تازه خبرونه
په کابل کې د دولسم ټولګيو د زدهکوونکیو ترمنځ د دیني مضمونونو سیالي ترسره شوه
د اسلامي امارت د پوهنې وزارت مسوولينو د افغان بېسيم مخابراتي شرکت پر همکارۍ د کابل ښار د خصوصي او دولتي ښوونځيو د څه د پاسه ٢٠٠ تکړه زدهکوونکیو ترمنځ د دیني مضمونونو سیالي ترسره کړه.
دغه سیالي د چارشنبې پر ورځ ( د غبرګولي څلیریشتمه ) د ټول کابل د دولتي اوخصوصي ښوونځیو د ۲۰۰ تکړه زدهکوونکیو ترمنځ پیل شوه.
د پوهنې وزارت مرستیال عبدالخالق صادق وايي؛ د ځوانو استعدادونو وده یوازې د دولت مسوولیت نه دی، کورنۍ او خلک هم باید په دې برخه کې رول ولوبوي.
عبدالخالق صادق له نورو سوداګرو او ملي پانګوالو هم غوښتي، چې د پوهنې په برخه کې جدي همکاري وکړي.
نوموړي د افغان بېسیم مخابراتي شرکت له مسوولینو مننه وکړه او د هېواد له سوداګرو او پانګوالو یې هم د همکارۍ غوښتنه وکړه.
د افغان بېسیم مخابراتي شرکت د مرکزي زون رییس سلیمان خرم ویلي؛ دې شرکت په تېرو دوه لسيزو کې له دولتي بنسټونو سره په بېلابېلو برخو کې همکاري کړې او په ټول هېواد کې يې د پوهنې په برخه کې ډېر پروګرامونه پلي کړي او د پوهنې له سکتور سره به خپلې همکارۍ روانې وساتي.
د ديني مضمونونو د سياليو يو شمېر ګډونوالو د نورو مضمونونو په برخه کې هم د دا ډول پروګرامونو د ترسره کېدو غوښتنه وکړه.
د پلازمېنې د زدهکوونکیو لپاره د ديني مضمونونو سيالي په داسې حال کې ترسره کېږي، چې له شپږم ټولګي پورته د منځنیو او لیسو د نجونو ښوونځي زدهکړې ځنډول شوې.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
تازه خبرونه
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
د اسلامي همکاريو ټولنې د دې ټولنې له غړیو هېوادونو، نورې نړۍ او مرستندويه ټولنو غوښتي، چې په افغانستان کې له سیلاب ځپلیو سره بېړنۍ مرستې وکړي.
د اسلامي همکاریو ټولنې تېره شپه ( د غویی درویشتمه ) څرګنده کړې، چې د سیلابونو غمجنو پایلو د مخنیوي لپاره باید اسلامي ټولنې او له هغې بهر د خطر زنګ ووهل شي.
دغې ټولنې ویلي، چې د بېړني حالت په توګه په خپلو ټولو غړیو هېوادونو او د نړۍ له نورو هېوادونو او همدا راز له مرستندویه بنسټونو غواړي، چې د افغانستان له سیلاب ځپلیو خلکو سره ژر تر ژره د ژغورنې مرستې وکړي.
د اسلامي همکاریو ټولنې ویلي، چې د زیانمنونکیو کورنیو او ماشومانو مخ پر زیاتېدونکی شمېر به په راتلونکیو ورځو او اوونیو کې د ژوندي پاتې کیدو لپاره بېړنیو مرستو ته اړتیا ولري.
په تېرو څو ورځو کې د افغانستان شمالي او لویديځ ولايتونه د ويجاړوونکیو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي او په تخار کې له ۲۰ ډېرو کسانو خپل خوږ ژوند له لاسه ورکړی دی.
ویل کیږي، چې تر اوسه د مالي زیانونو پوره کچه نده څرګنده شوې؛ خو دا مهال د سیلابونو له کبله سلګونه کورونه ویجاړ شوي او کرنیزو ځمکو ته ډېر زیان اوښتی دی.
-
تازه خبرونه1 day ago
الله ګل مجاهد د قتل پر تور ونیول شو
-
سوداگري4 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی4 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
تازه خبرونه4 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ4 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
تازه خبرونه4 days ago
سعودي عربستان ته د افغان حاجیانو د لېږد بهیر پیل شو
-
تازه خبرونه4 days ago
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه