تازه خبرونه
د بې حجابه ښځو پلرونو ته به سزا ورکړ شي ـ اسلامي امارت
د افغانستان اسلامي امارت د نهی عن المنکر وزارت ویلي؛ د هغو ښځو ورور او پلار ته، چې خویندې او لوڼې یې اسلامي حجاب نه مراعتوي سزا ورکړ شي.
یاد وزارت نن په یوه رابلل شوې غونډه کې د اسلامي حجاب په نوم نوې لارښود په ډاګه کړ، چې له مخې یې ښځې پر مخ پټولو مکلفې شوې دي.
دغه فرمان په کابل کې يوې رابلل شوې غونډې ته ولوستل شو.
په فرمان کې راغلي: که بدن په هر ډول جامو پوښل شوی وي، حجاب ګڼل کېږي؛ خو باید دومره نرۍ نه وي، چې بدن یې ترې ښکاره شي او نه باید دومره تنګې وي، چې د بدن غړي یې راوباسي.
د فرمان له مخې که ښځه له کوره بهر خپل مخ پټ نکړي، پلار او یا تر ټولو نږدې نرینه خپلوان یې زنداني او یا له دولتي دندو ګوښه کېدای شي.
د کورنیو چارو وزارت په دې اړه ویلي، چې که کومه ښځه حجاب ونکړي؛ لومړی به ورته نصیحت او خبرداری ورکړ شي، دوه یم ځل احضارېږي، درېیم ځل درې ورځې بند او څلورم ځل باید محکمې ته حاضر شي.
په دې حکم کې دا هم راغلي: هغه ښځې، چې په دولتي ادارو کې کار کوي او حجاب نه مراعاتوي له دندې به ګوښه شي.
که د حکومتي مامورینو او منسوبینو میرمنې او لوڼې حجاب ته پام نکوي؛ د پلرونو او ورونو دندې به یې وځنډیږي.
په دې حکم کې راغلي، چې چادري په هېواد کې له پېړیو را پدیخوا د افغان باعزته فرهنګ برخه ده او د شرعي حجاب بهترین ډول دي. دغه راز تور رنګه مروجه جامه هم حجاب بلل شوی؛ خو پدې شرط، چې تنګ او چسپ نه وي.
په فرمان کې ویل شوي، چې زړې ښځې او ځوانې نجونې مستثنی دي؛ خو دا یې هم ویلي، چې که ښځې له کوره بهر کوم مهم کار ونلري غوره ده، چې په کور کې پاتې شي.
اسلامي امارت له دې مخکې هم په ښوونځیو او پوهنتونونو کې پر ښځو او نجونو ورته بندیزونه لګولي، چی وروسته بیا د هلکانو او نجونو درسي ورځی بېلې شوې.
دغه راز ویل شوي وه؛ هغه ښځې، چې د سفر پرمهال یی مخ نه وی پټ کړی موټرچلوونکی یی باید له وړلو ډډه وکړي.
امرباالمعروف وزارت، ستره محکمه، د استخباراتو عمومي ریاست؛ د کورنیو چارو وزارت او نور اړوند بنسټونه موظف شوي، چې دغه حکم تطبیق کړي.
د یادونې ده، چې اسلامي امارت له نهه مياشتو واکمنۍ وروسته بالاخره روښانه کړه، چې ښځې له کوره بهر د زدکړو، ګرځيدو او دندو پر وخت باید څه واغوندې او څنګه حجاب وکړي.
تازه خبرونه
په هرات کې د سمنټو کارخونې د جوړولو چارې پیل شوې
د کانونو او پټرولیم وزارت ویاند همایون افغان ويلي، د دې پروژې تړون له یوه کورني شرکت سره لاسلیک شو او ټاکل شوې، چې د دې کارخونې د جوړولو چارې په راتلونکو دوه کلونو کې بشپړې او وروسته د سمنټو د ډبرې استخراج او د سمنټو تولید پیل شي.
