لوبی
د میوند چمپینز د لومړي پړاو توپوهنه د لوبې پر دوهیمه ورځ هم د هندوکش سترایکرز پر وړاندې روانه ده
د احمدشاه ابدالي فرست کلاس سیالیو د پای لوبې پر دوهیمه ورځ میوند چمپینز لوبډلې خپله لومړۍ توپوهنه پر ۱۳ منډو او له کومې ویکتې پرته پیل کړه. د دغې لوبې په لومړۍ ورځ هندوکش سترایکرز لوبډلې د خپلو ټولو لوبغاړو پر له لاسه ورکولو سره ۳۳۴ منډې جوړې کړې.
په لومړۍ ورځ د هندوکش لپاره افتاب عالم په ۵۶ توپونو ۸۳ منډې وکړې. دغه راز درویش رسولي ۸۰ او شبیر نوري ۶۵ منډې ورزیاتې کړې. نوید ځدراڼ هم ۳۳ منډې وکړې.
د میوند چمپینز په توپاچونه کې مجیب ځدراڼ درې او محمد ابراهیم او اعجاز احمد احمدزي دوه دوه لوبغاړي وسوځول.
د هېواد په کچه د کرکت مینهوال کولی شي، چې د آریانا تلویزیون څخه پر مننه هره ورځ فاینل لوبه پر ژوندۍ بڼه وګوري.
ژوندۍ خپرونه د دوشنبې پر ورځ (د سپتمبر ۱۸) د سهار له ۹ بجو پیل شوې او تر جمعې (سپتمبر ۲۲) پورې به روانه وي.
لوبی
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
د افغانستان فوټبال اتلانو لیګ اووهدېرشمه لوبه د چارشنبې پر ورځ ( د غویی نولسمه ) د ابو مسلم فراه او عدالت فراه لوبډلو ترمنځ مساوي پای ته ورسېده.
په دې لوبه کې یوه لوبډله پر ګول وهنه بریالۍ نشوه.
له بلې خوا د نن ورځې په دوهیمه یا اتهدېرشمه لوبه کې میوند فوټبال لوبډلې د جوانان واحدي ته ۲ د صفر پر توپیر ماتې ورکړه.
د دغو لوبو په لړ کې به د پنجشنبې پر ورځ ( د غویی شلمه) موج ساحل او خدیم سرپل به د کابل پر وخت یوه بجه او اټک انرژي به له استقلال کابل له لوبډلې سره ۳:۳۰ بجې ولبیږي.
دا سیالۍ له آریانا ټلویزیون څخه پر ژوندۍ بڼه خپرې شي.
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري3 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
لوبی5 days ago
اټک انرژی جوانان واحدي لوبډله او عینو مېنې خدیم ماټ کړل