Connect with us

تازه خبرونه

د هرات صنعتي ښارګوټي ته د ایران وارداتي برښنا اویا سلنه کمه شوې

خپور شوی

د

(Last Updated On: زمری ۲۱, ۱۴۰۲)

د هرات د صنایعو او کانونو خونه وايي، د دې ولایت د صنعتي ښارګوټي د کارخونو په تولید کې اویا سلنه کموالی راغلی او زرګونه کسان بې کاره شوي دي.
د صنعتي ښارګوټي په ګډون د هرات ښار لویه برخه له ایران څخه په وارداتي برښنا تکیا ده، خو له یوې اوونۍ راپدیخوا د ایران په صادراتي برښنا کې اویا سلنه کموالی راغلی، چې د صنعتي کارخونو لرونکي او ښاریان په دې ورځو کې جنراتورونه کاروي.
د هرات د صنایعو او کانونو خونې رییس حمیدالله خادم وايي، د صنعتي ښارګوټي په تولیداتو کې اویا سلنه کموالی راغلی او زرګونه کسانو کار له لاسه ورکړی دی.
په هرات کې د کارخونې لرونکی حامد پوپل ویلي؛ د ایران وارداتي برښنا اویا سلنه کمه شوې او خلک په روانه اوونۍ کې د برښنا له سخت کمښت سره مخ دي.
له کلونو راهیسې د فابریکو خاوندان د برښنا د نشتوالي له ستونزې سره مخ دي.
د هرات اوسیدونکي عبدالمجید بیا دغه ولایت ته له ایران څخه د وارداتي برښنا پر کموالي نیوکه کوي.
د هرات والي ویاند نثار احمد الیاس ويلي، په هرات کې د برښنا د کمښت د ستونزې د اوارولو له پاره هڅې روانې دي؛ خو له خلکو هم غواړي، چې برښنا سپما کړي.
د صنایعو او کانونو خونه وايي؛ هر وخت، چې په صنعتي ښارګوټي کې د انرژۍ اندازه کمه شي، د هرې یوې کارخونې خاوند ته زرګونه دالر زیان اوړي.
په هرات کې د صنعتي ښارګوتي زیاتره کارخونې اوس پر ډيزلي برښنا چلیږي، چې لګښت یې ډېر دی.

تازه خبرونه

ملګرو ملتونو د دې ټولنې په عمومي ناسته کې د افغانستان د رایې حق وځنډاوه

Published

on

(Last Updated On: غویی ۲۵, ۱۴۰۳)

ملګرو ملتونو د دې ټولنې په عمومي ناسته کې د افغانستان او پېنځه نورو هېوادونو د رايې ورکولو حق لنډمهالی ځنډولی دی.

دې ټولنې په اوبپاڼه کې لیکلي، چې افغانستان دې ټولنې ته د کلني غړیتوب حق‌العضویت له پامه غورځولی دی.

دا خبر په ملګرو ملتونو کې د افغانستان دایمي استازولۍ هم تائید کړی دی.

دې ټولنې دا هم ویلي، چې د دې ټولنې د منشور د ۱۹ مادې له مخې: هر هغه غړي هېواد، چې د دوه کلونو یا له دې د ډېر وخت لپاره د غړیتوب حق‌العضویت سپارلی نه‌وي؛ د دې ټولنې په عمومي ناسته کې د رایې ورکولو له حق څخه بې برخې پاتې کیږي.

د ملګرو ملتونو د څرګندونو له مخې؛ افغانستان د ۲۰۲۲ او ۲۰۲۳ کلونو لپاره د غړیتوب حق‌العویت ندی ورکړې له همدې کبله د دې ټولنې پوروړی دی.

د ملګرو ملتونو د غړیتوب کلنی حق العضویت دوه میلیون ډالره دی.

د راپورونو له مخې؛ له دې مخکې په ملګرو ملتونو کې د غړیتوب کلنی حق‌العضویت د افغانستان بهرنیو چارو وزارت پرې کاوه.

د ملګرو ملتونو په اوبپاڼه کې د ورکړ شویو معلوماتو له مخې؛ افغانستان، اکواډور، کومورس، وینزویلا، سومالیا او ساو تومه هغه هېوادونه دي، چې له دوه کلونو پر تېرېدو یې هم د غړیتوب حق‌العضویت ندی ورکړی.

دا په داسې حال کې ده، چې ملګرو ملتونو ټولنې په تېرو دوه کلونو کې د افغانستان د دایمي استازي په توګه د افغانستان د لنډمهالي حکومت یا اسلامي امارت د نومول شوي استازي سهیل شاهین له منلو ډډه کړې ده.

Continue Reading

تازه خبرونه

د افغانستان سیلاب ځپلیو ته مو د مرستو چمتووالی نیولی – ټوماس ویسټ

Published

on

(Last Updated On: غویی ۲۴, ۱۴۰۳)

د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده  کړې ده.

ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.

دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.

د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.

د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.

Continue Reading

تازه خبرونه

ملا برادر د بغلان ولایت له سیلاب ځپلیو سیمو لیدنه وکړه

Published

on

(Last Updated On: غویی ۲۴, ۱۴۰۳)

د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.

ملا برادر  د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.

نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.

په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.

د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.

تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.

Continue Reading

Trending

Copyright © 2022 Ariana News. All rights reserved!