نن په هرات ولایت کې د اسلامي امارت د یو شمېر لوړپوړیو چارواکو په شتون کې د سمنټو د یوې لویې کارخونې د جوړولو چارې پیل شوې.
د کانونو او پټرولیم وزارت ویاند همایون افغان ويلي، د دې پروژې تړون له یوه کورني شرکت سره لاسلیک شو او ټاکل شوې، چې د دې کارخونې د جوړولو چارې په راتلونکو دوه کلونو کې بشپړې او وروسته د سمنټو د ډبرې استخراج او د سمنټو تولید پیل شي.
د نوموړي د څرګندونو له مخې؛ قراردادي شرکت د دې پروژې د پلي کولو لپاره ۱۴۳ میلیون ډالره پانګونه کوي او د فعالیت له پیل وروسته به د کارخونې د تولید ورځنۍ وړتیا شاوخوا درې زره ټنو ته ورسېږي.
مسوولانو ويلي، د دې پروژې له فعالیت سره به شاوخوا پېنځه زره کسانو ته د کار زمینه برابره شي.
د پروژې د چارو د پیل په مراسمو کې د ریاستالوزراء اقتصادي او اداري مرستیالانو او د اسلامي امارت د کابینې یو شمېر وزیرانو هم ګډون کړی و.
د هرات د سمنټو پروژه د هېواد له لویو صنعتي پروژو څخه ګڼل کېږي، چې د دې ولایت خلک له کلونو راپدېخوا د هغې د استخراج او سمنټو د تولید د پیل پر تمه ول.
ویل کیږي، چې دا پروژه د هرات ښار لویدیځ ته شاوخوا ۳۰ کیلومټرۍ واټن کې د زندهجان ولسوالۍ په مربوطاتو کې موقعیت لري.
تازه خبرونه
په بلوڅستان کې د پاکستان ملاتړې ډلې له افغان پخوانیو امنیتي ځواکونو ګټه اخلي – راپور
دغه راپور، چې د اګست پر شپږمه خپور شوی؛ ادعا کوي، چې په بلوچستان کې «لشکر» نومې ډلې د پاکستان د امنیتي ادارو پر ملاتړ فعالیت کوي او د دغه هېواد له پوځ، سرحدي ځواکونو او استخباراتي ادارو سره یوځای په امنیتي او د پاڅونونو ضد عملیاتو کې ونډه لري.
د «پارسیا نیوز» د یوه څېړنیز راپور له مخې، د پاکستان امنیتي ادارې په بلوڅستان کې د حکومت د ملاتړ وړ وسلهوالې ډلې د خپلو امنیتي موخو د پرمخ وړلو او د بلوڅ وسلهوالو مخالفانو پر وړاندې د مبارزې لپاره کاروي او د افغانستان د پخوانیو امنیتي ځواکونو یو شمېر غړي هم په دغو ډلو کې جذب شوي دي.
دغه راپور، چې د اګست پر شپږمه خپور شوی؛ ادعا کوي، چې په بلوڅستان کې «لشکر» نومې ډلې د پاکستان د امنیتي ادارو پر ملاتړ فعالیت کوي او د دغه هېواد له پوځ، سرحدي ځواکونو او استخباراتي ادارو سره یوځای په امنیتي او د پاڅونونو ضد عملیاتو کې ونډه لري.
د دې څېړنې له مخې: دغه ډلې د نیابتي ځواکونو پر بڼه فعالیت کوي او پاکستان ته اجازه ورکوي؛ د امنیتي عملیاتو او پاڅونونو پر وړاندې د مبارزې یوه برخه د هغو وسلهوالو ډلو له لارې ترسره کړي، چې په رسمي ډول د دولت د جوړښت برخه نهدي.
«پارسیا نیوز» ادعا کړې: د افغانستان د پخوانیو امنیتي ځواکونو یو شمېر غړي، چې په ۲۰۲۱ز. کال کې د جمهوري حکومت له سقوط وروسته له افغانستان څخه ووتل؛ هم له دغو ډلو سره یوځای شوي دي.
د راپور له مخې، دغه کسان د پوځي روزنې، جګړهییزې تجربې او په سرحدي عملیاتو کې د بلدتیا له کبله د دغو شبکو لپاره ارزښتناک ځواک بلل کېږي.
په راپور کې راغلي، چې د افغان پخوانیو امنیتي ځواکونو کارول کولی شي د پاکستان ملاتړ وړ وسلهوالو ډلو ته دا زمینه برابره کړي، چې د دغه هېواد د امنیتي ځواکونو د شمېر له رسمي زیاتولو پرته، په خپلو عملیاتو کې له تجربهلرونکو کسانو ګټه واخلي.
دغه رسنۍ همدارنګه ادعا کړې، چې د پخوانیو افغان امنیتي ځواکونو د یوځای کېدا اصلي لامل مالي اړتیا او د ژوند د دوام لپاره د یوې لارې موندل دي؛ ځکه، چې دغه کسان د افغانستان پر وړاندې په جګړه کې له ګډون سره لېوالتیا نهلري.
تازه خبرونه
اووه خصوصي پوهنتونونه د یوه کال لپاره ځنډېدلي؛ د دوه نورو جوازونه لغوه شول
دغه وزارت ویلي، چې دا پرېکړه د ۱۴۰۵لمریز لېږدیز کال د پسرلني سمسټر پر مهال په ټول هېواد کې د خصوصي پوهنتونونو له ارزونې او څېړنې وروسته شوې ده.
د افغانستان د لوړو زدهکړو وزارت د سرغړونو او اداري نیمګړتیاوو له کبله د اووه خصوصي پوهنتونونو فعالیتونه د یوه کال لپاره وځنډول او د دوه نورو پوهنتونونو د فعالیت جوازونه یې لغوه کړل.
دغه وزارت ویلي، چې دا پرېکړه د ۱۴۰۵لمریز لېږدیز کال د پسرلني سمسټر پر مهال په ټول هېواد کې د خصوصي پوهنتونونو له ارزونې او څېړنې وروسته شوې ده.
د دې وزارت د څرګندونو له مخې، په نهه خصوصي پوهنتونونو کې له څو ځله خبرداریو او د ستونزو د اواري له سپارښتنو سره – سره ستونزې موندل شوې دي.
یاد وزارت ویلي، د رهبرۍ شورا له لوري ټاکل شوې کمیټې د دغو پوهنتونونو فعالیتونه بیا ارزولي او د فعالیتونو د ځنډولو او جوازونو د لغوه کولو سپارښتنه یې کړې، چې وروسته د شورا لهخوا تصویب شوې ده.
هغه اووه پوهنتونونه، چې فعالیتونه یې د یوه کال لپاره ځنډول شوي؛ په جوزجان کې برلاس، په بلخ کې راه سعادت او ترکستان، په بدخشان کې ازهر او برنا، په فاریاب کې رشاد او په کابل کې پیام پوهنتونونه دي.
د کندوز کهندوز او د تخار خانه دانش پوهنتونونو د فعالیت جوازونه هم لغوه شوي دي.
دغه راز د دغو پرېکړو لپاره د بېلابېلو سرغړونو یادونه شوې، چې په کې د مناسبو علمي او اداري مسوولینو، لکه د پوهنتون د رییس، علمي مرستیال، د محصلانو چارو مرستیال او د پوهنځیو د رییسانو نشتوالی شامل دي.
دې وزارت همدارنګه ویلي، چې په ځینو پوهنتونونو کې«خیالي محصلان» شامل ول، چې په نوملړونو کې د شامل محصلانو او په ټولګیو کې د حاضرېدونکو په توګه ثبت شوي وه؛ خو ټولګیو ته نه حاضرېدل.
له نورو سرغړونو څخه د سمسټر په لومړیو ۱۰ اوونیو کې د ټولګیو د حاضریو د ثبت نشتوالی او هغو محصلانو ته د وروستیو آزموینو اجازه ورکول شامل دي، چې د کمې حاضرۍ له کبله یې زدهکړو ته د دوام اجازه نهدرلوده.
د وزارت د څرګندونو له مخې، دغو زدهکړیالانو(محصلانو) ته نمرې ورکړ شوي او لوړو سمسټرونو ته د تګ اجازه هم ورکړ شوې ده.
وزارت دا هم ویلي، ځینې پوهنتونونه د عملي زدهکړو لپاره اړین لابراتوارونه، وسایل او توکي هم نهلري او هغه درسي نصاب نه تدریسوي، چې وزارت تصویب کړی دی.
په طبي پوهنځیو کې، چې د زدهکړو ډېره برخه یې باید په روغتونونو کې عملي شي، پلټونکو د خپلو لیدنو پر مهال په روغتونونو کې هیڅ زدهکړیال نهدی موندلی.
وزارت همدارنګه ادعا کړې، چې د هغو دوه پوهنتونونو د حاضریو په پاڼو کې لاسوهنه شوې، چې جوازونه یې لغوه شوي دي. دغه راز ځینې زدهکړیالان، چې د ټول سمسټر په اوږدو کې ټولګیو ته حاضر شوي نهول؛ د حاضریو په بدلو شویو پاڼو کې حاضر ثبت شوي وه.
په هرات کې د سمنټو کارخونې د جوړولو چارې پیل شوې
په بلوڅستان کې د پاکستان ملاتړې ډلې له افغان پخوانیو امنیتي ځواکونو ګټه اخلي – راپور
افغانستان ۲۰۲۷ کرکټ نړیوال جام ته لار وموندله
د ترکیې، پاکستان او سعودي عربستان دفاعي تړون د ناټو پېنځمې مادې ته ورته دی -هاکان فیدان
اووه خصوصي پوهنتونونه د یوه کال لپاره ځنډېدلي؛ د دوه نورو جوازونه لغوه شول
هند افغان ځوانانو ته زر آنلاین تحصیلي بورسونه ځانګړي کړي
د ایران د سویل په تازه بریدونو کې له ۳۰ ډېر ملکي وګړي ووژل شول
د افغانستان د غېږنیونې غوره لیګ لومړي پړاو ته اووه ورځې پاتې دي
تحول: د ایران او امریکا ترمنځ بیاځلي کړکېچ
ټرمپ کانګرس ته د ایران پر ضد د پوځي عملیاتو د بیا پیل خبر ورکړ
تحول: د ایران د جګړې پر سر د اختلافونو زیاتېدا
څار: د ترکیې، سعودي عربستان او پاکستان دفاعي تړون
تحول: د چابهار بندر لپاره د امریکا د بندیزونو د معافیت پای ته رسېدل
څار: د داعش خراسان د ګواښ په اړه د امریکا خبرداری
تحول: په نړیوال سیاست کې د کوچنیو دولتونو کم غوراوي
-
تازه خبرونه4 days agoد افغانستان او ایرلینډ لومړۍ یوورځنۍ لوبه د باران له کبله لغوه شوه
-
سیمه ییز خبرونه2 days agoپه پاکستان کې د مالونو د سراسري لېږد درېدا؛ موټرچلوونکي اعتصاب کوي
-
ساینس او ټیکنالوژي4 days agoساینسپوهانو د لمر تر ټولو روښانه انځور ثبت کړ
-
سیمه ییز خبرونه4 days agoکه امریکا بیا برید وکړي، د خلیج د انرژۍ تاسیسات به تر برید لاندې راشي – ایران
-
لوبی5 days agoد افغانستان کرکټ ملي لوبډله له ایرلینډ سره د بریالي پیل په لټه کې ده
-
سیمه ییز خبرونه5 days agoد امریکا او ایران د جګړې د پای ته رسولو په هڅو کې پرمختګ شوی
-
تازه خبرونه3 days agoامریکا په افغانستان کې د داعش خراسان له ګواښه خبرداری ورکړ
-
څار3 days agoڅار: د داعش خراسان د ګواښ په اړه د امریکا خبرداری