تازه خبرونه
په تېرو ۹ میاشتو کې څه باندې ۷۰۰ زره افغان کډوال له ایرانه ایستل شوي
د کډوالو او راستنیدونکیو چارو وزارت د کډوالو او راستنیدونکیو د ستونزو د څېړلو لپاره هرات ته رسېدلی دی.
د کډوالو او راستنیدونکیو چارو وزارت چارسمبالي محمد ارسلا خروټي نن یوې خبري غونډې ته وویل، چې په تېرو ۹ میاشتو کې څه باندې ۷۰۰ زره افغان کډوال له ایران څخه راستانه شوي، چې ډېري یې پر زوره ایستل شوي دي.
د دغه وزارت مرستیال ټینګار کړی، چې په ایران کې له افغان کډوالو سره د ناوړه چلند موضوع څو ځله د ایران له حکومت سره یاده شوې ده.
د مهاجرینو او راستنیدونکیو چارو مرستیال محمد ارسلا خروټی وایي: مونږ د ایران له حکومت سره هم اړیکه ونیوله او د بهرنیو چارو وزارت د ایران سفیر احضار کړ او خپله نارضايتي مو ورته څرګنده کړه. هغه کسان، چې له افغانانو سره پر ناوړه چلند تورن دي، باید محاکمه شي او مجرمین باید مجازات شي.
په دې خبري غونډه کې د امريکا يوې خيريه موسسې هم د کډوالو چارو رياست ته د جامو يوه ستره مرسته وسپارله، چې په پام کې ده د دغو جامو ډېره برخه په ډېرو ولايتونو کې پر اړمنو خلکو ووېشل شي.
د خيريه بنسټ د همغږۍ مسوول فرهاد ساپي ويلي: دوى زيانمن او اړين دي.
نوموړي زیاته کړې، چې دغه لېږد شاوخوا پېنځه میلیون ډالر ارزښت لري؛ نو اړتیا ده، چې د هېواد په ډېرو ولایتونو کې پر ټولو اړمنو کسانو ووېشل شي.
د کډوالو او راستنیدونکیو چارو مرستیال محمد ارسلا خروټي ویلي: مونږ تاسې ته ډاډ درکوو، چې مرسته شوې شتمنۍ به په پوره شفافیت سره مستحقو او اړمنو کسانو ته ورسوو.
دا مرستې په داسې حال کې تر سره کېږي، چې په دې وروستیو کې له ایران څخه د افغانانو د ویستلو لړۍ چټکه شوې او چارواکي وايي، هره ورځ د اسلام کلا له پولې له ۳۰۰۰ ډېر افغانان هرات ته رادننه کیږي.
تازه خبرونه
امارت اسلامی از توقف تجارت ترکیه با اسرائیل استقبال کرد
امیرخان متقی، سرپرست وزارت امور خارجه از اقدام ترکیه برای توقف تجارت با اسرائیل به دلیل حملاتش در غزه استقبال کرده است.
طبق اعلامیه وزارت امور خارجه که امروز یکشنبه (۱۶ ثور) منتشر شد، آقای متقی در دیدار با جنک اونال، شارژدافیر سفارت ترکیه در کابل، از اقدام اخیر انقره دربرابر اسرائیل قدردانی کرد.
در این دیدار همچنین در مورد روابط دوجانبه، تحولات مثبت اخیر در افغانستان، سفر هیأتهای سیاسی و اقتصادی کشورها به افغانستان بحث شد.
سرپرست وزارت امور خارجه همچنان در مورد آغاز تجارت افغانستان با ترکیه از طریق مسیر لاجورد و افتتاح نمایشگاههای مشترک در این دو کشور گفتگو کرد.
بر اساس اعلامیه وزارت امور خارجه، شارژدافیر سفارت ترکیه در کابل گفت که کشورش از تحولات اخیر در افغانستان خرسند است و باید برای گسترش بیشتر روابط ترکیه و افغانستان تلاشهای مشترک صورت گیرد.
وی افزود که طی چند روز آینده خطوط هوایی ترکیش پروازهای خود را به کابل آغاز خواهد کرد.
تازه خبرونه
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
د اسلامي امارت ویاند ذبیح الله مجاهد د بدخشان د اوسیدونکیو د اعتراضونو د څېړلو لپاره د پوځ د ستر درستیز فصیح الدین فطرت پر مشرۍ د یوه پلاوی له ټاکل خبر ورګړی دی.
نوموړي په یوه خبرپاڼه کې ویلي؛ د اسلامي امارت د رهبر د فرمان له مخې په ټول هېواد کې د کوکنارو د کښت د له منځه وړلو بهیر پيل شوی، خو تېره ورځ په بدخشان کې ځینو سرغړوونکیو پر امنيتي ځواکونو د برید هڅه کړې، چې په پایله کې یې خواشينوونکې پېښې را منځته شوې دي.
د اسلامي امارت ویاند ذبیح الله مجاهد ټینګار کړی، چې هیڅ سیمه د کوکنارو له کښت څخه مستثنی نده.
د اسلامي امارت په خبرپاڼه کې راغلي: د ریاست الوزرا له لوري د ملي دفاع وزارت د ستر درستيز قاري صاحب فصيح الدين فطرت پر مشرۍ يو پلاوی ټاکل شوی، چې په جوړښت کې یې له فرامینو او حکمونو څخه د څارنې لوی ریيس شمس الدين شریعتي، د کورنیو چارو وزارت د مخدره توګو پر وړاندې د مبارزې مرستیال عبدالحق، د استخباراتو عمومي ریاست مرستیال رحمت الله نجيب او د بدخشان د عالمانو شورا ریيس مولوي عبدالمومن برخه لري.
د کورنیو چارو وزارت تائیدوي، چې په دې ولسوالۍ کې د کوکنارو کروندو د له منځه وړلو له ځواکونو سره په نښته کې یو تن سیمهییز وګړی وژل شوی دی.
ویل کیږي، چې د بدخشان په درایم ولسوالۍ کې له تېرو څو ورځو راپدیخوا د اسلامي امارت پر ضد اعتراضونه شوي دي.
تازه خبرونه
په سمنګان ولايت کې د يوې ترافيکي پېښې له کبله ۲۹ کسانو ته مرګ او ژوبله اوښتې
د سمنګان ولایت د امنيه قومندانۍ مطبوعاتي دفتر ويلي؛ د دغه ولايت په دره صوف ولسوالۍ کې د يوې ترافيکي پېښې له کبله ۵ کسان مړه شوي او ٢٤ نور ټپيان دي.
د سمنګان امنيه قومندانۍ زياته کړې؛ دا پېښه نن – پنجشنبه د غویی دیارلسمه) له غرمې مخکې يوولس بجې هغه مهال رامنځته شوه، چې یو اینو ډوله موټر د بلخ او دره صوف ولسوالۍ ترمنځ له سرک واوښت.
د دغې سرچنې د څرګندونو له مخې؛ ټپيان د دره صوف ولسوالۍ روغتون ته لېږدول شوي.
دغه راز څرګندوي؛ د درې ټپیانو روغتيايي حالت د اندېښنې وړ دى، چې د بلخ حوزوي روغتون ته لېږدول شوي دي.
د دغې پېښې لامل د موټر تخنیکي ستونزې یادې شوې دي.
-
سیمه ییز خبرونه4 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی4 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
لوبی5 days ago
خراسان فاریاب میوند لوبډلې ته ۳ـ۱ ماته ورکړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
څار5 days ago
څار: د افغانستان او چین د اړیکو ارزونه