجې سره د ۲۳ میلیون ډالرو مرستې ژمنه کړې ده.
هغې زیاته کړې: مونږ له نورو هېوادونو څخه هم غواړو، چې د جدي بشري ناورین او شونې قحطۍ د مخنیوي او افغانانو سره د مرستې لپاره ګډ کار وکړي.
په افغانستان کې له ناوړه اقتصادي وضعیت له رامنځته کېدو وروسته ملګرو ملتونو تېره میاشت د مرستي صندوق جوړ کړ، چې په مستقیمه توګه اړمنو کورنیو ته مرستې ورسوي.
ټاکل شوې، چې نن د ملګرو ملتونو امنیت شورا غونډه وکړي او د افغانستان په اړه به دې موضوع ته هم پاملرنه راواړول شي.
ملګري ملتونه وايي؛ په افغانستان کې د هغو کسانو شمېر، چې په نږدې راتلونکي کې د قحطۍ په حالت کې ژوند کوي اته اعشاریه اووه میلیون کسانو ته رسېدلی. دغه شمېر د روان کال د پیل په پرتله درې میلیون ډېر شوی دی.
د خوړو نړیوال پروګرام اټکل کوي، چې شاوخوا ۲۴ میلیون وګړي یا د افغانستان ۶۰ سلنه نفوس له لوږې سره مخ دي.
د روغتیا نړیوال سازمان خبرداری ورکړی، چې د روان کال تر پایه به د افغانستان ۹۷ سلنه وګړي د فقر تر کرښې لاندې وي.
د روغتیا نړیوال سازمان اټکل کوي، چې د روان کال تر پایه به په افغانستان کې شاوخوا درې اعشاریه دوه میلیون ماشومان، چې عمرونه یې له پېنځه کلونو لږ وي؛ له خوارځواکۍ سره مخ شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه